Italiya A seriyasi bahslariga ham start berilmoqda. 2020 yilning starti anonsbop o‘yinlarga boy.
“Yuventus” mavsumni boy bermasligi uchun har o‘yinga jiddiy e’tibor qaratadi, turgan gap. Shu bois "Kalyari" bilan kechadigan uchrashuv ham turinliklar uchun finaldek.
“Milan” bugun “Sampdoriya”ni qabul qilar ekan, “San Siro” to‘lishi kutilmoqda. Axir, shaxsan o‘zlari, janobi oliylari — Zlatan qaydnomaga kiritilgan.
Parallel ravishda o‘tadigan bu ikki bellashuvning ikki xil vaziyati bor, ko‘ryapsizmi: lider o‘yinini ko‘rmoqchi bo‘lganlar Turinga, futboldagi shaxsiyatning o‘yinini kuzatmoqchi bo‘lganlar Milanga “safar” qilishlari mumkin.
Ammo tunda, soat 01:00da rosmana bir-biriga teng raqiblar Neapoldagi “San Paolo” o‘yingohiga chiqib kelishadiki, ul o‘yinni ko‘rmaslik to‘g‘ri ishmas:)
O‘tgan yilning eng katta alamzadasi - “Napoli” o‘tgan yilning bosh qahramoni – “Inter”ni qabul qiladi.
Gattuzo shogirdlari o‘zlariga yarashmaydigan 8-o‘rinda borishmoqda, lekin yilni birinchi o‘rinda yakunlagan “Inter”ga yaxshigina boshog‘riq bo‘lishlari kutilmoqda. Garchi tarkib masalasida Kontening imkoniyatlari yaxshiroq bo‘lsa-da...
Fabian Ruis qaydnomada boru, bir hafta gripp bilan kurashgani uchun yaxshi formadamikan?
Mertens Belgiyaga jarohatini davolash uchun uchib ketgan, ko‘pchilik u Neapolga shu bahona qaytmaydi, deyishyapti.
Maksimovichning yoniga lazaretga Kulibali qo‘shildi, markaziy himoyada Manolas bilan birga A seriya darajasidan pastroq Luperto o‘ynashi kutilmoqda.
“Inter”da esa aksincha: Sensi, Barella va Aleksis Sanches safga qaytdi. Faqatgina D`Ambrozio yordam bera olmaydi. Bu yo‘qotish qaytganlar tarozusi bilan solishtirganda og‘irmasu, to‘g‘rimi?
“Inter” Neapolda oxirgi bor 1997 yili Simeone o‘ynagan davrlarda g‘alaba qozongan. Hozir o‘sha qora an’anani yo‘qqa chiqarishga yaqin imkoniyat bor. Ammo boya ta’kidlaganimizdek, “Napoli”ning mana shu yarador tarkibi ham Jang taklif etadi.
Janub yigitlarining vajohatiga Gattuzoning dahshatli nigohini qo‘shing-da, “Napoli”ning o‘yinini tasavvur qilib olavering!
“Inter” davraning oxirgi turida “Atalanta”ni kutib oladi – mana sizga yana markaziy bahs, “Napoli” esa Rimda quturgan “Lasio”ning mehmoni bo‘ladi. Birinchi davrani ular shunday tugatadilar. Undan oldin esa, o‘zaro hisob-kitob olish kerak. Shu bugun.
Kontening futbol falsafasimi yo Gattuzoning qattiqqo‘lligimi?
00:45da uxlamaysiz endi, birga kuzatamiz!
Xizmatingizda o‘zim...
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
