Xabaringiz bor 12-fevral sanasida «Paxtakor» OCHL guruh bosqichi uchun kurashga kirishadi. Bugun «Paxtakor» va uning raqiblari imkoniyatlari haqida haqida qisqacha to‘xtalamiz
«Paxtakor» va uning Transfer siyosati
Shote Arveladze o‘zining noodatiy transfer yurishlarida davom etmoqda. Ko‘pchilik muxlislar yaxshi saviyadagi legionerni kutishayotgan bir paytda Sadriddin Abdullayev (30 yosh) harid qilindi. Tiago Bazerra ketgach, uning o‘rni Marat Bikmayev bilan to‘ldirildi. To‘g‘ri, Hamdamov va Hamrobekov singari futbolchilar harid qilindi, lekin baribir nimadir kamdek tuyulqmoqda. Balki, Arveladzening aynan shu futbolchilar uchun o‘zining rejalari bordir. Balki, aynan shu futbolchilar orqali kutilgan natijani qayd eta olar. Axir aytishadiku natijaga murabbiy JAVOB BERADI. Biz «Paxtakor»ning OCHL dagi yurishi uzoqqa cho‘zilishining tilakdoshimiz.
«Paxtakor»ning raqibi haqida
«Eyr Fors» klubi Iroq chempionatida chempionlik uchun kurash olib bormoqda. Jamoa safida bir nechta terma jamoa o‘yinchilari ham mavjud. Bosim Qosim boshchiligidagi Iroq klubi o‘tgan mavsumlarda OFK kubogi bahslarida ajoyib o‘yinlar ko‘rsatdi. Umumiy ta’riflaganda, «chaqilmas yong‘oq» misoli jamoa.Vaziyatga real ko‘z bilan qaraydigan bo‘lsak, «Paxtakor» ancha jiddiy raqibga qarshi maydonga tushmoqda. Iroq chempionati hozir ayni qizigan pallada. Futbolchilar to‘liq formaga kirib olishgan va Toshkentda osonlikcha taslim bo‘lmasligi aniq! Eslatib o‘tamiz, uchrashuv 12-fevral kuniToshkentdagi «Paxtakor» stadionida soat 15:00 da boshlanadi.
Keyingi Bekat «An-nasr» (BAA)
Nasib qilsa, keyingi bosqichdagi raqibimiz «An-nasr» jamoasi bo‘lishi hech kimga sir emas. Dubay shahriningjamoasi o‘z chempionatida hozirda 9- o‘rinda bormoqda va peshqadamdan 18 ochkoga orta qolmoqda. KlubAlvaro Negredo, Junior Dutra, Ronni Fernandes singari hujumkor futbolchilarga ega.
Bu klubning yana bir yulduz futbolchilaridan biri Fransiya terma jamoasi va «Arsenal»ning sobiq o‘yinchisiYoan Kabay sanaladi. U «An-nasr»ning hujumlarini boshlab berishda katta o‘rin tutadi va jamoa so‘nggi paytlarda aynan shu futbolchi atrofida shakllanmoqda.
«An-Nasr»ni BAA da hujumdagi eng kuchli jamoa deb atashadi. Ammo, himoyada yetarlicha muammolar mavjudligi sabab jamoa muhim uchrashuvlarda himoyachilarning xatolari evaziga ochko yo‘qotmoqda.
Jamoa uy uchrashuvlarini 12 ming muxlisga mo‘ljallangan «Al-Maktum» stadionida o‘tkazadi.Jamoani Serbiyalik Ivan Yovanovich boshqarib kelmoqda. U 2018-yil 19-yanvar sanasida Kairo Zanardining( Braziliyalik) o‘rnini egalladi.
OCHL ga chiqish imkoniyati
«Paxtakor» birinchi sinovdan o‘tib olsa, uyog‘iga nimadir o‘ylab topsa bo‘ladi. Agar Arveladze «An-nasr» jamoasining o‘yin uslubi va taktikasiga qarshi o‘z taktik yurishi orqali javob qaytara olsa, «Sherlar» safida ham yaxshi ijrochilar talaygina. Uchrashuv mehmonda bo‘lishiga qaramasdan, Arveladze shogirdlari ortiqcha hayajonga berilishmasa, bu jamoadan o‘tsa bo‘ladi. Zamonaviy futbolda yengib bo‘lmas jamoalar qolmaganiga ancha bo‘lgan… Umimiy qilib aytganda, «Paxtakor»ning imkoniyatlari «An-Nasr»nikidan past emas. Asosiysi, futbolchilar o‘zbek xalqining ifixori, faxri hisoblangan klub sharafini himoya qilayotgan ekanligini ich-ichidan his qilib turishsa, har qanday raqibdan o‘ta olishadi.
Biz bayroqdor jamoamizga OCHL guruh bosqichi uchun saralashdagi o‘yinlarida omad va zafarlar tilab qolamiz. Biz senga ishonamiz, «Paxtakor»! Yodingda tut, sen kecha paydo bo‘lgan jamoa emassan, shonli tarixing bor va shu tarix ichida orttirgan millionlab qorako‘z muxlislaring sening Xalqaro maydondagi g‘alabalaringga mushtoq, yana seni Osiyo Chempionlar Ligasi ham sog‘ingan.
Yahyoxo‘ja Ulug‘xo‘jayev
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
