06:00 Велоспорт. Монреаль. Женщины. 08:00 Олимпийские игры. Зал славы: Афины-2004. 09:00 Снукер. Второй раунд. 11:00LIVE Снукер. Второй раунд. Прямая трансляция. 14:00 Велоспорт. Монреаль. Женщины. 15:30 Снукер. Второй раунд. 16:30LIVE Снукер. Третий раунд. Прямая трансляция. 19:30 Маунтинбайк. Женщины. Скоростной спуск. Вистлер. Кубок мира. 20:15 Маунтинбайк. Мужчины. Скоростной спуск. Вистлер. Кубок мира. 21:00 Велоспорт. Монреаль. Женщины. 22:00 Скалолазание. Мужчины и женщины. Лазание на трудность. Финал. Мировая серия. Копер. 23:00 Снукер. Третий раунд. 01:00 Автогонки на выносливость. FIA WEC. 6 часов Фудзи. Обзор. 02:00 Трейлраннинг. 03:00 Скалолазание. Мужчины и женщины. Лазание на скорость. Финал. Мировая серия. Гуйян. 03:45 Скалолазание. Мужчины и женщины. Финал. Мировая серия. Гуйян. 04:30 Снукер. Третий раунд.
Kecha 16-turning “Paxtakor”—“OKMK” o‘yinini stadionga borib ko‘rdim. Ishxonamdan, ya’ni Oq uydagi qurilish ob’ektidan to O‘qchigacha yosh haydovchi uchirib olib borib qo‘ydi. Eshikbon ham darvozani ochib meni kutib oldi. Mening qadrdonim “Paxtakor”, men uchun eng qulay stadion meni qarshi oldi. Har gal o‘yin davomida bir nimalar yozib olaman deyman-u, ishqibozligim tutib ketadi. O‘tirgan joyimda kallam, yo oyog‘im qimirlab ketadi, o‘zimni maydonda yugurganday his qilaman. O‘yinga singib ketaman, gohida baqirib yuboraman ham. Yozib borish qayoqda deysiz. Shuning uchun man hech qachon jurnalist bo‘la olmayman. Shunday holatni Siz ham TV orqali kechagi o‘yinda ko‘rdingiz. Bosh hakam ikkinchi bo‘limda OKMK o‘yinchisiga qizil varaqa ko‘rsatishdan avval vaziyatni monitor orqali kuzatayotgan paytini eslang. Atayin qilingan qo‘pollikni kuzatayotib monitor oldida turgan Akobirxo‘ja avtomatik tarzda hushtak chalib o‘yinni to‘xtatay deb qoldi. O‘yin allaqachon to‘xtatilgan edi. Futbolga singib ketish shunaqa bo‘ladi. Kim buni sezdi, kim sezmadi.
“Paxtakor” kuchli tarkib bilan kuchli o‘yin ko‘rsatmoqda. Lekin bu urilgan gollarda aks etmayapti. Nima uchun? Futbolchilar jon-jahdi bilan o‘ynab, qattiq jang qilib, qattiq qarshilikni yengib raqibni yutishmayapti. Yuqori daraja evaziga g‘alaba ularniki bo‘lmoqda. Ertaga xalqaro o‘yinlarda kuchli qarshilikka uchraganda bu narsa pand berishi mumkin. “Lokomotiv” kechagi turda “Turon”dan qattiq qarshilikka uchradi. Yutqaza turib matonat ko‘rsatib jang qilib yutdi. “Paxtakor” iroda ko‘rsatganini eslolmayman. Xyuistra bir yillik shartnoma tuzganmi deyman. Tablodagi raqamlar bilan mamnunligini yashirmadi. Natija uchun o‘ynashmoqda. O‘yin sifatini tag‘inam yuqori darajaga ko‘tarishni o‘ylamayapti. Biru-nolga yutish uchun jamoaning shu o‘yini ham yetarli bo‘lmoqda. O‘yin va maydon nazorati senda, uch-to‘rtta golni qalashtirib tashla. Yo‘q.
