Yevropa chempionlar ligasida saralash bosqichi yakuniga yetib, musobaqaning guruh bosqichida ishtirok etadigan barcha 32 jamoaning nomi aniq bo‘ldi. Demak, qur’a tashlash uchun hamma narsa tayyor. Ushbu marosim haqida batafsil ma’lumot berib o‘tamiz.
Qachon va qayerda?
Qur’a tashlash marosimi bugun, 24 avgust kuni Toshkent vaqti bilan 22:00da boshlanadi. Tadbir Monakoda bo‘lib o‘tadi.
Savatchalar tarkibi:
Jamoalar qur’a tashlash jarayonida to‘rt savatchaga ajratiladi.
1-savatcha: "Real" (Ispaniya), "Bavariya" (Germaniya), "Chelsi" (Angliya), "Yuventus" (Italiya), "Monako" (Fransiya chempionati), "Benfika" (Portugaliya), "Spartak" (Rossiya) va"Shaxtyor" (Ukraina).
2-savatcha: "Barselona", "Atletiko", "Sevilya" (barchasi - Ispaniya), "Manchester Siti", "Manchester Yunayted" (ikklasi ham - Angliya), "Borussiya", (Dortmund, Germaniya), PSJ (Fransiya) va "Portu" (Portugaliya).
3-savatcha: "Napoli", "Roma" (ikkalasi ham - Italiya), "Tottenhem", "Liverpul" (ikkalasi ham - Angliya), "Bazel" (SHveysariya), "Olimpiakos" (Gresiya), "Anderlext" (Belgiya), "Beshiktosh" (Turkiya).
4-savatcha: SSKA (Rossiya), "Seltik" (SHotlandiya), "Feyenoord" (Niderlandiya), "Maribor" (Sloveniya), "Leypsig" (Germaniya), "Qorabog‘" (Ozarbayjon), APOEL (Kipr), "Sporting" (Portugaliya).
Qur’a mexanizmi
Bitta savatchadan o‘rin olgan jamoalar bir guruhdan o‘rin olmaydi. Shuningdek, bir mamlakat vakillari bitta guruhga tushmaydi.
Marosim davomida yoshlar o‘rtasidagi YECHL bahslariga ham qur’a tashlanadi.
Qur’a tashlash marosimida quyidagi sovrinlar taqdim etiladi:
— UYEFA versiyasi bo‘yicha yilning eng yaxshi futbolchisi;
— UYEFA versiyasi bo‘yicha yilning eng yaxshi ayol futbolchisi;
— Yevropa chempionlar ligasi-2016/17ning eng yaxshi darvozaboni;
— Yevropa chempionlar ligasi-2016/17ning eng yaxshi himoyachisi;
— Yevropa chempionlar ligasi-2016/17ning eng yaxshi yarim himoyachisi;
— Yevropa chempionlar ligasi-2016/17ning eng yaxshi hujumchisi;
O‘yinlar qachon bo‘lib o‘tadi?
Guruh bosqichi 6 turdan iborat bo‘ladi va o‘yinlar quyidagi sanalarda o‘tkaziladi:
1-tur — 12/13 sentyabr
2-tur — 26/27 sentyabr
3-tur — 17/18 oktyabr
4-tur — 31 oktyabr/1 noyabr
5-tur — 21/22 noyabr
6-tur — 5/6 dekabr
Keyinchi?
Guruhlarda 1 va 2 o‘rinni egallagan klublar nimchorakfinalga yo‘llanma oladi. 3-o‘rin egalari Yevropa ligasi pley off bosqichida ishtirok etadi. Nichorak finalga qur’a tashlash marosimi 11 dekabr kuni Nyon shahrida, Toshkent vaqti bilan 16:00da boshlanadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
