Yevropa Chempionlar Ligasi nimchorak final bosqichiga o‘tish bahsi javob uchrashuvida “Real” “Manchester Siti”ga qarshi o‘ynaydi. Uchrashuv bugun, 19 fevral kuni bo‘lib o‘tadi.
Nufuzli sport nashrlari “Manchester Siti”ning ushbu uchrashuv uchun tanlashi mumkin bo‘lgan asosiy tarkibi borasida taxminlarini bildirdi.
Opta nashri himoyada Gvardiol, Ake, Ruben Dias, Riko Lyuis to‘rtligi o‘ynashi mumkin, deya hisoblamoqda.
Sportsmole nashri bergan taxminiy tarkibda ham Husanov kiritilmagan.
“Manchester Siti”ning ehtimoliy asosiy tarkibi: Ederson; Nunes, Dias, Ake, Gvardiol; Gonsales; Savinyo, Silva, De Bryuyne, Marmush; Holand.
Nashrning fikricha, “Manchester Siti” ham javob o‘yini oldidan ikki karra kuchaygan himoya chizig‘idan foydalanishi mumkin. Ruben Dias ham, Neytan Ake ham mushaklaridagi zo‘riqish sababli “Nyukasl”ga qarshi o‘yinda maydonga tushmadi, biroq Anchelotti jamoasiga qarshi bahsda ularning maydonga qaytish imkoniyati bor.
NBC Sports nashri ham jarohat olgan Akanji o‘rniga Lyuisni tarkibga qo‘shgan.
Sportingnews nashri taxmin qilishicha, Abduqodir Husanov bugun asosiy tarkibda maydonga tushadi.
“Manchester Siti” tarkibi (4-2-3-1, o‘ngdan chapga): Ederson (darvozabon) — Husanov, Dias, Ake, Gvardiol — Stouns, Niko — Savinyo, Foden, Marmush — Holand.
“O‘ng qanot himoyachisi borasida qaror qabul qilinishi kerak, chunki birinchi o‘yinda Manuel Akanji jarohat olgani sababli jarrohlik amaliyotidan o‘tishga majbur bo‘ldi. Riko Lyuis to‘p bilan muomala qilishda ishonchli variant bo‘lsa-da, birinchi o‘yinda Vinisius Juniorga qarshi qiynaldi. Shu sababli, Abduqodir Husanovning tajovuzkor o‘yin uslubi muqobil variant sifatida ko‘rib chiqilishi mumkin”, deya tushuntirish beradi Sportingnews sayti.
Fansided nashri ham Husanovni boshlang‘ich tarkibda maydonga tushishi mumkin, deya hisoblamoqda.
“Manchester Siti”ning taxminiy tarkibi: Ederson, Husanov, Dias, Stouns, Ake, Lyuis, Gvardiol, Savinyo, Foden, Holand, Marmush.
Ma’lumot uchun, jamoalar o‘rtasidagi dastlabki uchrashuv Gvardiola shogirdlarining 2:3 hisobidagi mag‘lubiyati bilan yakunlangan edi. Javob o‘yini bugun, 19 fevral kuni bo‘lib o‘tadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
