Xabaringiz bor, Milliy olimpiya qo‘mitasi Matbuot va Media departamenti Osiyo o‘yinlari oldidan «Shohsupa sari yo‘l» loyihasini ishga tushirdi. Unda qit’aning nufuzli musobaqasida ishtirok etadigan sportchilarimiz bilan suhbat uyushtiriladi. Dastlabki sonimizda yengil atletikachimiz, Xalqaro toifadagi sport ustasi Nadiya Dusanova loyihamiz mehmoni bo‘lgandi. Bugun esa biz iste’dodli bokschi, Osiyo chempioni, Osiyo o‘yinlari sovrindori Isroil Madrimov bilan uyushtirilgan suhbatni e’tiboringizga taqdim etamiz.
Nima uchun aynan boks?
Shuni alohida qayd etib o‘tishni istardimki, oilamizda sportga alohida e’tibor bilan qarashadi. O‘zim ham bolaligimdan sport bilan shug‘ullanaman. Onam yetti yoshimda meni gimnastika va akrobatiga to‘garagiga olib borganlar. Boks bilan esa beshinchi sinfdan boshlab jiddiy ravishda shug‘ullana boshlaganman. Boksni haqiqiy erkaklar sporti deb hisoblayman. Erkaklar o‘z oilasi, vatanini himoya qilishi lozim. Bizni shunday tarbiyalashgan. Undan tashqari, ushbu sport turida birinchi navbatda aqlni ishlatish lozim. Shu sababli ham aynan boksni tanlaganman.
Vaznni doimo nazoratda ushlab turish lozim
Tartib bo‘yicha biz kuniga uch mahal ovqatlanamiz. Tabiiyki, boksda vaznni nazorat qilish juda muhim hisoblanadi.
Ma’lumot uchun, Isroil Madrimov -75kg vazn toifasidagi janglarda ishtirok etadi. U o‘z intervyularidan birida «-75kg vazn toifasi o‘zbeklarga tegishli» deb hazil qilgandi. Haqiqatdan ham ushbu vaznda ko‘plab o‘zbekistonlik chempionlar bor.
Kumirlari
Chempionlarga judayam havas qilaman. Ularning har biridan nimadir o‘rgansa bo‘ladi. Jahon boksida Oskar de la Xoyya, Vasiliy Lomachenko va Gennadiy Golovkinning muxlisman. Ularning harakatlari, janglari menga juda yoqadi.
Chempionlik siri
Chempion bo‘lish juda yoqimli. Ammo, buning tagida mashaqqatli mehnat yotadi. Eng kuchli bo‘lish uchun tinmay mehnat qilish, maqsad sari doimo intilish kerak bo‘ladi.
Osiyo o‘yinlari haqida
To‘rt yil oldin men Osiyo o‘yinlarida kumush medali sohibi bo‘lganman. Incheondagi musobaqa finalida Olimpiya o‘yinlari chempioni Daniyar Yeleusinovga mag‘lub bo‘lgandim. Endi Daniyar yo‘q, lekin uning o‘rniga boshqa bir qozog‘istonlik bokschi bor, shuningdek, vaznimda filippinlik raqibim ham kuchli hisoblanadi. O‘shanda men endi-endi katta boksga qadam qo‘yayotgandim. Hozirgidek tajriba o‘shanda bo‘lmagan. Jakartadagi Osiyo o‘yinlarida siz umuman boshqa Madrimovni ko‘rasiz. U o‘ziga, o‘z kuchiga ishonadi. Umid qilamanki, Osiyo o‘yinlarida shohsupaning eng yuqori pog‘onasidan o‘rin olib, yurtdoshlarimizni xursand qilaman.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
