07:30 "Кто кого?". 08:00 Бокс. Женщины. Чемпионат России в Серпухове. 10:00 Сквош. Чемпионат России в Екатеринбурге. Женщины. Финал. 10:40LIVE Художественная гимнастика. Кубок "Небесная грация" в Катаре. Юниорки. Индивидуальная программа. Прямая трансляция. 18:25LIVE Художественная гимнастика. Кубок "Небесная грация" в Катаре. Индивидуальная программа. Прямая трансляция. 22:40 "Кто кого?". 23:05 "Формула-1. Гаснут огни". 23:30 Бокс. Женщины. Чемпионат России в Серпухове. 01:40 Плавание. Чемпионат России в Санкт-Петербурге. 03:20 "Тайны звёзд спорта". 03:45 Сквош. Чемпионат России в Екатеринбурге. Мужчины. Матч за 3-е место. 04:20 Сквош. Чемпионат России в Екатеринбурге. Мужчины. Финал.
05:00 "Лига героев". 07:00 "Жизнь после спорта". 07:30 Футбол. МЕЛБЕТ-Первая Лига. Обзор тура. 08:00 "Вопреки всему". 08:30 "Вид сверху". 09:00 Новости. 09:05 Все на Матч! Прямой эфир. 12:00 Новости. 12:05 Специальный репортаж. 12:25 "Непобедимый". 13:30 Смешанные единоборства. UFC 267 в Абу-Даби, ОАЭ. Пётр Ян против Кори Сэндхагена. 14:35 Специальный репортаж. 14:55 Новости. 15:00LIVE "Есть тема!". Прямой эфир. 16:25 "Большой хоккей". 16:55 "Вопреки всему". 17:30 Новости. 17:35 Все на Матч! Прямой эфир. 18:25LIVE Художественная гимнастика. Кубок "Небесная грация" в Катаре. Прямая трансляция. 19:55LIVE Плавание. Чемпионат России в Санкт-Петербурге. Прямая трансляция. 21:25LIVE Хоккей. ФОНБЕТ Чемпионат КХЛ. СКА (Санкт-Петербург) - "Торпедо" (Нижний Новгород). Прямая трансляция. 23:45 Все на Матч! Прямой эфир. 00:55 Бильярд. "Кубок Кремля" в Москве. Мужчины. Свободная пирамида. 01:55 Евротур. 02:45 Д/ф "Лионель Месси". 03:55 Плавание. Чемпионат России в Санкт-Петербурге. 04:55 Новости.
05:30 Снукер. Home Nations. Открытый чемпионат Северной Ирландии в Белфасте, Великобритания. Финал. 07:30 Прыжки на лыжах с трамплина. Кубок мира. Сезон 2023/24. "Турне 4-х трамплинов" - этап 5 в Оберстдорфе, Германия. HS 137. 08:30 Прыжки на лыжах с трамплина. Кубок мира. Сезон 2023/24. "Турне 4-х трамплинов" - этап 6 в Гармиш-Партенкирхене, Германия. HS 142. 09:30 Триатлон. PTO T100 Triathlon World Tour. Финальный этап в Дубае, ОАЭ. Женщины. 11:00 Снукер. Home Nations. Открытый чемпионат Северной Ирландии в Белфасте, Великобритания. Финал. 12:30 Горнолыжный спорт. Кубок мира. Этап в Леви, Финляндия. Мужчины. Слалом. 1-я попытка. 13:15 Горнолыжный спорт. Кубок мира. Этап в Леви, Финляндия. Мужчины. Слалом. 2-я попытка. 14:00 Прыжки на лыжах с трамплина. Кубок мира. Сезон 2023/24. "Турне 4-х трамплинов" - этап 7 в Инсбруке, Австрия. HS 128. 15:00 Прыжки на лыжах с трамплина. Кубок мира. Сезон 2023/24. "Турне 4-х трамплинов" - этап 8 в Бишофсхофене, Австрия. HS 142. 16:00 Снукер. Home Nations. Открытый чемпионат Северной Ирландии в Белфасте, Великобритания. Финал. 17:00LIVE Кёрлинг. Чемпионат Европы в Лохье, Финляндия. Мужчины. Прямая трансляция. 