Ko‘plab mashhur klublardan takliflar olgan Davide Frattezi yakunda «Inter»ni tanladi.
Aniqrog‘i, «Sassuolo»da ko‘zga tushlangan italiyalik 23 yoshli iqtidorli yarim himoyachi «neradzurrilar» safiga 1 yillik ijara kelishuvi asosida qo‘shildi. «Inter» buning uchun 6 million yevro to‘laydi. Jamoa keyinchalik futbolchini 27}5 (bonus) millionga sotib olish huquqiga ega. Qolaversa, kelishuvga milanliklar markaziy hujumchisi Samuele Mulattyeri transferi ham qo‘shildi. Xullas, ancha qimmatga tushgan Frattezi endi «Inter» xarajatini oqlash uchun maydonda katta hajmda ish bajarishi kerak. Italiya futboli kelajagi sifatida ta’riflanayotgan pleymeyker «Inter TV»ga bergan eksklyuziv intervyusida «San Siro» yoxud «Juzeppe Meassa» chorloviga tayyor ekanligini, yangi sarguzasht boshlashga sabri chidamayotganini bildirdi.
- Davide, odatiy savol: nega aynan «Inter»ni tanladingiz?
- Ushbu klub naqadar kattaligini tushunish uchun atrofga qarash kerak. Hammasi bir yarimcha yil oldin boshlandi. O‘shanda «Inter»ga qarshi o‘yinda «San Siro» muhitidan lol qolgandim. Qisqasi, bu yerda o‘ynash imkoniyati yuzaga kelgach, ko‘p o‘ylab o‘tirmadim.
- Yangi tajribadan nima kutyapsiz va «Inter»ga qanday naf bera olasiz?
- «San Siro»da sovrinlarga ko‘milishdan umidvorman. Maqsadim ancha jiddiy va o‘ylaymanki, jamoaga qator-qator gollar bilan yordam bera olaman.
- Ayrim yangi klubdoshlaringiz bilan terma jamoa orqali tanishsiz...
- Ha, ko‘pchilikni yaxshi bilaman. Xususan, tengdoshim - 1999 yili tug‘ilgan Alessandro Bastoni bilan uzoq yillardan buyon tanishman - ikkimiz butun yoshlar terma jamoalari dovonini birga bosib o‘tdik. Endi klubda ham yo‘llamiz kesishganidan xursandman.
- «Inter»ga qarshi har doim zo‘r o‘ynagansiz, «San Siro»dagi oxirgi bahsdan keyin shaxsan Marottadan maqtov olganingiz rostmi?
- Ha, o‘ta hayajonli lahza. Har holda, raqib jamoa rahbarining e’tirofi har qanday futbolchini to‘lqinlantirib yuboradi. Tanlovimga o‘sha voqea ham ta’sir qildi, albatta.
- «Inter»ga o‘tishingiz shundoq ham yuqori saviyali yarim himoyani yanada kuchaytirishi aniq. Yangi klubga o‘sish uchun qo‘shimcha imkoniyat sifatida qarayotgandirsiz...
- Albatta, axir bu yerda chin chempionlar yonida o‘ynayman va mashg‘ulotlarda ulardan nimalardir «o‘g‘irlashim» mumkin. Albatta, eng ijobiy xislatlarni o‘zlashtirishga harakat qilaman.
- Yangi mavsum hisobidan ilk o‘yin «San Siro»da sobiq klubingiz - «Monsa»ga qarshi kechadi...
- «Monsa» - qalbimdan chuqur o‘rin olgan jamoa, tarkibida ko‘plab do‘stlarim bor. Tabiiyki, ularga qarshi o‘ynash o‘zgacha tuyg‘u uyg‘otsa kerak.
- «San Siro»dek «qaynoq» stadionda o‘ynash bosimi xalaqit berishidan cho‘chimaysizmi?
- Bu stadionda raqib sifatida harakatlanish qiyin, «Inter» futbolchilari esa tribunalardagi muhitdan qo‘shimcha kuch olishadi. To‘g‘risi, «San Siro»dek buyuk arenada gol urish va uni nishonlash onlarini sabrsizlik bilan kutyapman.
M.PO‘LATOV tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
