Konfederasiyalar kubogi: “omi dehqon” portugallarning mag‘lubiyatiga sabab bo‘ldi
Baho:
+0; -1
Konfederasiyalar kubogining dastlabki yarim finali yakuniga yetdi. Unda Yevropa va Amerika chempionlari bellashishdi. O‘yin teng kurashlar ostida kechdi, yakunda esa omi dehqon Portugaliya terma jamoasi bosh murabbiyi Rikardu Santushning qarorlari portugallarning mag‘lubiyatiga sabab bo‘ldi.
Birinchidan, Rikardu Santush jamoasiga penaltilar seriyasiga tayyorlamagan ko‘rinadi. Ehtimol, oldingi o‘yinlarda bo‘lgani kabi Ronaldu yoki boshqa bir yetakchi futbolchining goli evaziga g‘alabani ilib ketishni niyat qilgandir. Ammo raqib Rossiya yoki Yangi Zelandiya emas, Chili edi. bosh murabbiy esa raqibning imkoniyatlarini to‘g‘ri baholay olishi lozim. Bugungi o‘yinda Santushga aynan ana shu jihat yetishmadi. Portugallar penaltilar seriyasida noto‘g‘ri qarorlar qurboni bo‘lishdi.
E’tibor bering, portugallardan kimlar penaltini ura olmadi, Kuarejma, Moutinyo, Nani. Vaholanki, Rikardu Santush ikkinchi bo‘limda aynan ana shu uch nafar futbolchini maydonga tushirgandi. Va albatta, penaltilar seriyasida ham aynan shu futbolchilarga suyanishni niyat qilgandi. Biroq aynan u maydonga tushirgan futbolchilar 11 metrlik zarbani aniq bajara olishmadi. Bunda shak shubhasiz bor aybni Santush bo‘yniga olishi kerak.
Bundan tashqari, portugallarning shu bosqichgacha yetib kelishida murabbiydan ko‘ra futbolchilarning hissasi kattaroq. Rikardu Santush alohida taktika o‘ylab topib, kuchli raqiblarni ham mos tarzda mag‘lub eta olmagan. Portugallar aksar o‘yinlarda birgina gol evaziga, omad evaziga zafar quchishgan. Bu safar ham shunday bo‘ldi, ehtimol, murabbiy hech bo‘lmaganda qarorni to‘g‘ri chiqarganida, ehtimol, yana Ronaldu yoki boshqa futbolchi yana gol kiritishi mumkin edi.
Nima bo‘lganda ham Ronaldu va uning do‘stlari shu yerga kelganda to‘xtashdi. Endi ular finalni muxlis sifatida tomosha qilishadi. Aytgancha, ularda uchinchi o‘rinni qo‘lga kiritish imkoniyati ham bor agar yana omi dehqon xatoga yo‘l qo‘ymasa. Rikardu Santushni omi dehqon deganimga ajablanmang, men uni dehqonga o‘xshataman, mutaxassisga emas.
Kiritilgan sana: 29.06.2017 01:58. O'kildi: 5445 marta.
Paxtakor
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