20:00 Прыжки на лыжах с трамплина. Кубок мира. Сезон 2023/24. "Турне 4-х трамплинов" - этап 7 в Инсбруке, Австрия. HS 128. 21:00 Прыжки на лыжах с трамплина. Кубок мира. Сезон 2023/24. "Турне 4-х трамплинов" - этап 8 в Бишофсхофене, Австрия. HS 142. 22:00LIVE Кёрлинг. Чемпионат Европы в Лохье, Финляндия. Женщины. 1/2 финала. Прямая трансляция. 01:00 Прыжки на лыжах с трамплина. Кубок мира. Сезон 2023/24. "Турне 4-х трамплинов" - этап 8 в Бишофсхофене, Австрия. HS 142. 02:00 Снукер. Home Nations. Открытый чемпионат Северной Ирландии в Белфасте, Великобритания. Финал. 04:00 Прыжки на лыжах с трамплина. Кубок мира. Сезон 2023/24. "Турне 4-х трамплинов" - этап 7 в Инсбруке, Австрия. HS 128. 04:45 Прыжки на лыжах с трамплина. Кубок мира. Сезон 2023/24. "Турне 4-х трамплинов" - этап 8 в Бишофсхофене, Австрия. HS 142.
Saytdan foydalanuvchilar menga savollar yo‘llashibdi. Ularni man shaxsan tanimayman. Sirtdan ular menga tanish insonlardir. Ular futbolimizga jonkuyar odamlardir. Bu jonkuyarlik mahrajida vatanparvarlik yotibdi. Suratida futbolga ishqibozlik. Man jonu-dilim bilan vatandoshlarimni qiziqtirgan har bir savolga javob yozmoqdaman.
1. Anvar, 35 yosh. Aytingchi Hasanali ota, O‘zbekiston milliy terma jamoasining JCH-2020 musobaqasiga borishiga siz ishonasizmi? Anvarjon, o‘ylab ko‘ring, 4 yarimta o‘rinning bittasi band. Bu musobaqa mezboni Qatar termasi. Shuni aytingchi, biz Osiyoning eng kuchli 4ta jamoasidan biri hisoblanamizmi? Yo‘q. Biz bu gal keyingi bosqichga chiqishimiz ham juda mushkul ish. Saudiyaliklar tarkib bo‘yicha ham, o‘yin bo‘yicha ham, murabbiy mahorati bo‘yicha ham bizdan bir kalla yuqori jamoa. U qolgan barcha o‘yinlarni yutadi. Bizni ham. Savolning tomirini ochib ko‘raylik. Har gal JCh saralashi kelganida termani o‘ylaymiz. Boshqa payt terma ahvoli bilan ishimiz bo‘lmaydi. OK o‘yinlarini ko‘rmaymiz ham. Shunday bo‘lsa-da, termaga katta talablar qo‘yamiz. Katta to‘yga borishni istaymiz. To‘y dunyoga dovrug‘i ketgan eng katta zodagonlarniki. To‘yga to‘yona bilan borish kerak. Hamyoningda bir miring yo‘qku. Yag‘ir guppi chopon kiyib korchalonlar safida masxara bo‘lmaysanmi, deydigan odam yo‘q. Futbolimiz saviyasini ko‘rib turibsizmi? Bu yilgi chempionatimiz masxara bo‘ldiku. 10 pud keladigon polvonimiz 4 pud keladiganlar bilan yashil gilamda bir mavsum “kurashib” berdi. Mavsum so‘ngida oshkora “savdogarchilikni” hamma ko‘rdi. Hamma jim. Bu “yag‘ir chopon” emasmi? To‘yga borsak bo‘lganimi? Bo‘yimizga qarab to‘n bichsak, bo‘lmaydimi? To‘n bichishni, kamtarin bo‘lsa-da, yangi odmi to‘n kiyishni istamaymiz. O‘zbekchilik, to‘yga borishni, aslzodalar to‘yiga borishni xohlaymiz. Bahrayn yaqinda Fors ko‘rfazi g‘olibi bo‘ldi. Markaziy Osiyo chempionatini haligacha o‘tkazmaymiz. Buyuk Turon turnirini tashkil qilsak bo‘lmaydimi? Arab millatlar kubogi musobaqasi borku? JChdan pasini nazarga ilmaymiz. Futbolimizni Osiyo grandlari darajasiga chiqarishni o‘ylamaymiz. Lekin Mundialni bizga bering ekan-da.
