Nomzodlar turniri 6-turidan so‘ng Javohir Sindarov Vey Yi ustidan qozongan g‘alabasini batafsil sharhlab berdi.
Uning aytishicha, partiya murakkab va ikki tomon uchun ham xavfli bo‘lgan:
“Boshlanishida pozisiya yomon emas edi, lekin bir payt biroz noqulay bo‘la boshladi. Keyin fil d4'ga kelgach, o‘yinim ochildi. Shu bilan birga vaqt ustunligi ham paydo bo‘ldi va asta-sekin bosim qilishni boshladim”.
Sindarov o‘yinning muhim jihatlaridan biri — vaqt omili ekanini yana bir bor ta’kidladi:
“Agar vaqt ko‘p bo‘lsa, o‘zingni ancha dadil his qilasan. Kichik taktik detallarni o‘tkazib yubormaslik juda muhim. Shuning uchun vaqt ustunligi bo‘lsa, tezroq o‘ynayman, lekin hammasini tekshirib boraman”.
U debyut bosqichi haqida ham qiziqarli fikr bildirdi:
“4-yurishdan keyin men deyarli tayyorgarlikdan chiqdim. Bu variantni aniq tayyorlamagandim. a3 yurishi men uchun kutilmagan bo‘ldi, lekin pozisiya juda yomon emas — o‘ynasa bo‘ladigan edi”.
Dinamik pozisiyalar uning uslubiga mos kelishini ham yashirmadi:
“Men dinamik o‘yinlarni yoqtiraman. Ikkala tomon uchun ham g‘alabaga imkoniyatlar bo‘lgan pozisiyalarda o‘ynashdan zavq olaman”.
Sindarov hatto durang natijani ham yomon deb hisoblamaganini aytdi:
“Agar raqib juda aniq himoyalansa, durang ham yomon natija bo‘lmasdi. Lekin seytnotda u kichik xatolarga yo‘l qo‘ydi va men ularni aniq ishlata oldim”.
Turnir davomida qanday yondashuvni tanlagani haqida esa u shunday dedi:
“Bu mening birinchi Nomzodlar turnirim, albatta juda muhim turnir. Lekin ortiqcha bosim bo‘lsa, o‘ynash qiyinlashadi. Shuning uchun shunchaki oddiy shaxmat o‘ynashga harakat qilyapman”.
O‘ziga bo‘lgan ishonch haqida esa u juda muhim fikr bildirdi:
“Agar turnir oldidan yaxshi tayyorlansam, o‘zimga ishonaman. Qiyin pozisiyalarda ham to‘g‘ri yurishlarni topa olishimga ishonch bo‘ladi”.
Yakunda u yana bir muhim jihatni ta’kidladi:
“Bu vaqt nazoratida o‘ynashni ham endi o‘rganyapman. Hali ko‘p narsani o‘rganishim kerak, lekin hozircha hammasi yaxshi ketmoqda”.
Endi ertaga 1-davraning oxirgi o‘yini Anish Giriga qarshi bo‘lib o‘tadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
