APLda kutilmagan hodisalar ro‘y bermoqda. «Tottenxem»dagi faoliyati tufayli Nunu Eshpiritu Santu obro‘-e’tiboridan judo bo‘ldi.
Lekin Postekogluning, unga qadar Konte va Mourinyoning «taqachilar»dagi ish tajribalari jamoadagi omadsizliklar murabbiy malakasining o‘lchovi emasligini ko‘rsatadi. «Tottenxem» shunaqa o‘ziga xos jamoa. Mafiya haqidagi filmlarga xos gunohlar bilan ayblangan gresiyalik Marinakisning «Nottingem Foresti» esa mavsum qahramoni sifatida e’tirof etildi. Milliarder sohib klubning qarzlarini to‘laydi, Eshpiritu Santu esa yuksak saviyali jamoani shakllantirdi. Joriy mavsumda «o‘rmonchilar» ichki chempionatda 6ta o‘yinli g‘alabalar seriyasini qayd etishdi, ochkolar bo‘yicha «Arsenal» bilan yonma-yon borishmoqda.
«Real» va «PSJ» - ECHLning o‘rtamiyona jamoalari
Madridlik va parijlik grandlar sohiblari hozircha YECHLning yangi formatidan norozilar. Chunki ularning jamoalari turnirda mag‘lubiyatga uchramoqdalar. Dastlabki 6ta uchrashuvda favoritlar 3 martadan maydonni bosh egib tark etishdi. Luis Enrike Fransiyaning peshqadam klubini boshqarmoqda, Liga 1da ta’qibchilardan o‘zib ketgan jamoa Superkubok bahsida «Monako»ni mahv etdi. Biroq yevrokubok musobaqalarida «Manchester Siti»ga qarshi murakkab bellashuv kutib turibdi. Qolaversa, Gvardiola jamoasi ham turnir jadvalining quyi qismida, «Real» va «PSJ» o‘rtasida bormoqda. Parij grandi hozircha pley-off guruhiga chiqa olmadi, Anchelotti jamoasini esa nufuzli turnirni tark etadigan guruhdan atigi 2 ochko ajratib turibdi.
«Manchester Siti»da omadsizliklar seriyasi
Hech kim, hatto Gvardiolaning o‘zi ham 2025 yil avvaliga qadar jamoa 9ta mag‘lubiyatni va qabul qilishi 2ta yoqimsiz durangga imzo chekishini xayoliga ham keltirmagandi. 5ta o‘yinli mag‘lubiyatlar seriyasi esa, dahshatli ko‘rsatkich. Biroq Xosep omadsiz favorit mashaqqatli yo‘lini bosib o‘tdi. «Shaharliklar» doimo raqiblariga nisbatan yomon o‘yin ko‘rsatishmadi, lekin YECHL va APLda jiddiy xatoliklarga yo‘l qo‘yishdi. To‘g‘ri, jamoa «Lester» va «Vest Xem»ni mahv etdi, biroq ular mavsumning yaxshi jamoalari emas. Xolandning holatini yanvarning oxirida «PSJ» va «Chelsi»ga qarshi o‘yinlarda baho beramiz.
«Inter» va ta’qibchilar shiddati
O‘tgan yili Inzagi birdaniga yaqqol ustunlikka intilmadi, lekin yakunda 2-o‘rindagi jamoani naq 19 ochkoga ortda qoldirgandi. Hozir «Milan» amaldagi Italiya chempionidan dramatik tarzda Superkubokni tortib oldi. Lekin Kontening «Napoli»si va Gasperining «Atalanta»si ichki chempionatda favoritni asabiylashishga majbur etishmoqda. O‘ylaymizki, sensasiyaning yuz berish ehtimoli yuqori emas. Hozircha, «Inter» Italiya chempionatidagi eng kuchli mashina. Biroq Skudetto uchun kurash jonlanib qolgani aniq. Raqobatchilardan favoritni yengish talab etiladi, Inzagi jamoasi hozircha atigi bitta mag‘lubiyatni tan olgan.
«Bayer» «kumush tovoq» uchun kurashmoqda
Bundesliganing amaldagi chempioni avvallari odatga ko‘ra «Bavariya»ga nasib etadigan sovrin da’vogarlari kabi turnir jadvalida past-ga tushib ketmadi. Navqiron Kompanining jamoasi hamon favorit, axir uning tarkibida Keyn, Musiala va Kimmixlar bor. Lekin Xabi Alonsoning «Bayer»ida ham yetarli quvvatga ega. Chempion jamoa Virs va markaziy xavbek Jakani, yana bir qator muhim o‘yinchilarni tarkibda saqlab qolishdi. Madridliklar Alonso bo‘yicha qarorni kechiktirishgani bois, Xabi «Real» chaqiruvini bir yil kutadigan bo‘ldi. «Bayer»ning ruhiyati ko‘tarildi.
