Braziliyalik Artur va «Liverpul» o‘rtasidagi hamkorlik yakuniga yetmoqda.
Har holda, uning shartnomasi Angliya klubiga juda qimmatga tushmoqda. Diqqat qiling, bu mavsum chempionatda notekis o‘ynagan jamoa hisob-kitoblarga ko‘ra, braziliyalikning har bir to‘pga teginishi uchun 342857 funt sterling to‘lamoqda. Ha, juda omadsiz kelishuv...
«Liverpul» Artur Meloni o‘tgan yilning avgust oyida ijara kelishuvi asosida o‘z safiga qo‘shib olgandi. Braziliyalik yarim himoyachi shundan buyon «qizillar» safida atigi 13 daqiqa harakatlandi va 21 martagina to‘pga tegindi. Vaholanki, Artur avvalgi mavsum «Yuventus»da uncha yomon o‘ynagan emasdi. Xullas, Yurgen Klopp uning jarohatiga parvo qilmay, yozgi transferlar bozorining so‘nggi soatlari ijara kelishuvi rasmiylashtirilishiga rozilik berdi. Shunday ekan, germaniyalik mutaxassis braziliyalik yarim himoyani kuchaytirishiga ishongan. Amalda esa... Arturning Angliya klubidagi debyuti CHL guruh bosqichida «Napoli» bilan bo‘lgan o‘yinga to‘g‘ri keldi. O‘shanda futbolchi 77-daqiqada maydonga tushdi, «Liverpul» esa yakunda 1:4 hisobida yengildi. Bu braziliyalik uchun «Liverpul» libosidagi yagona o‘yin bo‘lib qolmoqda hozirgacha. Binobarin, shundan so‘ng sonidan jarohatlangan futbolchi jarrohlik amaliyotiga ehtiyoj sezdi, oqibatda naq 26ta uchrashuvni o‘tkazib yubordi. Artur tiklanish jarayonidan keyin bir necha marta qaydnomaga kiritilgan bo‘lsada, Klopp amalda uning xizmatiga murojaat qilgani yo‘q. Shu tariqa yarim himoyachining har bir to‘pga teginishi bahosi qimmatlashib bormoqda.
Sky Sports ma’lumotiga qaraganda, «Liverpul» Arturning ijarasi uchun «Yuventus»ga 3,9 million funt to‘lagan. The Sun nashri esa futbolchi haftasiga 98 ming funt sterling miqdorida maosh olishini ma’lum qildi. Shu summaning katta qismi «qizillar» chekiga tushishi ham tayin. Qisqasi, xarajat miqdorini to‘pga teginish soniga bo‘lib chiqsak, dahshatli raqamlar yuzaga keladi: 342857. Oddiy aytganda, Arturning har bir to‘pga teginishi deyarli 350 ming funt sterlingga tushmoqda. Tabiiyki, Angliya klubi yozda yarim himoyachi bilan xayrlashadi va u Turinga qaytadi. Biroq bunday omadsiz va «qimmatbaho» mavsumdan keyin Arturning «Yuve»da qolishi dargumon, o‘ziga yangi jamoa topishi esa yanada mushkul vazifa...
R.IBROHIMOV tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
