“Shogirdlarim, ovora bo‘lmang, men hech qachon jamoadan ketmayman”
Baho:
+1; -0
Shunday murabbiylar borki, ular aynan birorta klub uchun tug‘ilgan bo‘lishadi, ya’ni bir klubni cho‘qqiga chiqarishadi, ammo boshqa jamoalarda ishlari yurishmaydi. Masalan, Klaudio Ranyeri “Lester”ni chempion qildi, biroq uning boshqa, hatto “Lester”dan ham kuchliroq jamoani chempion qilishi dargumon. Yoki Zidanni olaylik. Murabbiylikka kechagina kirib kelgan mutaxassis bugun “Real”ni chempion qildi, Yevropada tengsiz jamoaga aylantirdi. O‘z o‘rnida esa uning boshqa klubda bunday omadga erishishiga shubha qilasan kishi. Biz bugun fikr yuritadigan murabbiy ham shundaylar sirasiga kiradi — bu Diyego Simeone.
Simeone shunday murabbiyki, yo‘qdan bor qilishni xush ko‘radi. Uning aynan shu jihati “Atletiko”ga qo‘l keldi. Bir paytlar tajribali futbolchilar sotib olish uchun mablag‘i bo‘lmagan klub murabbiylikka Simeoneni olib keldi. Argentinalik mutaxassis esa jamoaga ham shon-shuhrat, ham g‘alabali onlar, ham mo‘maygina daromad olib keldi. Aynan Simeone davrida ko‘pchilik “Atletiko”ni tanidi, aynan Simeone davrida Madridning ikkinchi jamoasi ketma-ket Yevropa Chempionlar ligasining kamida yarim finaliga chiqmoqda, hatto finalda ham o‘ynadi. Bir qator jamoalar “Atletiko” futbolchilarini xarid qilishga tushishdi, bir qancha jamoalar buni uddalashdi ham.
Ayni paytda esa klub mutasaddilari va muxlislari uni jamoada olib qolish payida. Boisi oxirgi yillardagi omadli boshqaruvdan so‘ng Simeonening ham oshiqlari tobora ko‘payib bormoqda. Uning uchun yaxshigina pul ham taklif qilishyapti. Jamoa rahbariyati esa Diyegodan ayrilmoqchi emas, boisi boshqa hech bir murabbiy “Atletiko” bilan bunchalik omadli natijalarni qo‘lga kirita olmasligi haqiqatga yaqinroq.
Shu boisdan yaqinda Madrid ko‘chalarida tinch namoyish bo‘lib o‘tdi, muxlislar Simeonening qolishini so‘rashdi. Agar uni jamoada saqlab qolish uchun pul kerak bo‘lsa, pul ham yig‘ib berishga tayyor ekanliklarini ma’lum qilishdi. Simeone esa bunga shunday javob qaytardi: “Har xil harakatlar qilib ovora bo‘lib yurmang, men, baribir, jamoada qolaman. Meni hech kim Madriddan quvib chiqara olmaydi. Bu — aniq!”
Ha, Simeone tajribali va fidoyi murabbiy ham. Umid qilamizki, u hali jamoasini boshqaradi, chunki biz “Atletiko”ning muxlisiga aylanganmiz.
Kiritilgan sana: 13.06.2017 17:13. O'kildi: 9847 marta.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
