G‘alaba larzalar bag‘rida yashaydi yoki «Alashkert» ketidan adashib ket, alam!
Baho:
+0; -0
Larza nima o‘zi? Uni butun vujud bilan qanday his qilish mumkin? Mazkur savollarga har bir aqli raso insonning o‘ziga yarasha javobi bor, albatta. Biz bu o‘rinda misol uchun, ardoqli san’atkorimiz Munojot Yo‘lchiyeva ijrosidagi larzani tilga olmoqchimiz. U «Munojot»ni butun vujudi bilan kuylaganida, nazarimizda, borliq larzaga tushadi, titraydi, to‘lg‘onadi. Borliq va vujud, iste’dod va imkonning uyg‘unlashuvi hamda birgalikda larzaga tushishi natijasida buyuk ijro tug‘iladi. Yanada aniqrog‘i, har bir yangi ijroda yangi buyuklik ko‘z ochadi...
«Liverpul» APL doirasida «Tottenxem» bilan kuch sinashar ekan, butun uchrashuv davomida tezlik, shiddat, bosimni ushlab turdi. Jamoa nainki o‘zini, balki maydonni va muxlislar qalbini ham larzaga soldi. Vaziyat shunday ediki, Yurgen Klopp jamoasi yaxshi ma’noda to‘lg‘onmasa, g‘alaba qozonolmasdi. Bir-biriga munosib raqiblar bellashgan mahal tarozi pallasi larzalar tomon og‘adi. Bundan 2 oycha muqaddam Sadyo Mane «Man, man, man» qabilida baqirib, «Liverpul» muxlislariga maqtangandi. O‘shandan buyon uning sururbaxsh sadosi quloqqa chalinmadi. Mana, Mane nihoyat, yana gol sahnasida. Garchi lahzalar ichida «dubl»ga erishib, butun maydonni larzaga solgan bo‘lsada, uning o‘zi avvalgidek dangal maqtanib yuborolmadi. Ha, futbolchini durang va mag‘lubiyatlar seriyasi ancha cho‘chitib qo‘ygan, chog‘i. Eng muhimi, u «Enfild»ga larzalarni qaytardi, jamoa muxlislari bu onlarni 40 kundan ortiq vaqt intizor kutishdi. Qarangki, g‘alaba oniga qadar chilla chiqdi. Xalqimiz ta’biri bilan aytganda, jamoa qish chillasini og‘ir o‘tkazdi. Yurgen Klopp autsayderlardan biri sanalmish «Xall Siti» bilan o‘yinda taqdirning nohaq tamg‘asini olib tashlashni istagandi. Biroq murabbiy emas, balki taqdirning buyurgani bo‘ldi: «Liverpul» autsayder qarshisida qo‘l ko‘tardi. Demak, o‘sha o‘yinda ham jamoadagi qalqish jarayoni hali nihoyasiga yetmagandi. «Qizillar» yana ortga chekinishdi, chunonchi, chekinish masofasi bor edi, go‘yo. «Tottenxem» bilan uchrashuvga qadar jamoa mutasaddilari va muxlislari shu chekinish masofasini to‘ldirishdi. Jamoa qarasaki, ortda mutasaddilar va muxlislar armiyasi, ularning lim-lim to‘lgan sabr kosasi. Qisqasi, chekinish masofasi yo‘q. Ro‘parada esa kuchli raqib. «Liverpul»dagi kuchli «portlash» effekti, beqiyos larzaning sababi - shu. Ancha-muncha kuchli raqiblarni dovdiratib qo‘yadigan Eriksen - Alli - Son Xyun Min - Keyn kvarteti bu safar «Liverpul» bosimi qarshisida ojiz qoldi. Yana bir bor ta’kidlaymiz: g‘alabani kuchli qo‘shimcha omil - larza jarayoni ta’minladi. Ha, tom ma’nodagi zarur g‘alaba, ehtiyojga aylangan natija larzalar bag‘rida yashaydi, uning vositasida kurtak ochadi va unib-o‘sadi. Larza jarayoni kuchga to‘lgan organizmdagi qon aylanish tizimini eslatadi. Bu tizim yaxshi ishlamasa, kuch-qudrat organizm uchun ortiqcha yuk, xolos.
Yurgen Kloppning mahorati shundaki, u jamoadagi larza jarayonini qayta uyg‘otdi. Murabbiyning saviyasi shunday og‘ir vaziyatlarda bilinadi. Futbolchi o‘zidagi kuch va imkonni har uchrashuvda bir maromda taqsimlashga qiynaladi. Bu maromni saqlash - murabbiy zimmasidagi vazifa. Fikrimizcha, Yurgen Klopp nazarda tutilayotgan shu jarayonni nazorat qilishda biroz adashdi, ya’ni shogirdlarining kuch va imkoniyatlarini ortiqcha baholadi. Shuning ta’sirida jamoa uzoq vaqt g‘alaba nashidasini surormadi. Ayon bo‘ldiki, «Liverpul» har bir bahsda muxlislarga yoqadigan «portlash» effektini yuzaga chiqarolmaydi. Jamoa potensiali muttasil bu uslub yukini ko‘tarishga qodir emas. 2-3ta bahsda porlagan Manening keyinchalik birdan shalvirab, so‘nib qolishi sababi ham shu. Yurgen Klopp bu jihatni hisobga olmasa, jamoasida yana depsinish kuzatiladi. Albatta, «Tottenxem»ga qarshi kechgan prinsipial bahs bundan mustasno. Chunki «Liverpul» bu uchrashuvdagi g‘alabaga depsinishdan qutqaruvchi xaloskor sifatida qaradi. Qoyil qolish kerakki, «qizillar» qiyin vazifani uddalashdi, yana o‘ta yorqin darajada.
Xo‘sh, «Alashkert»ga qarshi nazorat uchrashuvida maydonga tushgan milliy terma jamoamiz-chi?
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