«Yuventus»da duranglar sindromi
YECHLda «Siti»dan ustun kelgan jamoa endi raqiblariga ochkolarni hadya etib, Skudetto uchun kurashmaydigan bo‘lib qoldi. Shuningdek, Italiya Superkubogi bellashuvida ham g‘alaba uchun «keksa sinyora»ga tajriba yetishmadi. Duranglar sindromi yangilangan navqiron jamoaga bosim o‘tkazmoqda. Faxriylarni tarqatib yuborish va o‘zgarishlar davom etmoqda. Jamoa Mottaga «Bolonya»dagi faoliyati tufayli yaxshi tanish bo‘lgan hujumchi Zirkzeeni Turinga taklif qilish niyatida. Biroq u hozircha «Yuventus»ga qaytmadi. Turkiyalik Yildiz ulkan iqtidor ekanligi aniq.
«Atletiko» yetakchilar ortidan quvmoqda
13 yildan beri ishonch va sadoqat bilan «Atletiko»da xizmat qilayotgan Diyego Simeonega har qancha tasanno kamlik qiladi. Bejizga uni futbol olamida eng ko‘p ish haqi (yiliga 34 mln. yevro) oladigan murabbiy maqomiga ko‘tarishmagan. Madridda argentinalik mutaxassisni «Real»dagi Mbappedek hurmat qiladilar. «Matraschilar» sharafini o‘z faoliyatida 200dan ko‘proq o‘yinlarni «quruq» o‘tkazgan Yan Oblakdek mohir darvozabon qo‘riqlaydi. Jamoada debyutant Gallaxer va Argentina terma jamoasi a’zosi De Pauldek saviyali xavbeklar to‘p surishadi. Oldingi chiziqda esa Grizmann, jahon chempioni Alvares va norvegiyalik Syorlot kerakli natijani ta’minlashadi.
O‘rtamiyonalar «Tottenxem» va «MYU»
Bu jamoalardagi omadsizliklarni kutilmagan hodisa, deb bo‘lmaydi. «Taqachilar» va «qizil iblislar» ancha yillardan beri boshqaruvdagi no‘noq uslubdan aziyat chekib kelishmoqda. Mutasaddilar uchun mo‘may daromad bo‘lsa bas, natija ularni qiziqtirmaydi. Biroq rahbariyat shunchalik ajoyib tarkibga ega bo‘lgan ikki nomdor jamoaning 12- va 13-o‘ringa tushib ketishini o‘ylab ko‘rmadi. Chempionshipga tushib ketishga oid hazillar ko‘payib bormoqda. Chunki bu jamoalarni xavfli hududdan 7-8 ochko ajratib turibdi. Postekoglu va Amorim o‘z shogirdlarini elitada jon saqlash uchun kurashishlariga yo‘l qo‘ymasalar kerak. Biroq ular o‘zlari mo‘ljallagan YECHL hududidan (4-o‘rin) ancha uzoqdalar.
«Roma»ning amerikacha g‘ildiratma hayinchalaklari
«Milan» Konseysauni murabbiylikka taklif etdi, Serjiu esa kelishi bilan Italiya Superkubogini qo‘lga kiritdi. Joriy mavsumda «Real»ni yenggan jamoaga bu ta’sirchan o‘zgarish qo‘shimcha kuch bo‘lishi aniq. Biroq «Roma»ning barqaror o‘yin ko‘rsatishiga hatto qariya Ranyeri ham kafolat bera olmaydi. Ishning pachavasini klubning amerikalik sohibi Den Fridkin chiqardi. Ya’ni, u jamoaning mavsum startidagi mag‘lu-biyat va duranglaridan cho‘chib, «bo‘rilar» afsonasi bo‘lgan navqiron De Rossini iste’foga chiqardi. Bu o‘ylanmagan qaror edi, yangi kelgan Yurichni chetlatishga to‘g‘ri keldi. Ranyeri Rim derbisida g‘olib chiqdi, lekin «Roma» 10-pog‘onaga «mixlanib» qoldi.
«Liverpul» yoqimli tarzda hayron qoldirdi
Ko‘pchilik «Axir men aytgan edimku!» iborasidan foydalanadi. Qandaydir ijobiy jihat bobida haq bo‘lish juda yoqimli. Muxlislar orasida Slotning sovrin uchun kurashishini bashorat qilganlar borligiga shubha qilmaymiz. Lekin Arnening shu qadar shiddatli start olishini hatto ular ham kutmaganliklari aniq. Murabbiy «Enfild Roud»da mavsum sensasiyasi bo‘lmish «Nottingem Forest»dan yengildi, ammo bu Virjil van Deyk bilan Muhammad Salohning mavsumdagi yagona omadsizliklari. Slotning «Liverpul»i chinakam favoritga xos sermazmun va sermahsul o‘yinlari bilan hatto raqib jamoalar muxlislarini ham o‘ziga rom etmoqda. Eng muhimi, jamoa-ni Maskka berib qo‘ymaslik. Ilon klubga qiziqib qolgani rost, lekin u sayyoramizdagi eng badavlat savdoyi kimsa.
A.AHMEDOV tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