Mening ishonchimga kelsak. Men JChga chiqishimizga ishonmayman. Lekin bu bosqichdan o‘tsak, bu gal JChga borishimiz mumkin bo‘ladi. Yevropada 2004-yil Otto-ota boshchiligida Gresiya mo‘jizasini ko‘rgan edik. Vadim-akamiz ham mo‘’jiza ko‘rsata oladi. Buning uchun rahbariyatimiz o‘z munosabatini o‘zgartirishi kerak. Hozir u oldin kelib-ketganlar ishini qilmoqda. Yukni Abramov yelkasiga tashlab, o‘zlari chetga chiqib turishibdi. Oldingi rahbariyat Kuperga nisbatan shu ishni qilgan edi.
2. Ma’mur, 29 yosh. Samvel Babayanning o‘zbek futboliga qaytishini qanday izohlaysiz? Uning Xitoydagi faoliyatidan nima kutasiz? Ro‘zman voqeasidan keyin Babayan nomi tovonga kirgan chaqir tikanakday qiynagan ichimdagi g‘ashlik sababchisi edi. O‘shanda uning kimligi hammaga ayon bo‘ldi-yu, oldinga qarab yoqimsiz yurishi davom eta berdi. Sergeev transferi voqeasidan keyin Samvel nokautga uchradi. Futbolimizdan badarg‘a qilindi. Tovondagi tikanakdan qutuldim, shekilli, dedim o‘zimga o‘zim. Yo‘q, Samvel Boltiq bo‘yidan kuchga to‘lib qaytdi. Chamamda, o‘zi Umidga nokaut zarbasini berib, uni egardan ag‘dartirib tashladi. “Lokomotiv”ga bosh bo‘lib oldi. Babayan “saroy qilmishlari” bo‘yicha kuchli bastakor hisoblanadi, chamamda. Ixtisosi shunday, mutaxassisligini bilmayman. Aniq gap shuki, u murabbiy emas. U hayotida bironta futbol asarini (o‘yinni) yarata olmagan. Uning boshchiligida “Lokomotiv” umuman rangsiz o‘yin ko‘rsatdi. U yashil maydonda o‘yin yarata olmasa-da, maydon atrofida “o‘yin” yaratishning ustasi farang hisoblanadi. Va doim bu “o‘yinlarda” g‘olib keladi. Hatto Alisher Azizxo‘jayev mulkiga yashirinib hamla qilgan edi. Eshitganim bor. “Paxtakor”ning moliyaviy tang ahvolida ham klubni stabil ushlab turgani esingizdami? Terma o‘yiniga hech narsa berolmasa-da, yaxshi ko‘rsatkichlarga erishgan edi. “Paxtakor”dagi hukmronligi hech tugamas edi, go‘yo. Undan nimani kutaman? U Tajmurod emas. Agamurodov butun murabbiylar shtabi bilan Rossiyaga yurish qilib nimaga erishganini bilasiz. Samvel Xitoydayam bo‘sh kelmaydi. U yerda ham “saroy” topiladi. U yerda ham, "o‘yin" ko‘rsatadi.
