Xabaringiz bor, shu kunlarda “Lokomotiv” yangi mavsumga hozirlikni Turkiyada olib boryapti.
O‘zbekistonning amaldagi chempioni bu yil ham o‘z oldiga katta maqsadlarni qo‘ygan. Avvalo chempionlikni saqlab qolish, O‘zbekiston Kubogida zafar quchish hamda Osiyo chempionlar ligasida imkon qadar uzoqqa borish. Buning uchun tarkibga bir nechta yangi futbolchilar qo‘shib olindi.
“Lokomotiv” kecha Turkiya yig‘ini doirasida o‘zining ilk o‘rtoqlik uchrashuvini o‘tkazdi. Moskvaning “Dinamo” klubi bilan kechgan bahsda 1:1 hisobi qayd etildi. “Temiryo‘lchilar” safida Avazbek O‘lmasaliyev gol muallifi bo‘ldi. O‘yindan so‘ng jamoa bosh murabbiyi Andrey Fyodorov klub matbuot xizmatiga intervyu berdi.
– Andrey Vitalyevich, yangi mavsumga tayyorgarlik qanday ketyapti?
– Yig‘in yaxshi davom etyapti. Ob-havo ham bemalol ochiq maydonda shug‘ullanish imkonini beryapti. Birinchi kelganimizda ob-havo xalaqit berib yaxshi shug‘ullana olmasak kerak deb o‘ylagandik. Lekin hozircha hammasi yaxshi. BAAda tashkil etilgan dastlabki yig‘inda asosiy e’tiborni futbolchilarning jismoniy holatini yaxshilashga qaratgandik. Bu yerda esa jismoniy holat bilan birga to‘p bilan ishlashni ham asosiy o‘ringa qo‘yganmiz. Meni xursand qilgan jihati jamoamizga yangi qo‘shilgan futbolchilar tezda kirishib keta olishdi. Bu jamoa uchun juda muhim.
– Darvoqe, yangi futbolchilar haqida nima deya olasiz?
– Ular uchun xursandman. Har bir jamoada o‘zgarishlar ro‘y berib turadi. Kimdir ketadi, kimdir keladi. Futbolda bu normal holat. Muhimi, jamoa o‘z uslubini saqlab qolishi. Har bir mashg‘ulotda futbolchilar berilgan ko‘rsatmalarni uddalab bajarishga harakat qilishyapti. Umuman jamoadagi barcha yuqori ishtiyoq bilan ishlayapti. Kecha Turkiya yig‘ini doirasida dastlabki o‘rtoqlik uchrashuvini o‘tkazdik. Sekin-asta yangi futbolchilar ham o‘zlarini ko‘rsatishmoqda. Hali oldinda uchta nazorat bahsi bor va bu uchrashuvlarda ham futbolchilarni sinab ko‘ramiz. O‘ylaymanki, birinchi rasmiy o‘yingacha jamoa yaxshi formaga kiradi.
– Nima deb o‘ylaysiz, jamoaga yana yangi futbolchilar kerakmi?
– Yangi futbolchilar har doim kerak. Chunki professional klub yil bo‘yi seleksiya siyosatini bir zum to‘xtatmaydi. Ammo hozirgi tarkibdan ko‘nglim to‘q. Bu o‘rinda bizdan shu futbolchilardan yaxlit jamoa tuzish talab qilinadi. Agar jamoani haqiqatan kuchaytira oladigan bo‘lsa yangi futbolchi kerak. Shunchaki sonni to‘ldirish uchun o‘yinchi zarur emas deb o‘ylayman.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
