Premyer-liga klublarining katta mablag‘ sarflashi odatiy xolat, lekin ular odatda yanvar oyidagi transfer oynasida ancha ehtiyotkor bo‘lishadi, chunki ular jamoadagi mavjud tizimni buzishni xohlamaydilar.
Biroq, "Nyukasl" quyi ligaga tushib qolishning oldini olish uchun kurashda yordam berish uchun bir nechta tayyor yulduzlarni jalb qilishdan tortinmadi. Ular yanvar oyida 90 million funt sterlingdan (102 million yevro) ko‘proq pul sarfladilar.
Quyida keltirilgan beshta nom transfer narxi bo‘yicha beshta eng katta harajat bo‘lishi shart emas, lekin ular o‘z jamoasiga ta’siri va mavsumdagi maqsadlari nuqtai nazaridan eng kattasi bo‘lishi mumkin.
Bruno Gimaraysh
“Lion” – “Nyukasl” (42 million yevro)
"Nyukasl" ko‘p qirrali yarim himoyachiga muhtoj va endi ularda "Lion"dan kelgan 24 yoshli braziliyalik futbolchi bor. Menejer Eddi Xouning yanvar oyidagi harajatlari klubini yuqori ligada saqlab qoladimi, bu munozarali masala, ammo biz ularning o‘yinini sezilarli darajada yaxshilanganini ko‘rishimiz kerak.
Gimaraysh - universal o‘yinchi va agar uning jamoasi yanada ravon va ritmik bo‘lishni istasa, Xouga aynan shu narsa kerak. Bruno Gimaraysh joriy mavsumda Yevropaning kuchli beshlik ligalaridagi barcha yarim himoyachilardan ko‘ra ko‘proq (226) oxirgi uchinchi uzatmani bergan.
Rodrigo Bentankur
"Yuventus" - "Tottenxem" (19 mln yevro)
Urugvay yarim himoyasining markazi doimo "Yuventus" futbolchisiga ishonib topshiriladi. Konte ham yarim himoyada hamma narsani qila oladigan bosimga chidamli to‘p tashuvchini xohlagani aniq va shu sabablarga ko‘ra u Bentankurni afzal ko‘rdi.
Uzun bo‘yli futbolchi bir deganda Garri Uinks va Oliver Skippning o‘rnini egallashi aniq. "Tottenxem" endi paslar orqali to‘pni tezroq va aniqroq harakatga keltira oladi. Bentankur endigina 24 yoshda, lekin u o‘yinni katta futbolchilarday o‘qiydi.
Luis Dias
"Portu" - "Liverpul" (37,5 million yevro)
"Liverpul"ning mashhur hujum uchligi abadiy birga bo‘lmaydi. Biz allaqachon Roberto Firmino o‘z o‘rnini sekin-asta Diogo Jotaga boy berib qo‘yganini ko‘rdik va yangi o‘yinchi Luis Dias endi "Enfild"ning bir nechta super yulduzlarini chetlab o‘tishga intiladi.
25 yoshli kolumbiyalik bu mavsumda Chempionlar ligasida yugurishi, tezligi va to‘pni ushlab turish qobiliyati bilan shov-shuvga sabab bo‘ldi. U Kolumbiyada chap qanotda hujumkor yarim himoyachi sifatida harakat qiladi va xuddi shunday tarzda "Portu"da 4-4-2 sxemasida chap qanotda o‘ynaydi. Yurgen Klopp qo‘lidagi navbatdagi “qurol”ga aylanishi mumkin.
Diasga Premyer-liganing jismoniy holatiga moslashishi uchun biroz vaqt kerak bo‘lishi mumkin, biroq u moslashganidan so‘ng, himoyachilar bu yigitni to‘xtab qolishi uchun ancha ter to‘kishlari kerak.
Filippe Koutinyo
"Barselona" - "Aston Villa" (ijara)
Premyer-liganing muxlislariga Koutinoni ortiqcha tanishtirishning xojati yoq. "Enfild"dagi besh yil davomida o‘z nomiga ega bo‘lgan, darvozabonlarga hech qanday imkoniyat qoldirmaydigan futbolchiga ortiqcha ta’rif ishlatish shart emas.
Uning "Aston Villa"dagi debyuti bundan ham yaxshiroq o‘tishi mumkin emas edi, chunki "Barselona", "Bavariya", "Inter" va "Espanyol"ning sobiq pleymeykeri "Manchester Yunayted"ga qarshi o‘yinda gol va golli uzatmani amalga oshirdi.
Dele Alli
“Tottenxem” - “Everton”
“Everton” Dele Allini "shporlar"dan tekinga olish orqali potensial katta to‘ntarishni amalga oshirdi.
"Everton"ning yangi bosh murabbiyi Frenk Lempard Allini yangi jamoaga kelishida asosiy rol o‘ynagan bo‘lishi mumkin. 7 yil ichida "shporlar" uchun Premyer-ligada 181 ta o‘yinda 51 ta gol va 34 ta golli uzatmani amalga oshirgan futbolchi. Super formasini qayta tiklab olishi zarur.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
