Pro-liganing 5-turidan o‘rin olgan “Navbahor-farm” – “G‘ijduvon” (4:0) uchrashuvidan so‘ng, namanganliklar ustozi Rashidjon G‘ofurov OAV xodimlarining savollariga javob berdi. U odatdagidek, o‘z so‘zini o‘yin haqidagi fikrlari bilan boshladi.
- Uchrashuv kutilganidek, qizg‘in va shiddatli kurashlar ostida kechdi. Oldin ham ta’kidlaganimdek, jamoaga faqatgina g‘alaba yetishmayotgandi, xolos. Bugungi o‘yinda ham maqsadimiz, birinchi bo‘lib gol urish edi hamda buni uddaladik. Kiritilgan to‘pdan ruhlangan yigitlar esa ishonchli g‘alabani qo‘lga kiritishdi. Ikkinchi bo‘limda maydonga yangi kuchlarni tushirdik va ular o‘zlariga bildirilgan ishonchni oqlab, o‘yinni kuchaytirishga muvaffaq bo‘lishdi. Bundan juda xursandman.
- Shu paytgacha jamoaga zafar quchish uchun sizning zaxira o‘rindig‘ida bo‘lmaganligingiz ham ta’sir qilganmidi?
- Yo‘q, men bunday fikrda emasman. Boisi, jamoamiz murabbiylar shtabidan mahoratli mutaxassislar o‘rin olishgan. Aytganimdek, bizga bittagina g‘alaba yetishmayotgan edi, xolos. O‘tgan turda “Qo‘qon-1912” jamoasiga qarshi kechgan o‘yindagi natija g‘alabaga teng durang bo‘ldi. O‘sha o‘yindan ruhlangan shogirdlarim mana bugun zafar quchishga muvaffaq bo‘lishdi. Endi Pro ligada ham o‘z o‘rnimiz borligini keyingi bahslarda ham isbotlashga intilamiz.
- G‘alabali odim keyingi o‘yinlarda ham davom etadi, degan umiddamiz...
- Albatta, har bir o‘yinda maydonga g‘alaba ishtiyoqida tushib, kerakli ochkolarni jamg‘arishga harakat qilamiz.
- Joriy mavsumda “Navbahor”ning oldiga qanday vazifa qo‘yilgan?
- Maqsadimiz, bitta, ya’ni, “Navbahor”ning asosiy tarkibiga mahoratli futbolchilarni yetkazib berish. Jamoamizning oldiga chempion bo‘lish yoki beshlikka kirish vazifasi qo‘yilmagan. Shunday bo‘lsada, kerakli ochkolarni yig‘ishga intilamiz. Boisi, mag‘lubiyatga uchrayotgan emas, balki, g‘alaba qozonayotgan jamoa o‘yinchilari ko‘proq ko‘zga ko‘rinadi. Ushbu omillarni ham inobatga olamiz, albatta.
- Bugungi o‘yinda zaxiradan maydonga tushirilgan futbolchilar o‘zlarini namoyish etishdi. Ibrohim G‘anixonov esa o‘z imkoniyati darajasida o‘ynay olmadi. Bunga qanday izoh berasiz?
- Ta’kidlash joizki, Ibrohim G‘anixonov nominal hujumchi emas. U o‘ng va chap qanotlarda o‘ynaydigan yarim himoyachi. Uning biroz toliqqanligini hisobga olib,qanotlarga yangi kuchlarni tushirib, uni oldinga chiziqqa o‘tkazdik. Jamoamizda 25 nafar futbolchi bor va Xudoga shukr, zaxira o‘rindig‘idan ham ancha mahoratli futbolchilar o‘rin olishgan. Kimdir jarohat olsa yoki diskvalifikasiyaga uchrasa, safimizda ularning o‘rinlarini bosa oladigan o‘yinchilar bor. Shuning uchun qo‘rqmay, ularni asosiy tarkib futbolchilari, deya olaman. Chunki ularning barchasi o‘z o‘rniga ega. Masalan, Shohruh Mahmudhojiyev hozircha gol urmagan bo‘lsada, raqib himoyachilariga tashvish tug‘dira oladi. Bundan esa jamoadoshlari samarali foydalanishmoqda. Bizga kimning gol urishi emas, g‘alaba qozonish muhim. Husayn Ergashboyev bugun maydonga tushib, “dubl”ga erishdi. Maydonda ko‘p yoki oz o‘ynagan emas, balki, o‘zining vazifasini sidqidildan bajargan futbolchilar professional hisoblanishadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
