B.A. Hasanali-ota, har doim Paxtakorning media sektorida Sizni ko‘rib o‘rganib qolgan edik. Juda muhum o‘yinni ko‘rgani kelmadingiz. Doim o‘z futbolimizni birinchi o‘ringa qo‘yardingiz. YECH-2020 oldida “Paxtokor”u “So‘g‘diyona”lar bahsi ko‘rimsizmi? Yoki yana sog‘liq muammosimi? Baxtimizga omon bo‘ling.
H.Q. Unday ham, bunday ham emas. Yashil maydon shahmat doskasi emas. Buni bilaman. TVdagi shoh asar, jaydari futbolimizning jonlisidan o‘tolmaydi. Buning ustiga qadrdonim 35-burjimda o‘tirib 40 yilcha futbol tamosha qilib kelganman. 64-yil gruzinlarning oltin yutug‘idan so‘ng uyga piyoda kelganim yodimdan chiqmaydi. “Torpedo”ni yutqaza turib 3:1ga yutishgan edi. 21-sektorda o‘tirganmiz o‘shanda. 10 yildan beri medio-tribunada tomoshaxonlik qilaman. Qoziravotdagi milliy stadionda zinama-zina osmon tagiga ko‘tarilishim qiyin. Paxtakorda esa, uchta zinapoyadan o‘tib joyimga yetib olaman. Bir oydan beri Baqoyevning o‘yinni cho‘zib “Paxtakor”ni yutib ketishini ko‘rayin deb ushbu kunni kutgan men edim. 0:0 bo‘libdi. Shunday ekan, gap nimada? Nega bormadim? Sharmandali mag‘lubiyatdan (Saud-O‘zb; 3-0) so‘ng hech narsa ko‘nglimga sig‘mayapti. Juda ko‘p alamli mag‘lubiyatlar bo‘lgan. Bunisi nimasi bilandir og‘ir bo‘ldi.
B.A. Otaxon, oldindan shunday bo‘lishini aytib bergan edingiz-ku, endi kuyunib yurishingiz nimasi? Gapingizning nimasidir yasama? Yo kechagi tanqidlaringiz, yo bugungi kuyunishingiz yolg‘on.
H.Q. Nimadir o‘zgarishiga baribir ishonar edim. Man ko‘rib bilib turganni, ahvol og‘irligini Ravshan ham ko‘rib turgandir axir, unga futbolimiz yuzi bo‘lgan terma jamoamiz baribir emas-ku, degan umidim bor edi. Ahvol og‘irligidan xunobim osmonga yetib yozsam-da, hamma beta’sir jim tura berdi. Ko‘pchilik bo‘lib bong urib, ahvolni o‘zgartirsa bo‘lardi. Bunday bo‘lmadi. Hamma nimanidir kutib jim turdi. (Xozir rasvoimiz chiqqanidan keyin toshotarlar ko‘payib ketdi). Keyin yana aytsam, aldanibman. Vadimni birinchi qadamidan kuzatib yurardim. Uni halol, toza, futbolga sodiq odam deb bilardim. Ishongan odamingizdan aldanib qolsangiz, og‘ir bo‘larkan.
D.H. Har xil gaplarga ishonmang. Mag‘lubiyatdan fojea yasamang. Turkiya termasi YECH-2020da hamma o‘yinni yutqazdi-ku. Bu futbol. Mag‘lubiyat va g‘alabalar yonma-yon bo‘ladi.
H.Q. Davronxon, o‘yindan o‘yinning farqi bor. Ye.CH.da Makedonlar 0:3ga uchar gollandlarga yutqazishgan bo‘lishsa-da, jang qilishdi. Biznikilarchi?... Yuzimizga loy chaplashdi.
B.A. O‘tgan ishga salovat. Yangi gapdan gaplashaylik. Bugungi “Dasturxonimizni” X.Holiqov maqolasiga bag‘ishlasak, nima deysiz?
D.H. Boburjon, Holiqovning o‘qi o‘zganmi? Qahramonning shu haqda “Tribunada” bosilgan maqolasi Sizga yoqmadimi? Dasturxon atrofida suhbat erkin izxor bilan, istalgan mavzuda o‘tishi kerak aslida.
H.Q. To‘g‘ri, lekin, Boburni ham tushunish kerak. Qahramon Aslanovning maqolasi kutilgan, ishonarli, bexato yozilgan. Munozaraga o‘rin yo‘q. Lekin maqola xuddi chiroyli aktrisa Gulchehra Jamilova singari hech kimning nazarini o‘ziga tortmaydi. E’tiborimizni o‘ziga tortishi uchun Inna Churikovaga o‘xshab ozgina hunukroq bo‘lishi kerakmidi. Xayrillaning maqolasi silliqqina emas, muhokamatalab joylari ko‘p. Holiqovning yozganlariga o‘zingiz baho bering. Bironta gapiga qo‘shilmayman. Odamning ishiga qarab emas, niyatiga qarab baho beriladi, to‘g‘rimi. Lekin, kimsaning ko‘nglida kechgan niyatini Yaratgandan boshqa kim bilarkan? Holiqov o‘z maqolasida shuni bilishini da’vo qilyapti. Bilasiz, Futbolimizda birinchi bo‘lib “Paxtakor” o‘z sarf-harajatlarini qisman oshkor qildi. Ya’ni asosiy tarkib o‘yinchilari-yu, murabbiylarining yillik maoshi qanchaligini ommaga bildirib qo‘ydi. Bu ish “Paxtakor”ning raisi (shunday deb atashyapti) Jahongir Ortiqxo‘jayev tashabbusi va topshirig‘i bilan amalga oshirildi.