Kuni kecha uning hayotida bir yangi ko‘rinish paydo bo‘ldi. Yangi sahna. U Xitoyga ketishi oldidan “Futbol ekspress”da uch betlik xos suhbat bostirib chiqaribdi. “Paxtakor”u termada hukmronlik qilgan paytida jurnalistni yoniga yo‘latmas Babayan shumi? Unga jurnalist kerak bo‘lib qolibdi. Nega? Ijtimoiy tarmoqda yaqinda bo‘lib o‘tgan “Jahongir” voqeasi so‘ngida o‘zining “yaxshi” bahosini olgan edi jurnalistikamiz. U bizning “o‘yinchimizga” qanday xizmat qilar ekan? Xitoyda yopinadigan “libosini” o‘ylayapgan odamga buning nima keragi bor ekan? Xitoydagi “o‘yinini” boshlab yubordimi? Yoki uning “o‘yinchiligi” bugungi rahbariyatga kerak bo‘lmay qoldimi? Shundan alamzadami? Undan nimani kutishim mumkin? Shtabiga kimlarni olganini ko‘rib ensam qotdi. Qosimov doim murabbiylardan yaxshi tarkib tuzadi. O‘zi unga yaxshi kapitan bo‘ladi doim. Babayan-chi? Babayan kimlar bilan ishlaydi? Baribir u tashkiliy ishlarni yaxshilab bajarib, ko‘zga ko‘rinmas, pichoqqa ilinmas o‘yin ko‘rsatsa-da, o‘ziga gap tekkizmaydi.
Demak, Babayandan nimani kutishim mumkin? Babayan hech qachon qulamagan, qulamaydi ham. Xitoydan shon bilan qaytgach, “saroyda” navbatdagi to‘ntarishni qilmoqchi bo‘lar, balkim. Undan bundan battarini ham kutishim mumkin.
3. Nigora. Bo‘stonliq. Ayollar futboliga munosabatingiz? Bizdan ham JChga boradigan ayollar termasi chiqishi mumkinmi? Ayollar futboliga salbiy munosabatdaman. Ko‘mir konida shaxtaga tushib ayollar ishlamaydi-ku? Futbol eng og‘ir sport turi hisoblanadi. Jangovor sportda, masalan, ringda odam o‘lmagan. Yashil maydonda futbolchining yuragi to‘xtab qolib necha marta o‘lim hodisasi ro‘y bergan. Nazarimda, ayollar professional futbolchi bo‘lmay, ular uchun havaskorlar futbolini tashkil qilishimiz kerak. Chempionatlar emas, futbol festivallari tashkil qilinishi kerak.
4. Mirobid. 48 yosh. Vadim Abramovning bosh murabbiy bo‘lib qaytganiga munosabatingiz va, sizningcha, u qayerda xato qilyapti? Munosabatim juda murakkab. Falastinda olgan mag‘lubiyatimizdan keyin saytlarda tuni bilan, kuni bilan hali ishlab turgan Kuper ustidan “kimni loyiq ko‘rasiz?” deb, so‘rovnomalar o‘tkazishdi. Boshqa voqeani eslaylik. Abramov xato qilishini kutib o‘tirishgan edi shekilli. Forslarga qarshi bahsda butun o‘yin davomida bostirma hujum qilib (naval uyushtirib), oxirida gol o‘tkazib yuborganimizdan keyin, ertasiga ertalab Abramovni ishdan bo‘shatish haqida buyruq chiqqan edi. Qosimov hali jamoani qabul qilmay turib, yigitlarga tanitish o‘tkazilmay turib, ertasiga kechqurun “Futbol sharhi” ko‘rsatuvida uni yangi bosh murabbiy sifatida yurtga tanishtirishdi. Ektor Kuperga nisbatan ham shunga o‘xshash voqea yuz berdi. Shoshilinch va noilojdan