Xabaringiz bor, bugun mahoratli himoyachi Shahboz Jo‘rabekov "Navbahor" bilan ikki yillik shartnoma imzoladi. Shundan so‘ng, futbolchi “Navbahor” PFK matbuot xizmati uchun qisqacha intervyu berdi. Quyida mazkur suhbatni e’tiboringizga havola etamiz.
– Shahboz, avvalo “Navbahor”ga xush kelibsiz? Jamoa safiga qo‘shilishingiz qanday yuz berdi?
- Avvalo, assalomu alaykum. Tabrik uchun rahmat. Meni “Navbahor”ga jamoa bosh murabbiyi Samvel Vyacheslavovich Babayan taklif qildi. Ushbu mutaxassisni yaxshi bilganim bois, bu taklifni ikkilanmay qabul qildim va mana bugun jamoa bilan shartnoma imzoladim.
- Yangi jamoangiz “Navbahor” borasida qanday ma’lumotga egasiz?
- Albatta, “Navbahor”ni juda yaxshi bilaman. Yakunlangan mavsumda jamoa chempionatda yaxshi start oldi va mavsum yakuniga qadar chempionlik uchun kurash olib bordi, shuningdek, O‘zbekiston kubogi bahslarida ham finalga qadar yetib bordi. Biroq har ikki musobaqada ham “Navbahor”ga bir qadam qolganida biroz omad yetishmadi. Xudo xohlasa, yangi mavsumda “Navbahor” bilan Coca Cola Superligaci, O‘zbekiston Soca Cola kubogi hamda Osiyo Chempionlar Ligasi (OCHL) “pley-off” bahslarida muvaffaqiyatli qatnashib, Xudo xohlasa, jamoa safida O‘zbekiston chempionligi va kubogini qo‘lga kiritishni niyat qilganman. Shuningdek, jamoa bilan OCHL “pley-off” uchrashuvlarini omadli yakunlab, guruh bosqichiga yo‘l olish, bir so‘z bilan aytganda, yangi mavsumda “dubl”, 2024 yilgi mavsumda esa OCHLda ham zafar quchish, qisqasini aytganda, “Navbahor”ga sovrinlarni qo‘lga kiritish maqsadida keldim. Buni amalga oshirish uchun qo‘limdan kelganicha harakat qilaman.
- Jamoa muxlislari borasidagi fikringiz...
- Futbol muxlislar uchun o‘ynaladi, albatta. “Navbahor” ishqibozlariga esa ta’rif ojiz. Ular nafaqat yurtimiz, balki, Markaziy Osiyoda ham eng faol muxlislar sanalishadi. Jamoaga kelishimda ushbu omil ham muhim ahamiyat kasb etdi. Yangi mavsumda ishqibozlarga quvonch ulashib, g‘alabalarimiz bilan ularni xursand qilishga intilamiz.
Ma’lumot
Shahboz Jo‘rabekov – 1997 yil, 2 fevralda Jizzax shahrida tug‘ilgan.
Futbol bilan 6 yoshidan shug‘ullanishni boshlagan.
Birinchi murabbiyi: Usmon Muxamedshin.
Ampluasi: himoyachi.
Jizzaxdagi futbol maktab-internatida tahsil olgan.
2014-2022 yillar davomida “So‘g‘diyona” jamoasida o‘ynagan.
Oilali.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