Bu hol hammaning diqqat markazidan joy oldi. Holiqov o‘z munosabatini saytda e’lon qildi. (Boshqalar jim turishibdi.) Hayrulla “Paxtakor” raisining niyatini aytib berdi. Ofarin. Jahongirning niyati oshkoralikni boshlab berib, boshqalarni ham shunga undab, futbolimizda shaffoflik sari birinchi qadamni qo‘yish emas ekan. Niyati boshqa narsa ekan. Niyati futbolchilarning kattadan-katta oyligini ommaga oshkor qilib, ommaning noroziligini qo‘zg‘atib, keyin shuning bahonasida “Paxtakor” futbolchilarining oyligini keskin qisqartirib tashlash ekan. “Ofarin”, raisning dilidagi niyatini Siz bilar ekansizda, Xayrilla.
Maqsadi nima ekan, keyingi qadamlari qanday bo‘ladi, berdisiga nima der ekan deb, kalovlanib turgan ekanmiz. Siz bizga hammasini “ayon” qilib berdingiz. Rahmat. Men bo‘lsam, keyingi qadami budjet strukturasini oshkor qilish bo‘ladi. Undan keyingi qadami Futbol mahsulotini yaratishga keng yo‘l ochadi. Buning uchun yosh iste’dodli futbolchilarni tarbiyalashga budjetni buradi, debman-a. So‘ngra futbol sifatini oshirib, chempionatimizda raqobatni kuchaytiradi, ya’ni futbolni haridorgir qiladi deb o‘ylabman-a. “Mahsulotning” haridorlar strukturasini yaratishga e’tiborni qaratadi deb yuribman-a. Barcha ishlarini oshkor, ochiq-oydin, xalqning ko‘z o‘ngida bajaradi, deb o‘ylabman-a. Xayrilla ko‘zimni “ochib qo‘ydi”.
Messi. Otaxon, Siz haliyam yosh bolasiz. Siz etgan gapla Jahongirizzi hayoligayam kemiydi. U futbolda hich narsani tushinmidi. Futbol bilan hich qachon qiziqmagan. Futbolli biz uchun sanash qiyin bo‘gan pullarini ko‘rib quti uchib ketganga o‘xshidi. Futbolimizda hamma yeb yotibdi, hamma yeb ketar. Kazo-kazoladan tortib jurnalistizgacha hamma yeb ketar. Xayrillayam yeb ketar. Unga shunday maqola yozishni buyurishgan. Jahongirizzi tezda “ovuntiririb” qo‘yishadi. Masalan, manam gaplarizzi tushunmadim. Hammasi gajak-gajak. Mahsulotmiyey, haridormiyey.
SH.B. Gajak emas. To‘g‘ri gap. Lekin hech kim gapirmagan gap. Menejment deganlari talab va taklif oldida uch pul. Termadan gapiraylik. Ulug‘bek Mirzayev ishdan olinib. “Bunyodkor” bir muddat bosh direktorsiz qoldi, bilasiz. Chunki yangi tayinlangan direktor ishga chiqmay, Prezident portaliga klubdagi korrupsiyadan shikoyat qilib xat yozgan edi. Nima bo‘ldi? Hech narsa. Tekshiruv natijasi xalqqa e’lon qilindimi? Yo‘q. Qozon yopiqligicha qoldi. Futbolda hamma bir “ariqdan” suv ichadi. Ravshan ham ular safidami, yo ojizlik qilmoqdami, bilmadim. O‘sha voqeada katta aybda gumon qilingan Abramovni nega darrov termadan chetlatmadi? Saudlarga qarshi o‘yinda obro‘siga dog‘ tekkan murabbiy bilan futbolchilar bir jonu-bir tan bo‘la olishmadi. Rasvo o‘ynab yutqazishdi. Ravshan shunchalar irodasizmi? Yo hamtovoqmi?... Bu mavzuga qaytgim kelmaydi. Bo‘lar ish bo‘lib o‘tdi.
B.A. Siz otaxon, bir yildan beri futbol mahsuloti, futbol haridori deb zang urasiz. Zangiota bo‘b keting-e. Taklifingizni Messilarga tushuntirib gapiring, menga ham.
H.Q. Maqolalarimni blogimda olti-sakkiz kishi o‘qiydi. “Chempion”imiz kasot bo‘b ketgan. Saytdagi maqolalarni ham hech kim o‘qimaydi. Hamma qisqa habarlarni o‘qiydi. Xatto O‘FAdagilar ham o‘qimaydi. Qog‘ozga chiqarib yozganlarimni oborib berganimni aytganman. Baribir o‘qishmadi. Yoppasiga beta’sirlik, bo‘lsa-bo‘larchilik. Fikrlashni, o‘ylashni xohlashmaydi. Shuning uchun fikrlashni bilishmaydi. Sizlarga takliflarimni tushuntirib berishga harakat qilaman.
Kiritilgan sana: 01.08.2021 20:43. O'kildi: 6867 marta.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
