Diyor Imomxo‘jayevdan: “Hangomani qarangki, Tolibjonov yana “Paxtakor” atrofida o‘ralashib yuribdi”
Baho:
+1; -0
Agar mamlakat noto‘g‘ri boshqarilsa, barcha aqlli odamlar uni tark etadi.
Li Kuan Yu
Gollandcha sovg‘a
O‘zi o‘tirgan samolyot o‘rindig‘ining tepasida tik turib olgan yo‘lovchilarni ko‘rgan Xans Verel ajablanib so‘radi: “bu avtobusmi yoki samolyot?”.
1994 yil Toshkentning “Paxtakor” klubi gollandiyalik Xans Verelni ishga taklif qilgandi. U taxminan yuqoridagi kabi sharoitda ishlashga majbur bo‘ldi. O‘zbekiston yosh davlat bo‘lgani uchun, barcha sohalarda yangilanishga muhtoj edi.
Olti yoshligimda Xans uyimizga ayoli va qizi bilan kelib, mehmon bo‘lgandi. Onam o‘z qo‘li bilan pishirgan taomlardan tatib ko‘rib, bu mamlakatda o‘zi uchun kashf qilgan eng yaxshi xulosasi o‘zbek ayoli ekani haqida aytdi. Men uning ko‘rinishini, qarashlarini, hatto ovoz baritoniga qadar eslab qolganman. Keyinroq otamning hikoyalaridan uning kimligi va qanday inson ekani haqida bilganman.
Odatda haftaning yakshanba kunlarini gazetalarga maqola yozish uchun hech kim halal bermaydigan ishxonamda o‘tkazaman. Yo‘lga tushish oldigan ayolim qiziqsinib qarayotgan kumush qoshiq sabab Xans Verelni eslab qoldim. Gazeta o‘qish odamlar uchun yildan-yilga eskilik sarqitiga aylanib borayotgan bo‘lsa-da, shu sonda Verelni eslashga qaror qildim.
O‘sha kumush qoshiqni Xans uyimizda mehmon bo‘lgan kuni sovg‘a qilgandi. Bizda Gollandiyadan kelgan boshqa buyum qolmagan. Men va ukam uchun olib kelingan jurnallar yo‘q bo‘lib ketdi. O‘sha jurnalni bo‘yash uchun taqdim etilgan mo‘yqalamlar bilmadim qayerda qolgan. Qoshiq esa bir necha yillardan buyon jovonda turadi. Ba’zida uni qo‘limga olib, ichida aks etgan kambag‘al niderland dehqoni va uning oilasi kechki ovqat oldidan homush o‘tirgan lavhaga bir zum tikilib turishni yoqtirardim.
Ishga kelgunimcha Xans haqida xayol surishga majbur bo‘ldim. Uning davrida “Paxtakor” chempionatning uchtaligiga ham kira olmagandi. Bu bugungi kun muxlisi uchun g‘alati ko‘rinishi tabiiy. 2002 yil yangi rahbariyat bilan o‘zining gullagan davrini o‘tkazgan “Paxtakor”, Xans Verel davridagi ahvolni balki hazm qila olmas. Lekin men negadir unday o‘ylamayman.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
