Давоми. Бошланиши газетамизнинг 103 (1415) ва 1 (1417)-сонларида.
Биринчи рақамли индивидуал соврин - «Олтин тўп» соҳиблари ҳақида ҳикоя қилишда давом этамиз. Аввалги мақолаларимиз кириш қисмида лауреатларни мамлакатлар ва клублар бўйича «тақсимлаб» чиққандик. Бугун эса уларни лигаларга ажратиб чиқамиз. Зеро, қайси чемпионат вакиллари кўпроқ соврин ютишгани ҳам кўпчиликни қизиқтиради, албатта. Газетамизнинг аввалги сешанба кунги сонида France Football мукофоти 21та клуб аъзосига насиб этгани ҳақида маълумот берган эдик. Хўш, бу жамоалар қайси лигалар иштирокчилари? Умуман, «Олтин тўп» ютиш масаласида АПЛ олдиндами ёки примеро? Испания лигаси-да. Зеро, «Реал» ва «Барселона» клублари ўз чемпионатлари ҳисобини жами 19,5та «Олтин тўп» билан тўлдиришга улгуришди. Шу жойда яна алоҳида эътибор қаратиш жоиз, айрим футболчилар соврин ютган мавсум 2та лигада ўйнашган ва бу чемпионатлар ҳисобига «0,5» кўринишида ёзилган. Эътиборлиси, АПЛ бу рейтингда ҳаттоки, «А» серияси ва бундеслигадан ҳам орқада. Яхлит ҳолда айтсак, сўровнинг 61 йиллик тарихида соврин атиги 10 лига вакилларига насиб этган, холос. «Олтин тўп»нинг чемпионатлар ўртасидаги тақсимоти:
Энди 1987 йилдан кейинги лауреатлар натижалари билан танишишингиз мумкин.
1987 йил - Рууд ГУЛЛИТ (Голландия). ПСВ|«Милан» ҳужумчиси. 1962 йилнинг 1 сентябрида Амстердам (Голландия)да туғилган.Совринлари: Голландия чемпиони (1984, 1986, 1987); Италия чемпиони (1988, 1992, 1993); Голландия кубоги (1984); Италия кубоги (1994); Италия суперкубоги (1992, 1994); Европа Чемпионлар кубоги (1989, 1990); Европа суперкубоги (1990); Қитъалараро кубок (1990); Европа чемпиони (1988); Голландиянинг энг яхши футболчиси (1984, 1986)
1988, 1989 ва 1992 йиллар - Марко ван БАСТЕН (Голландия). «Милан» ҳужумчиси. 1964 йилнинг 31 октябрида Утрехт (Голландия)да туғилган. Совринлари: Голландия чемпиони (1982, 1983, 1985); Италия чемпиони (1988, 1992, 1993); Голландия кубоги (1983, 1986, 1987); Италия суперкубоги (1992, 1994); Европа Чемпионлар кубоги (1989, 1990); Кубок эгалари кубоги (1987); Европа суперкубоги (1989, 1990); Қитъалараро кубок (1989, 1990); Европа чемпиони (1988); Голландиянинг энг яхши футболчиси (1985); ФИФА талқинида жаҳоннинг энг яхши футболчиси (1992); Европа чемпионатининг энг яхши тўпурари (1988); Голландия чемпионатининг энг яхши тўпурари (1984-1987); Италия чемпионатининг энг яхши тўпурари (1990, 1992); «Олтин бутса» лауреати (1985)
1990 йил - Лотар МАТТЕУС (ГФР). «Интер» ярим ҳимоячиси. 1961 йилнинг 21 мартида Герцогенауэрах (ГФР|Германия)да туғилган.Совринлари: Германия чемпиони (1985-1987, 1994, 1997, 1999); Италия чемпиони (1989); Германия кубоги (1986, 1998); Германия Лига кубоги (1997-1999); Германия суперкубоги (1987); УЕФА кубоги (1991, 1996); Европа чемпиони (1980); жаҳон чемпиони (1990); Германиянинг энг яхши футболчиси (1990, 1999); ФИФА талқинида жаҳоннинг энг яхши футболчиси (1991)
1991 йил - Жан-Пьер ПАПЕН (Франция). «Марсель» ҳужумчиси. 1963 йилнинг 5 ноябрида Булонь-сюр-Мер- (Франция)да туғилган.Совринлари: Франция чемпиони (1989-1992); Италия чемпиони (1993, 1994); Бельгия кубоги (1986); Франция кубоги (1989); Италия суперкубоги (1992); УЕФА кубоги (1996); Франциянинг энг яхши футболчиси (1989, 1991); Франция чемпионатининг энг яхши тўпурари (1989-1992)
1993 йил - Роберто БАДЖО (Италия). «Ювентус» ярим ҳимоячиси. 1967 йилнинг 18 февралида Калдоньо- (Италия)да туғилган.Совринлари: Италия чемпиони (1995, 1996); УЕФА кубоги (1993); ФИФА талқинида жаҳоннинг энг яхши футболчиси (1993)
1994 йил - Христо СТОИЧКОВ (Болгария). «Барселона» ҳужумчиси. 1966 йилнинг 8 февралида Пловдив- (Болгария)да туғилган.Совринлари: Болгария чемпиони (1987, 1989, 1990); Испания чемпиони (1991-1994, 1998); Болгария кубоги (1987-1989); Испания кубоги (1997); Болгария суперкубоги (1989); Испания суперкубоги (1991, 1992, 1994, 1996); Европа Чемпионлар кубоги (1992); Кубок эгалари кубоги (1997); Европа суперкубоги (1992, 1997); Осиё Чемпионлар кубоги (1998); жаҳон чемпионатининг энг яхши тўпурари (1994); Болгария чемпионатининг энг яхши тўпурари (1989, 1990); «Олтин бутса» лауреати (1990)
1995 йил - Жорж ВЕА (Либерия). «ПСЖ»|«Милан» ҳужумчиси. 1966 йилнинг 1 октябрида Монровия (Либерия)да туғилган.Совринлари: Либерия чемпиони (1987); Камерун чемпиони (1988); Франция чемпиони (1994); Италия чемпиони (1996, 1999); Франция кубоги (1991, 1993, 1995); Англия кубоги (2000); Франция Лига кубоги (1995); Италия суперкубоги (1996); Африканинг энг яхши футболчиси (1989, 1994); ФИФА талқинида жаҳоннинг энг яхши футболчиси (1995)
1996 йил - Маттиас ЗАММЕР (Германия). «Боруссия» (Дортмунд) ҳимоячиси. 1967 йилнинг 5 сентябрида Дрезден (ГДР|Германия)да туғилган. Совринлари: ГДР чемпиони (1989, 1990); Германия чемпиони (1992, 1995, 1996); ГДР кубоги (1990); Германия суперкубоги (1995, 1996); Европа Чемпионлар кубоги (1997); Европа чемпиони (1996)
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