Anjumanda aytgani bo‘yicha bittagayam yo to‘rtta gol uchun ham uch ochko berilar ekan. Yigitlar maydonga tushmay turib ochko sanashyapgan ekan-da. Azizga (gol urgan o‘yinchiga) qarata “Maydonga tusholmay armonda o‘tganlar qancha. Bu kunga yetmaganlar qancha. Sen esa ochko sanaysanmi” degim keladi. Barchang bir jon bo‘lib zavq bilan yonib o‘yna! Buning uchun har biring sheriging o‘yiniga singib ketishing kerak. Shunda gollarni taqillatib tashlaysanlar. Men tomosha qila turib oldimdagi o‘rindiqni tepib yubormoqdaman. Sen esa, o‘yin paytida maydonda tomoshaxonlik qilmoqdasan. Boyan Matich oldinga qarab tezlanish oldi. Sen sheriging oldiga to‘pni uzatish o‘rniga orqaga qarab o‘ynab ketding. Boyan tezlik olib, zarbdor vaziyatga chiqar edi. Esiz, golvar vaziyat o‘ldi. Bunday holat o‘yin davomida juda ko‘p bo‘ldi. G‘alabadan mamnun bo‘lgan omma bunday xatolarni ko‘rmaydi. Natijani emas, futbolni ko‘rgani kelgan muxlis afsus chekadi. Maqsadiga erishgan “Paxtakor” eldan burun musobaqani yutib ketadi, uloqni ilib ketadi. Keyin uloqsiz poygani ko‘ramiz.
Anjumanda shu haqda so‘raganimda juda uzoq gapirdi. Tilini tushunmayman. Savoldan qochib ko‘p gapirdimi yo savolga batafsil javob berdimi, bilmadim. Piterga yozma tarzda savol beraman.
“Muhtaram bosh murabbiy, eng yaxshi futbolchingiz haqida gaplashaylik. Masalan, Sayfiyev haqida. Barcha futbolchilaringiz yurtimizda eng kuchlilardan hisoblanadi. Sayfiyev ham shunday. Lekin Farrux Sayfiyev Osiyo darajasida kuchli emas. Haqiqat shuki, u endi bu darajaga ko‘tarila olmaydi. Buni Siz ham tan olasiz. “Paxtakor”ni Osiyoda birinchilar darajasiga olib chiqmoqchimisiz, axir. Shunday bo‘lsa, hatto Sayfiyev o‘rniga hammani lol qoldiradigan 16 yashar iqtidorli futbolchini topib, tarbiyalab o‘yinini o‘stirishingiz kerakmi? Buning uchun seleksiya bo‘yicha yordamchingiz 20ta yosh iqtidorni ko‘rib chiqib, ulardan birini tanlab berishi kerakmi? Siz har o‘yinda uni o‘n-o‘n besh daqiqaga maydonga tushirib o‘ynatib turishingiz kerakmi? Bunday bo‘lmayapti. Hatto Cheranning yoniga bo‘lg‘usida undanda kuchliroq o‘ynaydigan yosh o‘rinbosar topib qo‘yishingiz kerak. Yoki “Nasaf” bunday talantlarni tayyorlab berishini kutyapsizmi? Shuning uchun Sizning shartnomangiz bir yilga tuzilganmi deb o‘ylanib qoldim. Muhtaram Piter Xyuistra, Siz “Paxtakor” bilan hayotingizda eng katta yutuqlarga erishmoqchimisiz, yoki “Paxtakor” Siz uchun navbatdagi ish joyi (pul ishlash) bekatimi? Arveladze keldiyu ketdi. O‘zbek futbolida undan hech narsa qolmadi. Siz ham shunday qilmoqchimisiz?
Klublarimizda bir nechta chet ellik murabbiylar ishladi. Skolari, Kumikov, Xomyakov. Oldingi davrda “Paxtakor”da Yakushin, Kachalin, Keller, Nabokov, Bazilevich, Sekech, tag‘in bir qancha kattayu-kichik murabbiylar ishlashgan. Hammani ko‘rdim. Endi sizga qarab turibmiz. Sizga qiziqishim boshqacha, Sizdan umidim boshqacha. Ilohim orzularim Siz bilan ushalsin”.
Hasanali QODIROV. 30.08.2021y.
Kiritilgan sana: 04.09.2021 21:20. O'kildi: 8575 marta.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
