Har bir sohada boshlang‘ich nuqta ko‘p narsani belgilab beradi va jarayon davomi mana shu ilk qadamga bog‘liq. Superliga 6-tur starti Qo‘qon shahrida bo‘ladi. Tur kayfiyatini belgilab beradigan o‘yinda ikki kuchli jamoa «Qo‘qon-1912» va «Surxon» o‘zaro bahs olib boradi.
Bu turning, shubhasiz, murosasiz bahslaridan bo‘ladi. Sababi, «Qo‘qon-1912» ketma-ket o‘z maydonida ikkinchi g‘alabani qo‘lga kiritishga intilsa, «Surxon» futbolchilari, aksincha, ketma-ket ochko yo‘qotmaslik uchun borini berishi aniq.
O‘yinning ahamiyati
- «Qo‘qon-1912» jamoasi musobaqa jadvalida 9 ochko bilan 5-o‘rinda bormoqda. Baxtiyor Ashurmatov shogirdlari «Metallurg» va «Bunyodkor»dan mag‘lub bo‘lishdi, «Buxoro», «So‘g‘diyona» va «Qizilqum»ga qarshi o‘yinlarda jamoa zafar quchdi. «Qo‘qon-1912» ushbu o‘yinda g‘alaba qozonsa, musobaqa jadvalidagi o‘rnini saqlab qolish bilan birga, yuqorilashi ham mumkin.
- «Surxon» hozircha 4 ochko jamg‘ardi. Termizliklar «Qizilqum»ni mag‘lub qilib, «Mash’al» bilan murosa ko‘chasini tanlashdi. «Bunyodkor», «Nasaf» va AGMKga imkoniyat boy berildi.
Bahrom Haydarov shogirdlari restartdan so‘ng hozircha g‘alaba qozona olishmadi. Taqvim esa yana bir kuchli raqibni ro‘baro‘ qildi. Shunga qaramay «Surxon» futbolchilari ushbu o‘yinda ijobiy natija uchun intiladi. Yana bir mag‘lubiyatni surxondaryolik muxlislar kechirmasligi mumkin.
Nomlar
Bahrom Haydarov «Neftchi»da ishlab yurgan vaqtlari ko‘p bor «Qo‘qon-1912»ga qarshi o‘yin o‘tkazgan. Bu gal Haydarov «Surxon» bilan «Markaziy»ga kelmoqda. Raqib jamoa bosh murabbiyi esa Baxtiyor Ashurmatov. Ashurmatov – Haydarov raqobatida kim kuchliroq???
- «Qo‘qon-1912»da asosiy yetakchi Murod Xolmuhammedov. Sardor joriy mavsum 3ta gol urdi. Quvondiq Ro‘ziyev, Filip Rayevats, Sardorbek Azimov, Otabek Haydarov, Aleksandr Merzlyakov va Sobit Sindarov 1tadan gol mualliflari bo‘lishgan.
- «Surxon» tarkibida tajribali futbolchilar yetarlicha: darvoza, himoya, yarim himoya va hujumda ham. Aslida termizliklar bu tarkib bilan medallar uchun kurashishi lozim. Ammo hozircha natijalar maqtagulik emas.
«Surxon»da Aleksandr Kasyan 2ta gol urgan. Aziz Ibragimov, Sherzod Karimov, Sardor Sulaymonov va Husniddin G‘ofurovda 1tadan gol bor.
Hozircha, kamina Zuhriddin Qilichev joriy mavsum «Qo‘qon-1912» va «Surxon» jamoalari ishtirokidagi uchrashuvlarda ishlamagandim. Oldindagi muhim bahsda ikki jamoadan ham yuqori darajadagi futbol, futbolchilardan esa chiroyli gollar kutib qolaman!!
Vaqt
O‘zbekiston Superligasi 6-turni boshlab beradigan o‘yin 25 iyun soat 18:15ga belgilangan (yozning o‘rtasida 6da futbol o‘ynash oson emas). Uchrashuv «Sport» telekanalida jonli efirda namoyish qilinadi. Jamoalarga omad tilaymiz!
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