Abramov bosh murabbiy etib tayinlangani bor gap. Abramov sodda va ko‘ngli ochiq odam. Erta-indin futboldan juda uzoq amaldor odam bir-nimasini yoqtirmay qolsa, Abramovni hamma narsada aybdor topib ishdan bo‘shatib yuborishi tayin gap-ku. Murabbiy ishini hech kim qadrlamaydi. Vadim qancha vaqt ishsiz yurdi. Vatanparvarlik qilib vaqtincha termaga bosh murabbiylik qilmoqda hozir. U shuhratparast odam emas-ku. Doimiy ishlash uchun bosh murabbiyni hech kim qidirmayapti. Abramov bor, nima tashvishimiz bor deyishadi. Natijada klubdagi ishi yo termadagi ishi chillaki bo‘lib qoladi. Balkim ikkalasi ham o‘lda-jo‘lda bo‘lib qoladi. Rahbariyat uchun terma jamoa qadr-qimmati shunchalar past ekanki, terma jamoani asosiy ishdan tashqari holatda boshqarish mumkin bo‘lsa. Abramovning boshida bir marta kaltak singani kamlik qilibdimi? Bitta tasodifiy xato yo qaltis bir vaziyat tufayli termadan haydalishi mumkin. Keyin klubdan ham haydashadi. Xudo ko‘rsatmasin.
5. Sherali, 24 yosh. Meni doim bir savol o‘ylantirib keladi. Messi va Ronaldulardan birini tanlash huquqi sizga berilsa, qaysi birini tanlagan bo‘lardingiz? Shomurodovni tanlagan bo‘lardim. Javobimdagi ma’noni tushungandirsiz. Yevropa futbolini koshona qasrlarga o‘xshatsam, o‘z futbolimizni paxsa devor bilan o‘ralgan hovlimga o‘xshataman. Futboldagi kulbam ham shunga yarasha. O‘z hovlimni parvarishlab bir nima qilganimdan keyin koshona qasrlar hayoti bilan qiziqsam, yarashadi. Muayyan savolingizga javob beradigan bo‘lsam, Messini tanlagan bo‘lardim. Messi jamoa o‘yiniga o‘z o‘yinini bo‘ysindiradi. E’tiborini vaziyatga qaratadi, o‘z o‘yiniga emas. Ronaldu aksincha.
6. Qosimjon, 29 yosh. Bu yilgi “Manchester Siti”ning omadsiz o‘yinini qanday izohlagan bo‘lardingiz? Gvardiola va Kloppning farqlarini tushuntirib bera olasizmi? Futbol juda katta bilimdonlikni talab qiladi. Masalan, xokkeyda bir g‘oya asosida o‘yin yaratasiz, o‘n yil davomida uning samarasini ko‘rasiz. Futbolda o‘yin bir yilda eskiradi. “Man Siti” o‘yini bultur eskirgan edi. Gvardiolaning zo‘ri bilan oldingi mavsumdayam, eskirgan o‘yin bilan chempion bo‘lishdi. Bu yil zo‘rlik o‘tmayapti. Klopp bu yilgi o‘yinni uch yilda yaratgan. Boshqa payt Gvardiola yaratgan o‘yinni atay tahlil qilib chiqarmiz. U bunga arziydi. Chunki Abramov shu o‘yindan andoza olmoqda. Shuning uchun grandlarning o‘yini biz uchun juda muhim. Pep bilan Yurgen farqlarini gapirish uchun ma’lumotim juda kam. Ularni ko‘rmaganman, ularni tanimayman. Busiz kimsa haqida gapirish mushkul ish. Gaplarim safsata bo‘lib qoladi. Bunday gaplar yoqsa, “Ofsayd”ni tomosha qiling. Meni Ulug‘bek bilan Vadimning farqi ko‘proq qiziqtiradi. Ularni ko‘rganman. Ular bilan gaplashganman.
