Navoiy shahridagi NKMK sport majmuasida uch kun davomida kurash bo‘yicha O‘zbekiston chempionati bellashuvlari o‘tkazildi.
Joriy yilgi sport mavsumini ochib bergan musobaqada barcha hududlardan 800dan ziyod polvonlar g‘oliblik uchun bel olishdi.
Musobaqaning dastlabki kunida yengil vazn, ikkinchi kunida esa o‘rta vazn toifalarida g‘oliblar aniqlangan bo‘lsa, bugun og‘ir vaznli kurashchilar orasida O‘zbekiston chempionlari ma’lum bo‘ldi.
Ayollar o‘rtasida 87 kg.gacha bo‘lgan vazn toifasida xorazmlik Rahima Yo‘ldosheva oltin medalga sazovor bo‘ldi. U finalda samarqandlik Oybarchin Abdurashidovadan ustun keldi. Ushbu vazn toifasida bronza medallari mezbon sportchi Gulchehra Boboniyozova hamda Andijon viloyati vakilasi Gulasal Haydarovalarga nasib etdi.