Nashrlar tomonidan ko‘kka ko‘tarilib maqtalish boshqa, Runi va Jerrard darajasiga chiqa olish boshqa. Hozir biz sizga ularning yulduz bo‘lishi kutilgan, ammo ishonch oqlay olmagan angliyalik futbolchilar haqida ma’lumot beramiz.
10. Teo Uolkot
Teoning faoliyati omadsiz o‘tgan deya olmaymiz, ammo u hozirgi darajasidan ham yuqoriroqda bo‘lishi mumkin edi. 2006 yilda “Arsenal” futbolchini “Sautgempton”dan 10 mln yevro evaziga xarid qilgandi. Oradan bir necha oy o‘tib Angliya terma jamoasida ham debyutini o‘tkazgan Uolkot Germaniyada bo‘lib o‘tgan Jahon chempionatiga ham bordi. Gazetalarda yangi yulduz paydo bo‘lgani haqida yoza boshlashdi.
Uning tezligi barchani hayratga soldi. Ammo unga har tomonlama kuchli futbolchi bo‘lish nasib etmadi. 2018 yilda “kanonirlar” futbolchini “Everton”ga sotishga rozi bo‘ldi. 14 yil oldin Uolkot eng yaxshi futbolchilar qatorida bo‘ladi deb hisoblaganlar xatoga yo‘l qo‘yganini tushunib yetishdi.
9. Reyvel Morrison
“Manchester Yunayted” akademiyasi tarbiyalanuvchisi bo‘lgan Reyvel tengdoshlariga nisbatan ajralib turardi. Afsuski, yosh iqtidor egasiga asosiy jamoada o‘zini ko‘rsatishga imkon berilmadi. Unga boshqa jamoa izlashi kerakligini aytishdi. Shundan so‘ng Morrisonning turli jamoalarda to‘p surishiga to‘g‘ri keldi.
Hozirda 27 yoshda bo‘lgan futbolchi 10 ta jamoada to‘p surishga ulgurdi. Italiya, Shvesiya, Meksika kabi mamlakat jamoalarida ham to‘p surgan Morrison hozirgi kunda “Midlsbro” tarkibida to‘p suradi.
8. Jek Roduell
“Everton” tarbiyalanuvchisi Jek Roduell “iriskalar” safida Yevrokuboklarda maydonga tushgan eng yosh futbolchi hisoblanadi. “AZ”ga qarshi o‘yinda debyutini o‘tkazgan futbolchi o‘shanda 16 yosh-u 284 kunlik edi. Shundan so‘ng Jek asosiy tarkibda muntazam o‘ynaydigan bo‘ldi. “Man Siti” 15 mln yevro evaziga futbolchini sotib oldi va “shaharliklar” tarkibida Roduyel faoliyatida pasayish boshlandi. Manchesterda 2 yilini o‘tkagan Jek 25 o‘yinda maydonga tushdi va 2 ta golga mualliflik qildi.
2014 yilda esa “Sanderlend” futbolchini 12,5 mln yevroga xarid qildi. U yerda ham Roduell o‘zini ko‘rsata olmadi. Hozirgi kunda esa “Sheffild Yunayted” a’zosi hisoblanadigan 29 yoshli futbolchi tez-tez yoshlik yillarini yodga oladi.
7. Josh Makikran
“Chelsi”ning sodiq muxlislari Josh Makrikran haqida bilishadi. Karlo Anchelotti davrida londonliklar safida ko‘rina boshlagan futbolchiga kelajagi porloq deya ta’rif berishardi. Ammo vaqt hammasini o‘z joyiga qo‘ydi.
Luka Modrichga qiyoslangan futbolchi 2015 yilda ijara asosida “Brentford” tarkibiga borib qo‘shildi. U yerda o‘zini har tomonlama ko‘rsata oldi. O‘tgan yili erkin agentga aylangan Makikran oradan bir necha oy o‘tibgina yangi jamoa topa oldi. Transfer oynasi yopilganidan so‘ng Chempionship jamoasi “Birmingem” futbolchini o‘z safiga qo‘shib oldi. Ammo u yerda ham Josh asosiy tarkibdan ko‘ra zahira o‘rindig‘ida ko‘proq vaqt o‘tkazyapti.
6. Cherno Samba
13 yoshida Cherno Samba fantastik o‘yin namoyish etgandi. Bir mavsumda 32 o‘yinda 132 ta golni o‘z hisobiga yozdirib qo‘ydi. “Milluol” akademiyasida shunday futbolchi borligidan faxrlanardi.
Sambaning faoliyati boshlanmasdan turib omadsizlikka yuz tuta boshladi. “Milluol” futbolchini “Liverpul”ga sotishdan bosh tortdi. Bunday qarordan so‘ng futbolchida depressiya boshlandi va futbolga bo‘lgan qiziqish so‘ndi. Keyinroq Angliya, Ispaniya, Finlandiya, Gresiya va Norvegiyaning o‘rtamiyona jamoalarida to‘p surgan Samba 2013 yilga kelib hech kimga kerak bo‘lmagan erkin agentga aylandi. 2 yil mobaynida birorta jamoa futbolchini o‘z tarkibiga qo‘shib olmadi. Bu esa futbolchi faoliyatini yakunlashi kerakligi belgisi edi. Samba 30 yoshida faoliyatini yakunlashga qaror qildi.
5. Mika Richards
Mika “Manchester Siti” himoyasidan mustahkam o‘rin olishi kutilgandi. Richards “shaharliklar” tarbiyalanuvchisi ekanligi ham muxlislarning unga nisbatan simpatiyasi hosil bo‘lishiga sabab edi. Unda himoyachi uchun kerak bo‘ladigan barcha jihatlar: temp, pozisiyani yopa olish, universallik, texnika va tezlik bor edi. Ammo jarohatlar uning faoliyatiga salbiy ta’sir ko‘rsatdi.
O‘tgan yili “Aston Villa” safida to‘p surayotgan Mika Richards butsasini mixga ilganini e’lon qildi. Richards atigi 31 yoshda edi.
4. Maykl Jonson
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
