Evropa futboliga rasman start berildi. Angliya premyer ligasi uchrashuvlari o‘tgan haftada boshlangan edi. Ammo hali transfer oynasi yakunlanishiga yarim oy vaqt bor. Odatda endi katta transferlar amalga oshiriladi. Ho‘sh so‘nggi kunlarda Yevropa futbolida qanday sotuvlar amalga oshmoqda? Quyidagi maqola shu haqida bo‘ladi.
"MYU" muxlislarning g‘azabi tufayli Arnautovich transferini rad etdi
"Manchester Yunayted" transfer oynasi yakunida hujum chizig‘ini "Bolonya"ning 33 yoshli hujumchisi Marko Arnautovich bilan kuchaytirishga qaror qildi. Mankunianliklar avstriyalik futbolchiga qiziqish bildirayotgani haqida bir qator manbalar xabar bergan. Arnautovichning potensial transferi haqidagi xabarni "Manchester Yunayted" muxlislari keskin salbiy munosabat bilan kutib olishdi.
"Arnautovich - bu A, B yoki C rejasi emas. Bu tamom bo‘lish rejasi", - deb yozgan muxlislardan biri. "Adryen Rabio va Arnautovich bular jamoaga kelishi aqlga sig‘maydi: biz o‘rtameyon jamoaga aylanmaganmiz", deya qo‘shimcha qildi yana biri.
Yakunda muxlislar fikri inobatga olindi. TheAthletic jurnalisti Lori Uitvell xabariga ko‘ra, "Manchester Yunayted" Arnautovichni qo‘llab-quvvatlovchilarning salbiy munosabati va “Bolonya” tomonidan talab qilingan tovon pulining haddan tashqari ko‘pligi tufayli sotib olmaslikka qaror qilgan.
Ammo "Old Trafford" muxlislari ham klubda ko‘rishni istamaydigan yana bir yangi futbolchi, "Yuventus" yarim himoyachisi Adryen Rabioning Erik ten Xag jamoasiga qo‘shilish ehtimoli yuqori. “Manchester Yunayted”“Yuventus” bilan shartnomasi bir yildan keyin tugaydigan 27 yoshli fransiyalik futbolchini taxminiy 20 million yevroga sotib olishi kutilmoqda.
Gedesh "Vulverxempton"ga o‘tdi.
Londonning "Arsenal" jamoasi qiziqishi doirasiga tushgan "Valensiya" vingeri Gonsalo Gedesh "Vulverxempton" futbolchisiga aylandi. "Bo‘rilar" 25 yoshli portugaliyalik yarim himoyachi uchun 32,6 million yevro to‘lagan.
Endi Gedeshdan “quruq” qolgan "Arsenal" e’tiborini "Vulverxempton"ning 22 yoshli vingeri Pedra Netoga qaratishga tayyor. Nufuzli insayder Devid Ornshteynning so‘zlariga ko‘ra, "kanonirlar" transfer oynasi yopilguniga qadar hujumkor yarim himoyachi bilan shartnoma imzolamoqchi.
Verner rasman Leypsigga qaytdi
Bitim summasi 20 million yevroni tashkil qiladi. Yana 10 million "Chelsi" bonuslar olishi mumkin.
"Lill"dan Onana va “Vulverxemton" sardori "Everton"ga o‘tishdi
20 yoshli yarim himoyachi Amadu Onana "Lill"dan "Everton"ga ko‘chib o‘tdi va "toffees" bilan 5 yillik shartnoma imzoladi. SKYsportsxabariga ko‘ra, transfer 33,5 million funtni tashkil qilgan.
Shuningdek, “Everton” “Vulverxempton” sardori, 29 yoshli himoyachi Konor Koudini bir mavsumga ijaraga oldi.
Simeonening o‘g‘li “Napoli”da!
"Verona" hujumchisi Jovanni Simeone "Napoli" tarkibida ijara asosida to‘p suradi, deya xabar beradi insayder Fabrisio Romano. Aurelio De Laurentisning klubi ijara uchun taxminan 3,5 million yevro to‘laydi, sotib olish opsiyasi esa 12 million.
"Atletiko" bosh murabbiyi Diyego Simeonening o‘g‘li Jovanni Simeone o‘tgan mavsumda A Seriyada 17 ta gol urdi va "Roma" a’zosi Temmi Abraham bilan to‘purarlar ro‘yxatida to‘rtinchi o‘rinni egalladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
