Kelayotgan yozda "Chelsi" futbol klubi butun boshli bir tarkib o‘yinchilarini sotib yuborishga majbur qilinishi mumkin. "Aristokratlar" o‘tgan mavsum yakunlariga ko‘ra, 121 million funt zarar ko‘rgandi. So‘nggi ikki mavsumni qo‘shib hisoblaganimizda esa bu miqdor 274 millionga yetadi. Agarda bunga joriy mavsumdagi transferlarda ishlatilgan 545 million funtni ham qo‘shsak, rahbariyatga katta bosim yuklanishi ayon bo‘ladi. Agarda "Chelsi" moliyaviy harakatlarini muvozanatga keltirib olmasa, u holda Todd Byoli moliyaviy feyr pley sanksiyalariga duchor bo‘ladi. Bundan qochishning imkoni bor, albatta. Buning uchun "Chelsi"ning APL uchun ro‘yxatdan o‘tkazgan 36 talik tarkibidagi ayrim futbolchilarni sotish kerak. Quyida "Chelsi"ning yozda jamoadan ketishi mumkin bo‘lgan futbolchilardan tuzilgan ramziy terma jamoa bilan tanishasiz.
Darvozabon: Eduar Mendi
Senegal terma jamoasi a’zosi bundan bir-ikki mavsum ilgari dunyoning eng kuchli darvozaboni sifatida qaralayotgan edi. Ammo hozir hammasi o‘zgardi. Kepa yana o‘z joyiga qaytdi. Bu esa Mendini jamoadan ketishiga sabab bo‘lishi mumkin. Darvozabon yozda "Bavariya" safiga yo‘l olishi aytilgan.
O‘ng qanot himoya: Loftus-CHik
Aslida Ruben qanot himoyachisi emas. Ammo u avvalari aynan shu pozisiyada harakat qilardi. Loftus-CHik akademiyadan chiqqan. Shu sababli uning har qanday narxda sotilishi, jamoaga faqatgina foyda olib keladi.
Chap qanot himoya: Ben Chilvell
Ben Angliyadagi eng yaxshi futbolchilardan biri sanaladi. U Angliya terma jamoasida buni ko‘rsatib qo‘ya oldi. Ammo Grem Potter ixtiyorida Chilvell o‘rnida Mark Kukurelya varianti mavjud. Bu narsa "Chelsi"ga o‘z futbolchisini sotish imkonini beradi. Chilvellga "Manchester Siti" qiziqish bildirgan.
Markaziy himoya: Trevo Chaloba
Loftus Chik singari Chaloba ham klub akademiyasida tarbiyalangan. Uning sotuvidan tushgan pul jamoaga oz bo‘lsa ham yordam berishi mumkin. Yosh himoyachiga "Roma" va "Inter" qiziqish bildirgan.
Markaziy himoya: Kalidu Kulibali
Kulibali o‘tgan mavsumdagina jamoaga kelgandi. Ammo futbolchi o‘z sport formasini doimiy saqlab qola olgani yo‘q. Kulibali Londonda haftasiga 295 ming funt maosh oladi. Ammo asosiy tarkibda Vesli Fofana va Benoit Badiashilidan keyingi o‘ringa tushib qoldi.
Yarim himoyachi: Konor Gallaxer
"Chelsi" tarbiyalanuvchisi va Angliya termasi vakili sotuvidan yaxshigina pul ishlab olish mumkin. Gallaxer APLda nimalarga qodir ekanini ko‘rsata olgandi. "Everton" 23 yoshli futbolchi uchun 45 million funt to‘lash niyatini bildirgan. "Chelsi" esa Gallaxerga bundan buyon asosiy tarkibdan joy berishi ancha qiyin masala.
Yarim himoya: Mateo Kovachich
Yana bir futbolchi yozda jamoadan ketadi. Kovachich o‘sha yulduzdir. Uning amaldagi bitimi 2024 yilga qadar tuzilgan. Tajribali xorvat Pep Gvardiola jamoasiga yo‘l olishi mumkin. "Manchester Siti" yarim himoyasini unga istagancha joy topiladi.
Yarim himoya: Meyson Maunt
Narx jihatidan Maunt "Chelsi"dagi Enso va Jeymsdan keyingi uchinchi eng qimmat futbolchi sanaladi. 24 yoshli ingliz futbolchisi 2024 yilga qadar londonlikar sharafini himoya qilishi belgilangan. Maunt uchun "Liverpul" va "MYU" yirik da’vogarlar sanaladi.
O‘ng qanot hujum: Kallum Xadson-Odoi
Xadson-Odoi ko‘pchilik tomonidan katta yulduzga aylanishi taxmin qilingandi. Ammo ko‘plab sabablarga ko‘ra bunday bo‘lmadi. Ayni damda Kallum "Bayer Leverkuzen" safida harakat qilmoqda. Yozda hujumchi o‘ziga yangi jamoa topishi kerak.
Chap qanot hujum: Kristian Pulishich
Amerikalik hujumchi o‘zidan kutilgan umidlarni oqlamadi. Pulishich ham 2024 yilda erkin agentga aylanadi. Shu sababdan undan kelayotgan yozning o‘zidayoq qutulish kerak. Futbolchining oldida o‘z yurti mezbonlik qiladigan Jahon chempionati turibdi. Shu sababdan unga doimiy o‘yin vaqti zarur. Shuningdek, bu pozisiyada Xakim Ziyesh ham mos tushadi.
Hujumchi: Romelu Lukaku
Belgiya terma jamoasi a’zosining 97 millionlik xaridi omadsiz kechdi. U joriy mavsumda yana "Inter"ga qaytarib yuborildi. Albatta, ijara asosida. Lukaku sotilishi aniq, ammo ancha arzon narxga. Hatto, uning jamoani tekin tark etishi ham "Chelsi"ga yengillik beradi. Negaki, hujumchi haftasiga 325 ming funt maosh oladi.
ISMATOV J.
O‘zbekiston
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