7. Aziz, 43 yosh. Bir paytlar Londonning “Arsenal” jamoasining inqirozi Arsen Vengerga bog‘liq emas deb aytgan javobingizni o‘qigandim. Aftidan siz haq bo‘lib chiqqan ko‘rinasiz. Ayni paytda bu jamoani qanday qilib kuchaytirish mumkin? Azizxon, demak Siz mening eski, kamida uch yillik qadrdonim ekansiz-da. Xursandman. Siz bilan bir kun stadionda uchrashish nasib qilsin. Hozir klublarimizni xususiylashtirish haqida ko‘p gapirishmoqda. Bunday qilsak, faqat klub emas, futbol ham kimningdir xususiy mulki bo‘lib qoladi-ku, demayapti hech kim. O‘sha mulkdor istasa, klubni sotib puliga qaysidir okeandagi qaysidir orolni sotib olishi mumkin bo‘ladi. Yangi egasi daromad topish uchun xaridor topsa, qimmatroqqa yana sotib yuborishi mumkin bo‘ladi. Futbolchilar-u murabbiylari bilan birga klubni sotib yuboradi. Savolingizga kelsak, “Arsenal”ning ahvoliga uning egasi sababchidir. Venger, eslasangiz, Fabregas o‘yinini yetiltirib berdi. Uning o‘yini porlab ketdi. Keyin uni nima sababdandir “Barsa”ga sotib yuborishgan edi.
8. Murod, 33 yosh. Hasanali-otaga savolim o‘zbek futboli haqida. Poytaxt klublarida faoliyat yuritayotgan murabbiylardan tashqari qaysi viloyatda ishlayotgan o‘zimizning murabbiylarni kuchliroq deb hisoblaysiz va nima uchun? Murodjon, savollarni sanab chiqsam, faqat uch-to‘rt kishi o‘z futbolimiz bilan qiziqar ekan. Davron Fayziyevga ming rahmat. Yevrofutbolni juda yaxshi tahlil qiladi. Zidan, yo Klopp haqida juda ko‘p ma’lumot topishimiz mumkin. Sara jurnalistlarimiz yevrofutbol targ‘iboti bilan band. Xayrulla Hamidov ham o‘z futbolimizni tashlab yevrofutbol targ‘ibotiga o‘tib ketdi. Yetmaganiga butun rus saytlari-yu, TVsi ham bu targ‘ibotga qo‘shilib turishibdi. O‘z futbolimiz murabbiylari haqida ma’lumotni kim manga yetkazadi? Qo‘limdan kelganida Ro‘ziqul Berdiyev haqida bir ocherk yozib bergan bo‘lardim. Baxtiyor Ashurmatovning ijodiy portretini yaratgan bo‘lardim. Aliqulovning ham potensiali baland. Men esa siz kabi oddiy bir futbol ishqiboziman. Bu ish qo‘limdan kelsa-da, vaqtim yetmaydi. Shu yoshimda ham tirikchilik tashvishidan ortmayman. Zamonamiz shunaqa. Kim kuchli degan savolga kelsak. Bulturgi Kubok finalini eslang. “Paxtakor”dagi sharoitni Ashurmatovga yaratib beraylik-da, keyin Shota kuchlimi yo Baxtiyor kuchlimi degan savolga javob qidiraylik.
