Pro-liganing 5-turidan o‘rin olgan “Navbahor-farm” – “G‘ijduvon” (4:0) uchrashuvidan so‘ng, mehmonlar ustozi Gennadiy Kochnev jurnalistlarning savollariga javob berdi. U odatdagidek, o‘z so‘zini o‘yin haqidagi fikrlari bilan boshladi.
- Futbolchimiz maydondan chetlatilganidan so‘ng, o‘yin biz uchun salbiy tus oldi. Zaxiradan maydonga tushirilgan futbolchilardan faqatgina bir nafari o‘yinga kirishib keta oldi, xolos. Qolgan to‘rt nafari esa o‘z imkoniyatlari darajasida o‘ynay olishmadi. Ayniqsa, uchrashuv yakuni biz uchun dahshatli tus oldi. Qizil kartochkaga qadar, yigitlar yaxshi o‘yin namoyish etib, hattoki, hisobni tenglashtirish imkoniyatiga ham ega bo‘lishgandi. Lekin vaziyatlardan foydalana olishmadi.
“Navbahor-farm”ni bugungi g‘alaba bilan tabriklayman. Jamoa tarkibida yaxshi, yosh futbolchilar bor. Mezbonlar tarkibida zaxiradan maydonga tushgan futbolchilar o‘yinda burilish yasay olishdi.
- Ammo har ikki jamoa a’zolari maydonda 10 nafar bo‘lib qolishdi...
- Men maydonda bir kishi kam bo‘lib qoldik, demayapman. Balki, futbolchimiz maydondan chetlatilganidan so‘ng, o‘z o‘yinimizni topa olmaganligimiz, bu jamoamiz o‘yiniga salbiy ta’sir ko‘rsatganligini ta’kidlamoqchiman, xolos. Zaxiradan maydonga tushirilgan yigitlarning o‘yinni kuchaytirishlarini kutgandim. Ammo...
- Joriy mavsumda “G‘ijduvon”ning odiga qanday vazifa qo‘yilgan?
- Jamoa 28 fevralda to‘planganligi bois, yangi mavsumga tayyorgarlik ko‘rish uchun oz vaqt qolgandi. O‘yindan – o‘yinga kuchayib borishni niyat qilgandik. Ammo hozircha buni uddalay olmayapmiz hamda bu qiyinchilik tug‘diryapti.
– Raqib jamoa borasida nima deya olasiz?
- “Navbahor-farm” doimo menga yoqqan. Birinchi ligada “Neftgazmontaj”da faoliyat yuritganimda, “Navbahor-farm”ga qarshi ikki marta o‘yin o‘tkazganman. Yaxshi, uyushqoq, qiziqarli jamoa. O‘tgan turda Qo‘qonda bo‘lib o‘tgan bahsda namanganliklarning o‘yinlarini kuzatdim. “Navbahor-farm”ning ayniqsa, 1-bo‘limdagi o‘yini menda juda yaxshi taassurot qoldirdi.
Shuningdek, yangi mavsumga tayyorgarlik doirasida qishda bugungi raqibimiz bilan nazorat bahsi o‘tkazgandik. Jamoadagi yigitlar ko‘p yillardan buyon birga o‘ynashadi va ularda uyushqoqlik bor.“Navbahor-farm” uchun barcha sharoitlar yaratilgan va jiddiy ish olib borilmoqda. Bir so‘z bilan aytganda, “Navbahor-farm” menga juda yoqdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
