Taniqli sharhlovchi, ustoz jurnalist Husan Temirov 70 yoshga to‘ldi.
Qarshilik muxlislar Husan akaning ajoyib sharhlarini Ro‘ziqul Berdiyev uzatmalari, Zafar Xolmurodov gollari va Pyotr Gizimchuk ijrosidagi «superseyv»lar kabi maroq bilan eslashadi. «Balli, Pyotr!», «Haaaaa, bu yerda darvozabon o‘z o‘rnida!», «Zarbaaaaaaa, gooollllll!» - bunday yoqimli va jarangdor jumlalar «Nasaf»ning yorug‘ yo‘li bilan chambarchas...
Qarshida tashabbuskor, tashkilotchi rahbar, teleradiojurnalist, sport sharhlovchisi, matbuot faxriysi Husan Temirovning qutlug‘ yubileyi, qolaversa, ijodiy faoliyati 50 yilligi hamda «Yurakdagi ehtirom» kitobi taqdimotiga bag‘ishlangan tadbir o‘tkazildi. Unda Qashqadaryo viloyati hokimligi mutasaddilari, OAV vositalari, sport tashkilotlari xodimlari, mehnat faxriylari va keng jamoatchilik vakillari hozir bo‘lishdi. Tadbir avvalida yubilyarning mehnat jarayoni, ijodiy faoliyati aks ettirilgan videolavha namoyish etildi. Shundan so‘ng viloyat hokimi Murodjon Azimovning Husan Temirovga yo‘llagan tabrigi o‘qib eshittirildi. «Nasaf» prezidenti Shuhrat Aslanov esa o‘z so‘zida ustozning futbol sharlovchiligiga bog‘liq o‘ziga xos qirralarini alohida qayd etdi. Yig‘ilganlar yubilyarni qizg‘in qutlash barobarida «Yurakdagi ehtirom» kitobida ilgari surilgan g‘oya haqida fikr-mulohaza bildirishdi. Tadbirda O‘zbekiston Milliy teleradiokompaniyasi, MOQ, O‘FA, PFL, Qashqadaryo viloyati FA, «Nasaf» klubi tomonidan yubilyar nomiga yo‘llangan qutlov va esdalik sovg‘alari topshirildi.
Husan Temirovning 33 yillik mehnat faoliyati bevosita viloyat teleradiokompaniyasi bilan bog‘liq. U jumladan, qariyb 13 yil davomida hududiy teleradiokompaniyaga rahbarlik qildi. 1995 yilning 24 avgust kuni faoliyat boshlagan Qashqadaryo televideniyesining kunlik efir vaqti ortda qolgan davrda 30 daqiqadan 18 soatga yetdi. Telemarkaz binosining ishga tushirilishi, moddiy-texnik bazaning mustahkamlanishi, yangi kadrlar salohiyatining takomillashuvi - barchasi fidoyi mehnat samarasi. Husan aka shogirdlaridan 10 nafari davlat mukofotlariga sazovor bo‘ldi. Ustozning hozirga qadar bosma axborot tizimi («Qishloq hayoti» gazetasi, «Fermer» jurnali)da ham samarali mehnat qilayotgani tahsinga loyiq. Jumladan, «InterFutbol» sahifalarida ham uning maqola va intervyulari chop etilmoqda.
«Shuhrat» medali, «Sport faxriysi», «O‘zbek futbolining 110 yilligi» kabi ko‘plab esdalik nishonlari, «Eng ulug‘, eng aziz» respublika tanlovi g‘olibligi - yuksak mehnatga berilgan bahodan darak. Noshirlikda ham faol ustoz «Ezgulik chirog‘i», «Yaxshilar yodi» kabi kitoblarni nashrga tayyorlagan. «Yurakdagi ehtirom» kitobi esa yubiley sharafiga o‘ziga xos sovg‘a bo‘ldi. O‘z navbatida, ustoz jurnalistga xotirjamlik, salomatlik, uzoq umr, oilaviy baxt tilaymiz. Yangi O‘zbekistonning buguni va porloq istiqbolini tarannum etishda hormang, ustoz!
Umid Maydonov, Durdona Temirova, Aziza Husanova, Muzaffar Husanov, E’zoza Ziyaddinova.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
