Portugaliyalik super-yulduz Turinga ko‘chib o‘tishi “Real Madrid” tomonidan rasman tasdiqlandi. Xo‘sh, bu haqiqatda amalga oshgan bo‘lsa, Massimiliano Allegri Ronalduni qaysi pozisiyalarda o‘ynatishi mumkin. Quyida ushbu masalani tahlil qilamiz.
“Byankonerilar” muxlislari Ronaldu ularning suyuklilarini 2017-yilgi Chempionlar Ligasi finalida qanday “er tishlatganini” unutishganicha yo‘q. Bu mavsumda esa ular chorak finalda yana to‘qnashishdi va yana Ronaldu “Yuve”ning yo‘liga g‘ov bo‘ldi.
Besh karra “Oltin to‘p” sohibi kelishi bilan Allegrining hujumkor taktikalari soni yana bir necha barobarga ortishi aniq. Lo‘nda qilib aytganda imkoniyatlarning sanog‘i yo‘q.
Gonsalo Iguainning agenti va akasi Nikolas ushbu transfer haqida fikr bildirarkan, ukasi Ronaldu bilan qayta ko‘rishishdan mamnun bo‘lishini aytmoqda.
“U Gonsalo bilan juftlik hosil qilsa bu fantastika bo‘ladi. Ular bir-birini juda yaxshi bilishadi, chunki ular birga 80 o‘yin o‘tkazgan” – deydi Sky Sport Italia ga bergan intervyusida.
Iguain “keksa sinyora”ning eng ko‘p maosh oluvchi futbolchisi hisoblanadi. 30 yoshli futbolchi Dibaladan 6 yosh katta. Turinliklar ushbu hujumchilarni o‘zlarining sevimli pozisiyalarida o‘ynatsa, qanday natijalarga erisharkin? Bu ko‘pchilikni qiziqtirayotgan bo‘lsa kerak.
Ronalduning kelishi Iguainning ketishiga sababchi bo‘lishi mumkin. 33 yoshli futbolchi o‘zining eng yaxshi jismoniy formasida, uni markazda o‘ynatish har qanday raqib himoyasini buzish bilan tugashi aniq. Eng muhimi u bu pozisiyada eng yaxshi ko‘rgan ishi – gol urishni joyiga qo‘yadi.
Agarda Ronaldu markaziy hujumchi vazifasini o‘taydigan bo‘lsa uni yarim himoyadan turib qo‘llab-quvvatlaydigan bir qator mahorat egalari bor. Allegri bunda Ronalduga juda yoqadigan 4-2-3-1 o‘yin sxemasidan bemalol foydalanishi mumkin. Unga hujumda Mandjukich, Dibala va Duglas Kostalar yordam berishadi. Bunday dunyo saviyasidagi yordamchilar bilan Ronalduning gol urolmasligi mantiqsiz.
Har bir futbol muxlisi Ronaldu va Messi birga o‘ynasa qanday bo‘lardi degan farazni anchadan beri aytib kelishadi. Bu ish beradimi? Ehtimol biz bu nazariyani “Yuventus”da ko‘rishimiz mumkin.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
