Superligada 22-tur o‘yinlari davom ettirildi. "Bunyodkor" jamoasi bu tur o‘z maydonida "So‘g‘diyona"ni qabul qildi va 1:1 hisobida durang o‘ynadi. Bellashuvdan so‘ng jamoa murabbiyi Ilyos Zeytullayev matbuot anjumanida ishtirok etdi.
Ba’zan shunday durang natijalar bo‘ladiki, o‘zingizni xuddi yengilgandek his qilasan o‘zingni. Raqib juda kuchli ekanligini tan olaman. Ular bugun ham 100 foiz o‘z imkoniyatini namoyish etdi. Bizga so‘nggi daqiqalarda o‘tkazib yuborilgan gol pand berdi. Bugun maydonda mehnat qilgan shogirdlarim uchun afsusdaman. G‘alabani ushlab qola olmadik.
Raqib bizga baxzi narsalarni qilishga imkon berdi, ba’zilariga esa yo‘q. Men raqib jamoasi ustozini yaxshi taniyman va uning ishi menga manzur keladi. Ular bizni chuqquroq himoyalanishga majbur qildi. Ayniqsa, Oleg Zoteeev sababli yigitlar yanada ortga qaytishga majbur bo‘ldi. Uning maydonda aql bilan harakat qilishi yigitlarga muammo tug‘dirdi.
Shogirdlaringizga bugun 10 ballik tizimda necha baho bergan bo‘lar edingiz?
Bilmadim, men jurnalist emasman. Murabbiy sifatida ularga 7-7.5 ball beraman. Albatta, har doim nimanidir kuchaytirish mumkin, ammo biz tushgan vaziyatdan kelib chiqsak, ulardan ko‘nglim to‘ldi.
Luis Kachorri ancha tanaffusdan keyin gollar urishni yana boshladi. Buning sababi nima?
Bu jamoada yaxshi ichki muhit borligidan dalolat. Luis 3-o‘yindirki, zaxiradan maydonga tushib gol urmoqda. Men futbolchi bo‘lganman va bu nima ekanligini yaxshi bilaman. U jamoamizning jangovor ruhini ko‘rsatib turibdi. Agar e’tibor qilgan bo‘lsangiz, biz gol kiritganimizda zaxira o‘rindig‘idagi futbolchilar ham birgalikda nishonlamoqda. Bu hamjihatlik belgisi. Vaholanki, biz hali hech narsaga erishganimiz yo‘q. Hozircha elitada jon saqlab qolishni uddalay olganimiz yo‘q.
Superligada jon saqlab qolish uchun kurash qanday ketmoqda va "Bunyodkor"ning imkoniyatlari qanday?
O‘yinlar oz qolayotgan paytda, oson uchrashuv bo‘lmaydi. Ba’zan jamoalarning taqvimiga qarab oson yoki qiyin deb baho berishadi, ammo men bunga qo‘shilmayman. Kechagi "Qizilqum" – "Paxtakor" bahsi bunga misol. Balki, "Paxtakor"ga OCHLdagi o‘yindan keyingi charchoq ta’sir qilgandir, ammo oson bahs yo‘q ekanligi aniq. Bizni juda og‘ir taqvim kutib turibdi. Chempionatning so‘nggi bellashuvlari og‘ir kechadi. Yaratgandan barchasi biz istagandek bo‘lishini so‘rab qolaman.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
