Toshkentga Serbiya termasi keladi, tarkibda Jokovich yo‘q
Baho:
+0; -0
Joriy yil 1-2 fevral kunlari poytaxtimizdagi “O‘zbekiston” sport-sog‘lomlashtirish majmuasida “Devis kubogi” saralash bosqich bellashuvlari o‘tkaziladi. Unda mezbonlar hamda ushbu musobaqaning 2010 yilgi g‘olibi hamda so‘nggi yillardagi asosiy favoritlaridan biri Serbiya terma jamoalari o‘zaro kuch sinashadi.
Bu yildan e’tiboran 108-marotaba tashkil etilayotgan musobaqa tartibi o‘zgardi. Endi ishtirokchi jamoalar oldingidek uch kunda emas, balki ikki kunda bellashadi. Qolaversa jahon ligasi bellashuvlari ham bir hafta ichida va bir joyda o‘tkaziladi.
Kuni kecha “Devis kubogi-2019” saralash bosqichida ishtirok etadigan jamoalar mazkur bellashuvlarga jalb etilgan tennischilari ro‘yxatini e’lon qildi. O‘zbekiston terma jamoasi sardori Farrux Do‘stov serblarga qarshi o‘yinga Denis Istomin, Humoyun Sultonov, Sergey Fomin, Sanjar Fayziyev hamda Jo‘rabek Karimovlarni chaqirgan bo‘lsa, Serbiya terma jamoasi sardori, o‘z davrining nomdor tennischilaridan biri Nenad Zimonich esa Toshkentga quyidagi tennischilar bilan tashrif buyuradi: Dushan Layovich (dunyo reytingidagi o‘rni – 46), Filipp Krayinovich (93), Laslo Jere (92), Nikola Miloyevich (174) hamda Viktor Troiski (200).
Zimonich hamyurtlarimizga qarshi o‘yinda Serbiya tennisi afsonasi, jahonning birinchi raketkasi bo‘lmish Novak Jokovich xizmatlariga ehtiyoj sezmayapti va hozirgi tarkibi bilan ham O‘zbekiston to‘sig‘idan o‘ta olishiga ishonmoqda.
Qaniydi, Farrux Do‘stov shogirdlari o‘ziga xos matonat ko‘rsatishib, Serbiyani mag‘lub etishsa. O‘shanda qolgan yurt vakillari ham O‘zbekistonga o‘zlarining eng kuchli tarkibi va eng mohir tennischilari bilan keladigan bo‘lisharmidi?
Kiritilgan sana: 24.01.2019 14:39. O'kildi: 8303 marta.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
