Kichik “derbi” teng kurashlar ostida boshlandi. Har ikki jamoa a’zolari ilk daqiqalardan tashabbusga ega bo‘lishga intilishdi. Vaqt o‘tishi bilan tomonlarni hujumlari xavfli ko‘rinish oldi. 33-daqiqada Dilshod Samiqov raqib darvozasini aniq nishonga olib hisobni ochdi. Ushbu vaziyatda futbolchimiz raqib posboni bilan birga-bir vaziyatga chiqib, hujumni gol bilan yakunladi. Birinchi bo‘lim shu hisobda yakuniga yetdi.
Ikkinchi bo‘limni ham futbolchilarimiz shiddatli hujumlar bilan boshlashdi. 63-daqiqada mehmonlar hisobni tenglashtirish uchun yaxshi imkoniyatga ega bo‘lishdi. Ushbu vaziyatda Sarvar Karimov mahorat ko‘rsatdi. Bo‘lim o‘rtalariga kelib usutunlik mehmonlar tomoniga o‘tdi. Andijonliklar hisobni tenglashtirish uchun katta kuch bilan hujumga zo‘r berishdi.
Futbolchilarimiz esa himoyada ishonchli o‘ynashdi. Ayniqsa, Jasur Yoqubov ishonchli harakatlari bilan raqib hujumlarini qaytarib turdi.
So‘nggi daqiqalarda har ikki jamoa vakillari ketma-ket hujumlar uyushtirishganiga qaramay, o‘yin oxiriga qadar hisob o‘zgarmadi. Shu tariqa, yoshlarimiz kichik “derbi”da g‘alaba qozonishdi.
U-21 Birinchiligi
2 - tur
"Qo‘qon-1912" - "Andijon" – 1:0 (1:0)
Hakamlar: G‘ayrat Jo‘rayev, Shoxrux A’zamov, Ravshan Kopadze,Olim To‘ychiboyev.
Nazoratchi: Baxtiyor Namozov.
Gol: Dilshod Samiqov – 33.
“Qo‘qon-1912”: 25. Sarvar Karimov, 4. Bekzod Karimov, 7. Ayubxon Abdurahimov, 9. Ramz Isaqov, 14. Avaz Mamatxo‘jayev, 19. Dilshod Samiqov, 55. Abdullox Mirkomilov, 65. Jasur Yoqubov, 78. Abror Usmonov, 79. Barhayot Saidahmadjonov, 96. Umid Muhammadaliyev.
“Andijon”: 30. Akmal Ortiqov, 5. Sardor Ma’rufjonov, 7. Dilmurod Abduqahhorov, 10. Usmonali Ismonaliyev, 11. Po‘lat Sharifov, 14. Timur Ismoilov, 17. Farhod Sohibjonov,18. Mashhur Mirzayev, 19. Jamshid Hamidov, 21. Rustam Quchqorov, 33. Doniyor Abdumanopov.