FIFA kunlari yakuniga yetib, Yevropa milliy chempionatlarida navbatdagi tur o‘yinlari o‘tkaziladi. Muxlislarni kutayotgan eng qiziqarli uchrashuvlar bilan qisqacha anons shaklida tanishtirib o‘tamiz.
«Liverpul» — «Manchester Yunayted»
Angliya - Premyer-liga. 8-tur
14 oktyabr 2017, shanba. 16:30.
«Liverpul»ga qarshi o‘yin «Manchester Yunayted» uchun ushbu mavsumdagi ilk jiddiy sinov bo‘ladi. Mourinyo jamoasi APLning dastlabki 7ta turida mag‘lubiyatga uchramadi, lekin mankunianliklar hali kuchli raqibga ro‘baro‘ kelishmagandi. «Liverpul» ushbu mavsumda barqaror natija ko‘rsata olmayotgan bo‘lsa-da, jamoa ancha kuchli. Dam olish kuni ancha shiddatli uchrashuv bilan boshlanishiga shubha yo‘q.
«Yuventus» — «Lasio»
Italiya - Seriya A. 8-tur
14 oktyabr 2017, shanba. 21:00
Italiya A seriyasi jadvalida ikkinchi va to‘rtinchi o‘rinlarda borayotgan klublar orasini bor-yo‘g‘i 3 ochko ajratib turibdi. «Lasio» ushbu mavsumda «Milan»ni yirik hisobda mag‘lub etishga ulgurgan bo‘lsa, so‘nggi turda bo‘lib o‘tgan «Sassuolo»ga qarshi o‘yinda raqib darvozasiga 6ta to‘p yo‘lladi. «Yuventus» esa "Atalanta"ga qarshi bahsda 2:0 hisobida oldinda borayotib, yakunda g‘alabani qo‘ldan chiqardi. "Keksa sinyora" oldida jiddiy sinov turganiga shubha yo‘q.
«Borussiya» Dortmund — «RB Leypsig»
Germaniya - Bundesliga. 8-tur
14 oktyabr 2017, shanba. 21:30
Dortmundliklar «Manchester Yunayted» kabi ushbu mavsumda hali mag‘lubiyat alamini tortishmadi. Jamoa Bundesligada bir marta durang o‘ynadi xolos. «Leypsig»ga qarshi uchrashuv Bosh shogirdlari uchun jiddiy sinov. Boisi leypsigliklar so‘nggi 4ta o‘yinda 16 ta gol urishga muvaffaq bo‘lishdi.
«Roma» — «Napoli»
Italiya - A seriya. 8-tur
14 oktyabr 2017, shanba. 23:45
7ta o‘yin, 7ta g‘alaba, 21 ochko — bu «Napoli» jamoasining A seriyadagi ko‘rsatkichlari. Maurisio Sarri shogirdlari Rimning boshqa klubini mag‘lub etishga ulgurishdi. Endi navbat «Roma»ga. Neapolliklarning raqibi hozircha faqat «Inter»ga yutqazdi. Ko‘ramiz, «Napoli» 8-turdan keyin ham peshqadamlikni o‘zlarida saqlab qola olisharmikin.
«Atletiko» — «Barselona»
Ispaniya - Primera. 8-tur
14 oktyabr 2017, shanba. 23:45
«Barsa» ham La ligada hali ochko yo‘qotmadi, lekin bu seriya bugun yakuniga yetishi mumkin. «Atletiko» har doimgidek raqibiga jiddiy qarshilik ko‘rsatib, o‘z uyida kamida 1 ochkoni qo‘lga kiritishga urinadi. Boz ustiga, "matraschilar" o‘zlarining yangi stadionlari — «Vanda Metropolitano»da hali ochko yo‘qotishmadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
