Messi va Ronaldu qarama-qarshiligi uzoq vaqt davom etdi. 2023 yildan boshlab bu afsonalar Yevropadagi sarguzashtlarini yakunlashdi. Hozir ulardan biri Saudiyada, boshqasi esa Amerikada.
2022 yilning so‘nggi haftalarida Messi futbol ommasi ko‘rgan eng buyuk o‘yinchi sifatida e’tirof etila boshladi. Negaki, u Argentinani jahon chempioni qildi. O‘zi esa Qatardagi mundialning eng yaxshi futbolchisi deb topildi. Ronaldu uchun bu davr og‘ir edi. Jahon chempionatida Portugaliya asosiy tarkibidan tushib qolgach, uning «MYU» bilan tuzgan shartnomasi bekor qilindi. Ronalduning o‘zi esa Saudiya Arabistoniga yo‘l oldi. Albatta, bu ikki dahoning faoliyatini kuzatish hamma uchun qiziq bo‘lyapti. Negaki, ular tez orada futbol bilan xayrlashadi.
O‘tgan mavsumning ikkinchi yarmida «PSJ»ning natijalari yomonlashib ketdi. Bu jamoa ichki chempionatda kutilmagan mag‘lubiyatlarga uchrab, YECHL va Fransiya kubogini erga tark etdi. Shunga qaramay, mavsum so‘nggida parijliklar mamlakat chempionligini qo‘lga kiritgandi. Bu narsa Messi uchun yetarli bo‘lmadi. Argentinalik yarim himoyachi MLSga yo‘l oldi. 36 yoshli Messi «Inter Mayami» bilan gollar va assistlar amalga oshirdi va jamoasiga titul yutishda yordam berdi. Mayamidagi hayoti haqida Messi shunday degandi: «Ushbu shahardagi odamlar bizga doimo kuch beradi. Ularning qo‘llab-quvvatlovi bilan biz yaxshi natijalarga erishmoqdamiz. Har kuni uchrashadigan muxlislarim o‘ta quvnoq va shod. Shu sababli ham men bu yerda baxtli yashayapman».
Ronaldu ham allaqachon o‘zi borgan liga haqida gapirib ulgurdi.
«Menimcha, odamlar bu ligaga yanada ochiqroq ko‘z bilan qarashi kerak. Ha, Saudiya ligasini APLga qiyoslab bo‘lmaydi. Agar shunday desam, bu yolg‘on bo‘ladi. Ammo bu yerdagi futbol meni ijobiy jihatlari bilan hayron qoldira oldi. Ishonchim komilki, kelayotgan bir necha yilda bu liga dunyoning beshinchi yoki oltinchi eng saviyali musobaqasiga aylanadi», – degandi portugaliyalik hujumchi.
Ronaldu «An-Nasr»ga o‘tganidan beri yaqqol to‘purarga aylandi. Ammo uning klubi o‘tgan mavsumda titul qo‘lga kirita olmadi. Ammo Ronaldu jamoasi bilan Arab chempionlari kubogiga ega chiqdi.
Quyida 2023 yilda Messi va Ronalduning barcha musobaqalardagi statistikasini taqdim etamiz.
Lionel Messi
O‘yinlar: 42 ta
Daqiqalar: 3552
Gollar: 28 ta
Assistlar: 12 ta
Xet-trik: 1 ta
Jarima zarbasidan: 5 ta gol
O‘rtacha: har 88 daqiqada gol/assist
Krishtianu Ronaldu
O‘yinlar: 45 ta
Daqiqalar: 3937
Gollar: 43 ta
Assistlar: 10 ta
Penaltidan: 12 ta gol
Xet-triklar: 3 ta
Jarima zarbasidan: 3 ta gol
O‘rtacha: har 74.3 daqiqada gol/assist.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
