Ayni damda erkin agentga aylangan Zlatan Ibragimovichga bir qancha takliflar tushmoqda. Garchi yoshi o‘tib borayotgan esa-da uni tarkibida ko‘rishni istayotgan jamoalar kam emas. Biroq Zlatanning o‘zi yaqinda kutilmagan qarorga keldi, u bir mavsum bo‘lsa ham “Real”da o‘ynamoqchi ekan. Biroz bu transfer amalga oshmasa kerak, chunki buning o‘ziga yarasha sabablari bor.
Ayni damda Zinedin Zidan “Real”ni imkon qadar yoshartirish yo‘lida harakat qilmoqda. Hatto buning uchun Pepedan ham voz kechishga qaror qilgan. Ayni shunday vaziyatda Ibragimovichning sotib olinishi Zidanga umuman ma’qul kelmaydi, chunki Zlatan Zidanning rejalari uchun qarilik qiladi.
PERES UCHUN ORTIQCHA BOSHOG‘RIQ
Ibragimovich har narsaga ko‘nib ketaveradigan futbolchi emas. Aynan shu qaysarligi uchun ham “Barselona”dan ketgan. Aynan shu xarakteri “Real”da Peres uchun qo‘shimcha boshog‘riq tug‘dirishi mumkin. Chunki Madrid jamoasining ayni damda ikkita yetakchisi bor — Ramos hurmat yuzasidan sardor, Ronaldu esa o‘yin jihatdan yetakchi. Bunday o‘ringa da’vogarlik qiladigan uchinchi futbolchi esa ortiqcha, u hatto Ibra bo‘lsa ham.
BENZEMA ZAXIRAGA KO‘NMAYDI
Zidan hech qachon Benzemani zaxiraga mixlab qo‘ymaydi hatto Ibragimovich uchun ham. Benzema ham zaxiraga ko‘nmasa kerak, shu bois boshqa jamoaga o‘tishga harakat qilishi mumkin. Zidan esa tabiiyki hali uch-to‘rt yil foydasi tegishi mumkin bo‘lgan va endi-endi samarali o‘ynashga o‘rgatayotgan Benzemani bir yildan keyin hech narsaga yaramay qoladigan Ibraga almashmasa kerak.
“REAL” IBRAGA MUHTOJ EMAS
“Real” Zlatanga muhtoj emas. U Amerika yoki Xitoy klubi emaski, mashhurlikka erishish, jamoatchilik e’tiborini tortish yoki reklamadan pul ishlash uchun Ibragimovichni jalb qilishga urinsa… Qolaversa, Madrid jamoasida reklamalar orqali klubga katta foyda keltirayotgan futbolchi bor — Krishtianu Ronaldu. U hatto bu borada Zlatandan ham ustunroq.
Oldindan bir nima deb bo‘lmaydi. Ammo, bizningcha, “Real” Ibragimovichni o‘z tarkibiga qo‘shib olmasa kerak.
Kiritilgan sana: 21.06.2017 22:57. O'kildi: 10125 marta.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
