Transfer mojarosi: “Barselona” yana qing‘ir ishlarga aralashyaptimi?
Baho:
+0; -0
“Barselona” hali-haligacha Neymar mojarosidan butunlay tinchib ketgani yo‘q. chunki braziliyalik futbolchini xarid qilishda qo‘llangan ayyorlik hali-hamon Kataloniya klubi uchun tashvish tug‘dirib kelmoqda. Chunki o‘shanda “Santos” bilan ish osongina bitishiga ishonmagan “Barselona” rahbariyati to‘g‘ridan-to‘g‘ri Neymar va uning otasi bilan uchrashib qo‘ya qolgan va futbolchini ko‘ndirib bo‘lgach, keyin “Santos”ga yuzlangandi. Bu esa “Santos”ga yoqmagan va ikki o‘rtada nizo kelib chiqqandi. Bora-bora bu “Neymar ishi” deya nom olgan mojaroga aylanib ketgandi.
Aftidan, bu voqealar “Barselona”ga saboq bo‘lmagan, shekilli, jamoa yana turli mojarolarga sabab bo‘lmoqda.
Dastlab Usmon Dembele voqeasiga to‘xtalib o‘tsak. Internet saytlarida “Barselona”ning aynan Bembele transferi borasida kelishuvga erishgani haqida xabar tarqalgandi va muxlislar bundan xursand ham bo‘lishgandi. Biroq keyinchalik ma’lum bo‘ldiki, “Barselona” bu borada faqat Dembelening o‘zi bilan kelishuvga erishgan, Usmonning hozirgi klubi “Borussiya” esa bundan bexabar yoki bunga ko‘nmagan. Har holda Dortmund klubi shunga o‘xshash da’volar bilan sudgo murojaat qilishini ma’lum qildi.
“Santos”dan sotib olingani ta’kidlanayotgan Lima transferi esa ikkinchi mojaroga sabab bo‘ldi. Boisi internet nashrlarida “Barselona” Limani sotib olish borasida kelishuvga erishgani haqida xabar chiqqach, hatto Limaning narxi ham ma’lum qilingach, “Santos”ning paytavasiga qurt tushdi. Neymar borasida yaxshigina pand yegan Braziliya klubi bu safar otni ertaroq qamchilab qolmoqchi. Har holda yaqinda internet nashrlarida yangi xabarlar paydo bo‘ldi, unga ko‘ra “Santos” ham xuddi “Borussiya” kabi “Barselona”ni sudga bermoqchi ekan.
Nima bo‘lganda ham “Barselona”ga ikkinchi “Neymar ishi” og‘irlik qiladi. Shunday ekan, umid qilamizki, bu safar katta mojaro yuzaga kelmaydi.
Kiritilgan sana: 23.06.2017 23:46. O'kildi: 9605 marta.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
