Yosh va iqtidorli Pedrini bir yil oldin deyarli hech kim tanimasdi. O‘tgan yili ispaniyalik futbol olamiga katta shov-shuvlar bilan kirib keldi va ushbu ovoza hamon pasayganicha yo‘q. Ko‘pchilik, mutaxassislar fikricha, «Barsa»ning bu xaridi juda ham omadli bo‘lgan va Kataloniya klubi kelajagi aynan Pedriga bog‘liq.
2019-20 yilgi mavsumda «Las-Palmas»da o‘ynagan o‘yinchidan nimani kutish mumkinligini bilmas edi. E’tibordan chetda qolgan kelgan va ketganlar qancha? Ammo Pedri ularday emas, uning debyuti so‘nggi yillardagi eng yorqinlaridan biri bo‘ldi. Barselona» iqtidori Ispaniya terma jamoasi safida Yevro-2020ning barcha oltita o‘yinida qatnashgan. Bundan tashqari: u Olimpiya terma jamoasiga kirdi va u bilan finalga chiqdi.
«Barsa» bilan 50 dan ortiq, terma jamoa bilan 20 ta uchrashuv o‘tkazgan futbolchi atigi 18 yoshda ekaniga ishonish qiyin!
Mavsum endigina boshlanayotganda, «Barselona» o‘z uslubini topishga va almashtirib bo‘lmaydigan Messisiz o‘ynashga harakat qilmoqda. Ammo Pedri klub sobiq yetakchisining ko‘plab fazilatlarini allaqachon namoyish qilgan. Uning eng yaxshi o‘yini 2021 yil yanvar oyida «Atletik»ga qarshi bo‘lib, unda kataloniyaliklar 3:2 hisobida g‘alaba qozonishgandi.
Ushbu bahsda «ko‘k-anorranglilar» birinchi daqiqalardan raqibining o‘yin tomondan imkoniyatni boy berdi, lekin Pedri yordamida klub bahsga qaytishga muvaffaq bo‘ldi. Birinchidan, yosh futbolchi De Yongning uzatmasidan keyin ajoyib gol urgan bo‘lsa, keyinchalik Messining goliga hammualliflik qildi.
Ispaniya terma jamoasidagi uning eng yaxshi o‘yini Yevropa chempionati yarim finali bo‘ldi, o‘shanda «qizil furiya» Italiyaga yutqazib qo‘ydi. Ammo, mag‘lubiyatga qaramay, Pedri shunchalik yaxshi o‘yin ko‘rsatdiki, ko‘plab jurnalistlar uni Andres Inyesta bilan solishtirishni boshladilar. Pedri o‘sha uchrashuvning eng yaxshi o‘yinchisi bo‘lib, aniq paslar va texnikasini izchil tarzda namoyish etdi. Pedri o‘sha uchrashuvda 90 daqiqada yuz foiz aniqlik namoyish etdi.
«Agar iqtidor bo‘lsa, uni rivojlantirish kerak. Pedri darhol o‘zi ustida ishlay boshladi va bizning ko‘z o‘ngimizda o‘sdi. U to‘g‘ri yondashuvga ega va xuddi tajribali futbolchi kabi o‘ynaydi. U aqlli «qimorboz». Va eng muhimi, ruhiy jihatdan u ham kuchli. U o‘z ustida ishlaydigan kamtar bola. Kelajak unga tegishli», - deydi «Barselona» ustozi Ronald Kuman.
Ispaniyalik murabbiy Luis Enrike ham Pedri haqida ijobiy fikr bildirdi. «Pedri ismli 18 yoshli bolaning Yevropa chempionatidagi harakatlarini payqadingizmi? Hatto Andres Inyesta ham buni uddalay olmadi. Pedrining Yevro-2020da qilgan ishlari shunchaki daxshat».
«Bizning oldimizda bu haqda hali bilmagan millioner turibdi. U mavsumda 15 gol urolmaydi, lekin uning harakatlari gol urishdanda qadrliroq. U jamoadoshlariga nima kerakligini biladi va har doim to‘g‘ri qaror qabul qiladi», - dedi Pepe Mel.
«Pedri haqiqiy iste’dodli va uning kelajagi porloq» - deb aytadi Sesk Fabregas.
«U bilan o‘ynash yoqimli. Men uni maydonda doimo qidiraman, chunki Pedri har doim nima qilishni biladi» - Lionel Messi.
Ammo uning kelajagi qanday kechadi? Endi Messi ketganidan so‘ng, estafeta Pedriga o‘tdi. Endi ispan futbolchisi jamoaning yetakchisi va yangi sardori rolini o‘ynashi mumkin. Ammo manfiy tomoni ham bor: agar rahbariyat o‘zini bir joyga to‘plab, Pedri atrofida yaxshi jamoa tuzmasa, u o‘zining eng yaxshi yillarini behuda o‘tkazishi mumkin. Xuddi Messi oxirgi mavsumlarida ko‘p narsani o‘tkazib yuborgan kabi.
Jamshidjon Mahmudov tayyorladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
