Xalqaro og‘ir atletika federasiyasi (IWF) tomonidan e’lon qilingan Parij-2024 Olimpiya o‘yinlari yangilangan reytingiga ko‘ra, mamlakatimizning 16 nafar sportchisi to‘rt yillik o‘yinlar tizimidan joy oldi.
Bu e’tiborga molik hodisa bo‘lganligini bildirgan holda o‘tgan Tokio Olimpiadasida qatnashish uchun joriy etilgan reyting ko‘rsatkichida yurtimizning 8 nafar og‘ir atletikachisi dastlabki Olimpiya kurashida qatnashgandi. Yakunda ularning 4 nafari Tokio-2020 o‘yinlarida qatnashish baxtiga erishgandi o‘shanda.
Bu gal Olimpiya o‘yinlarida ishtirok etishga nomzod sportchilar ro‘yxatida 16 nafar og‘ir atletikachilarimiz borligi O‘zbekiston sportida, xususan og‘ir atletika yo‘nalishida yangi sahifa ochilganligininng yorqin ifodasi hisoblanadi.
Og‘ir atletika bo‘yicha Osiyo chempionati yakunlangandan keyin e’lon qilingan reytingga binoan aksariyat vaznlardagi yetakchilik xitoylik sportchilarga tegishli bo‘ldi.
O‘zbekiston terma jamoasi a’zolaridan Akbar Jo‘rayev va Rustam Jangabayev kuchli o‘nlikda qayd etilgan bo‘lsa, Ruslan Nuruddinov va Tursunoy Jabborova yigirmatalik qatordan joy olishdi.
Olimpiya reytingiga kiritilgan Doston Yoqubov 24-o‘rinda, Nigina Adashboyeva 26-o‘rinda, Sharofiddin Amriddinov 27-o‘rinda, Muhammadqodir Toshtemirov 32-o‘rinda, Adhamjon Ergashev 35-o‘rinda, Nigora Abdullayeva 32-o‘rinda ko‘rinish berishgan.
Shuningdek, Og‘abek Nafasov, Diyorbek Ro‘zmetov, Og‘abek To‘xtayev, Sunnatilla O‘sarov, Xojiakbar Olimov, Qurbonmurod Nomozov o‘z vaznlarida Parij-2024 pog‘onasidan o‘rin olganligi e’tiborli holat ekanligini qayd etmoq joiz.
Shu o‘rinda aytish lozim, Xalqaro og‘ir atletika federasiyasi Olimpiya saralash tizimiga muvofiq, sportchi Parij-2024 da ishtirok etish uchun kelgusida ikkita majburiy hamda beshtadan uchta ixtiyoriy xalqaro musobaqada qatnashishi kerak bo‘ladi. Bu, joriy yil 2-17 sentyabr kunlari Saudiya Arabistonida o‘tadigan Jahon chempionati va keyingi yil aprel oyida Tailand mezbonligidagi Jahon kubogi sanaladi.
Parij-2024 Olimpiadasining beshta ixtiyoriy musobaqalaridan biri bo‘lgan Osiyo chempionati aynan kelgusi yil 20-27 fevral kunlari poytaxtimiz Toshkentda tashkil etilishi belgilanganligi e’tiborli voqealikdir.
Eslatib o‘tamiz, Parij-2024 Olimpiadasida og‘ir atletika musobaqalari erkaklar o‘rtasida beshta va ayollar o‘rtasida beshta vazn toifalarida bo‘lib o‘tadi. Har bir vaznda aynan qaysi sportchi milliy terma jamoa tarkibida Olimpiya o‘yinlarida qatnashishini reytingdagi ballari hamda murabbiylar kengashi hal etadi.
Yurtimiz og‘ir atletikachilarining 16 nafari Parij-2024 reytingidan joy olishi mamlakatimizda iqtidorli sportchilarni saralash, ularga zarur shart-sharotilar yaratish borasida keng qamroqli ishlar samarali olib borilayotganligidan dalolat.
O‘zbekiston og‘ir atletika federasiyasi
Matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
