UEFA o‘smirlar ligasi 19 yoshgacha bo‘lgan jamoalar turniri. An’anaga binoan, u har mavsumda noyob iqtidorlarni kashf etadi.
Masalan, «Barsa»da yetuk o‘yin ko‘rsatayotgan Viktor Barbera yozda «Bryugge»ga o‘tish tadorikini ko‘rmoqda, «Real»da Niko Pas porlamoqda, «Atletiko»da esa o‘smirlar o‘rtasidagi YECHL tarixida birinchi bo‘lib qatorasiga 7ta o‘yinda gol urgan Adrian Ninyo muxlisu-mutaxassislar e’tiborini qozondi. «Sporting»dagi 17 yoshli Rodrigu Ribeyru esa oldingi chiziqdagi sermahsul o‘yinlari bilan nafaqat «Sporting», balki butun Portugaliyaning noyob iqtidori sifatida «Yangi Ronaldu» maqomiga loyiq topildi. Hujumkor futbolchi liganing 8 uchrashuvida 6ta gol va 2ta assistni amalga oshirdi.
G‘ayri-tabiiy fazilatlar sohibi
Ribeyruning asosiy «kuziri» - yirik (185 sm.) gavdasiga nisbatan o‘ta chaqqon harakatlanishi. Odatda, uning o‘lchamidagi o‘yinchilar katta qadamlar bilan harakatlanishlari tufayli, raqiblarini aldab o‘tish yoki to‘p bilan tezroq qochib ketishda qiyinchiliklarga duch kelishadi. Biroq Rodrigo bunday kamchiliklardan xoli.
Ikkinchi muhim ustunlik - universallik va to‘psiz samarali ishlash. Ha, bu masalada kimnidir hayratdan yoqa ushlashga majbur etish qiyin hozir barcha futbolchilar, ayniqsa, yangi avlod vakillari barcha pozisiyalarni o‘zlashtirishga, to‘psiz o‘ynash ilmini to‘liq egallashga intiladilar. Lekin Rodriguning faoliyat doirasi juda keng, u barcha pozisiyalarda yuksak saviyani namoyish eta oladi. Chinakam professionallarga xos tarzda u qayerda qachon paydo bo‘lish, to‘pni qabul qilish va qayerga uzatishni yaxshi biladi. qo‘shimchasiga, ikkala oyog‘ida samarali to‘p suradi. Mana shu xislatlari bilan Ribeyru faoliyatini endi boshlagan Ronalduni eslatadi. Unga juda o‘xshash bo‘lgan Krishtianu ham tezkor va sermahsul o‘yinni namoyish etgandi.
Qoyilmaqom rivojlanish
Yaqinda 17 yoshlilar jamoasida to‘p surib yurgan Ribeyru joriy mavsumda asosiy jamoada maydonga tushishga (2 marta zaxiradan) ulgurdi. U bir mavsumda 17-19 yoshlilar va asosiy jamoada to‘p surishga muvaffaq bo‘lgan «Sporting» tarixidagi ikkinchi futbolchi. Birinchisi kim ekanligini bilasizmi? Albatta, Ronaldu. U 16 yoshli paytida «Sporting»dagi debyutini nishonlagandi.
Lissabonliklar jamoasining bosh murabbiyi Ruben Amorim yosh iqtidorning porloq kelajagiga shubha qilmayapti, hatto intervyularidan birida u hujumchi pozisiyasiga hech kimni xarid qilmasligini alohida ta’kidlab o‘tgandi. Navqiron hujumchining taraqqiyoti uchun murabbiy barcha imkoniyatlardan foydalanishini aytib, bu mavzuga alohida e’tibor qaratmoqda. Uning matbuot anjumanidagi Pablo Sarabiyaga oid savolga qaytargan javobi buni yaqqol isbotlaydi: «Sarabiya? Men Rodrigu Ribeyru haqidagi o‘ylar bilan bandman».
Portugaliyaning O'Jogo nashrining xabariga ko‘ra, «Sporting» rahbariyati va murabbiy voqealarni jadallashtirish fikridan yiroqlar va Ribeyruga joriy mavsumni o‘rinbosarlar jamoasida yakunlash imkoniyatini berish niyatidalar. Chunki ular yosh iqtidor sohibi asosiy jamoadagi faoliyatini boshlashdan avval yetarli o‘yin amaliyotiga ega bo‘lishini istaydilar.
A.ABDUVALIXO‘JAYEV tayyorladi
Al-G‘arafa
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