9. Jahongir 31yosh. “Liverpul” jamoasining muvaffaqiyatini faqat murabbiy omili bilan bog‘laysizmi yoki futbolchilarning ham xizmati bormi? Jahongir, kartadan Liverpulni topa olmadim ham. Kartamda kichkina nuqta bo‘lsa kerak. Bekobod haqida so‘rang. U yerda ikki marta bo‘lganman. Bir marta Sir bo‘yida ehson oshini yeb keldik. Ikkinchi gal stadionda futbol ko‘rganman. Shuning uchun Andreev haqida bir nima deyishim o‘rinli bo‘ladi. Uzreportdagi gaplarga qo‘shilsam, manimcha men ham lo‘ttibozlik qilgan bo‘laman. Stadionga borib futbolni jonli ko‘rmay turib bir fikr bildirishim mumkinmi? Qoziravotga borib Vadim Shotani har tomonlama yutgan o‘yinini ko‘rdim (3:2). Bu o‘yin bir jang bo‘ldiki, uning takrori bo‘lmaydi. Uyga kelib o‘yinni TV orqali ko‘rsam, boshqa narsani ko‘rdim. Bu futbol emas edi. Avvalo operatorlarimizga “rahmat”. Keyin aytsam, sakkizta katakni ko‘rib shahmat haqida fikr bildirib bo‘ladimi? Yo‘q. Futbolda esa mumkin ekan. Bir umr stadionga kelmay TVda futbol ko‘rib gap so‘qiydiganlarni tushunmayman. Bundaylar borgan sari ko‘payib ketmoqda. Bu biyronlarni biron marta stadionda ko‘rmaysiz.
Savolingizga javob berish uchun men ham “biyronlarga” qo‘shilaman. Maydondagi o‘yinning muallifi Bosh murabbiy bo‘ladi. O‘yin vaziyatlardan tashkil topadi. Maydonda bo‘lib o‘tgan barcha vaziyatlarning muallifi butun jamoa bo‘ladi. Futbolchi murabbiy yaratgan ssenariyga “assistentlik” qiladi. Zaxirada o‘tirganlar ham, stadionda hayqirib o‘tirganlar ham maydondagi voqealarga ta’sir o‘tkaza olishadi. “Barsa” o‘yinlarining 50 foizga muallifi Messi bo‘ladi. “Liverpul” o‘yinida yuz foiz mualliflik Kloppga tegishli. U futbolchilardan bir butun ansambl yarata oldi. “Man Siti”ning bugungi orqaga qaytishiga ham, o‘yinning qoliplanib qolishiga ham Gvardiola sababchi. Futbolchi shaxmat donasi emas. Jahon yulduzining o‘yinga ta’siri katta bo‘ladi. “MYu”dan ketgan Ronalduning “Real”dagi o‘yini charaqlay olmayotgan edi. Uning ochilishi uchun jamoani Iguain, Di Mariya kabi yulduzlardan “yagonalab”, Ronalduga mos ansambl yaratish kerak bo‘ldi. Karlo-ota shu ishni qildi. Bugungi kunda Ronaldusiz kuchli ansambl yaratish mashaqqati davom etmoqda. O‘yinchilar bilan bosh murabbiy bir butun, bir fikr, yakdil bo‘lishi kerak. Yevropada ushbu sharoitni birinchi galda yaratishadi. Gvardiola “Bavariya” o‘yinchilariga tushunarliroq bo‘lishi uchun olmon tilini o‘rgangan ekan.
Bizda-chi? Aksar murabbiylarimiz ikkita chala tilda, qashshoq o‘zbek va maymoq o‘ris tilisida bir nima tushuntirmoqchi bo‘lishadi. Qashshoq tilini “svyazka slov”lar bilan boyitishadi. Futbolchi maydon chetida turib j...b deb so‘kinib baqirib turgan murabbiy bilan yakdil bo‘la oladimi?.. Bizning futbol kulbamiz shu ahvolda. Esiz va afsus.
Azizlarim, savollaringiz uchun rahmat. Siz bilan sirtdan diydorlashib, tillashib, dillashib oldim. Sizlar bilan yuz ko‘rishish nasib etsin. Men uchun juda muhim sanalgan mavzu haqida, o‘z futbolimiz ravnaqi haqida uch-to‘rtta savol berilibdi. Ularga ertaga alohida batafsil javob berishga harakat qilaman.
11.12.2019. Hasanali-otangiz yozdim.
Kiritilgan sana: 13.12.2019 22:13. O'kildi: 4827 marta.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
