Superligada 15-tur o‘yinlari davom ettirildi. "Bunyodkor" klubi bu tur o‘z maydonida "Andijon"ni qabul qildi va 2:0 hisobida zafar quchdi. Bellashuvdan so‘ng jamoa murabbiyi Ilyos Zeytullayev matbuot anjumanida ishtirok etdi.
Bugungi g‘alabani juda uzoq kutgan edik. Kimnidir alohida e’tirof etish to‘g‘ri bo‘lmaydi. Rahbariyatga doim oldimizda bo‘lgani uchun tashakkur aytaman. Jamoamni ruhan va sifatli futbol ko‘rsatgani uchun tashakkur bildiraman. Bu hammamizning g‘alabamiz.
"Bunyodkor" bugun standart va uzun paslarga suyanib o‘ynadi. Bu sizning uslubingizga aylanadimi?
Bugun g‘alaba qozonishimiz shart edi. Bunday uslub menda yo‘q. Qanday vaziyatda ekanimizni bilishimiz kerak. Bugun, zo‘r o‘yin ko‘rsatdik. Bu bizning strategik qarorimiz edi. Aynan shu omilda ular kuchli edi. Yigitlar tezkor, vertikal futbol namoyish etdi. "Andijon" – juda kuchli jamoa. Shu bois, bu g‘alaba biz uchun qadrli.
"Bunyodkor"ning ikkinchi davra uchun tayyorgarlik qanday bo‘ldi?
Ajoyib o‘tdi hammasi. Yigitlar mehnat qilishdi. Ular jismonan ancha tetiklashdi. Jamoa a’zolarimiz haqidagi mish-mishlarga ularning o‘zidan intervyu olganda so‘raysiz.
"Andijon"ga qarshi qanday taktik ko‘rsatmalar asosida futbol o‘ynashga harakat qildinglar?
"Andijon" jismonan baquvvat va uyushqoq futbol namoyish etadi. Biz aytarli hech narsani o‘zgartirganimiz yo‘q. Ko‘p joyda ikkinchi qavatda yaxshiroq harakat qildik. Qo‘shimchasiga, bugun zaxiradan o‘yinga qo‘shilgan futbolchilar yordam berdi. Temurxo‘ja ham ajoyib o‘yin ko‘rsatdi. Biz orqaga emas, vertikal futbol o‘ynadik. Yigitlar o‘yinni o‘qiy olishdi.
Birinchi bo‘limdan so‘ng 0:0 edi tabloda. Ikkinchi taymda o‘yinga qanday o‘zgarishlar kiritdingiz?
Birinchi taymni yaxshi o‘tkazdik. Biroz o‘zgarishlar qildik. "Andijon" juda ayyor jamoa. Masalan, markazda e’tiborsizlik sababli to‘pni yo‘qotayotgan edik. Bizni himoyachilarimiz to‘pni egallab olib raqibni imkoniyatlarini kamaytirdi. Bugun bizda juda ko‘p golli imkoniyat bo‘ldik.
Mahmud Mahammadjonovning "Paxtakor"ga o‘tib ketishini qanday tushunish mumkin? Legionerlarni nima evaziga tanladingiz?
Barchasi juda oson. Mahmud o‘zi ketmoqchi ekanligini aytdi. Men uni olib qolmoqchi edim. U muhim o‘yinchi. Futbolchini o‘zi bu qarorni tanlagan edi. Uni qo‘yib yubordik va omad tilayman. Bilasizmi, bizni klubiizda seleksiya ishlarini bajaradigan insonlar bor. Aynan ular bu ish bilan shug‘ullanishadi. Rahbariyat yaxshi futbolchilar bilan shartnoma imzoladi deb hisoblayman.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
