Qadrli futbol ishqibozlari «InterFUTBOL» gazetasining bugungi 80-sonida bir-biridan qiziqarli maqolalarni mutoala qilishingiz mumkin. Esklyuziv materiallar, tahlil va suhbatlar ham sizni befarq qoldirmaydi degan umiddamiz.
Demak, gazetamizning ertangi sonida nimalarni o‘qish mumkin?
- Yarim final: kim yutadi?
Shu hafta oxirida mavsumdagi eng muhim o‘yinlardan yana ikkitasini tomosha qilamiz - O‘zbekiston kubogi yarim finali javob o‘yinida Samarqandning «Dinamo» klubi o‘z maydonida «Bunyodkor»ni qabul qiladi. Qarshida esa «Nasaf» - «Lokomotiv» to‘qnashuvining ikkinchi qismi bo‘lib o‘tishi lozim. Xo‘sh, mazkur uchrashuvlarda qanday natijalar qayd etiladi?
- Server Jeparov - OFK e’tirofida
O‘zbekiston milliy terma jamoasi yarim himoyachisi, Osiyoning ikki karra eng yaxshi futbolchisi Server Jeparov 3 oktyabr kuni 35 yoshini qarshi oldi. Osiyo Futbol Konfederasiyasi (OFK) matbuot xizmati futbolchini tug‘ilgan kuni bilan tabrikladi va «Osiyo namoyandalari» rukni ostida uning faoliyatiga nazar tashladi.
- 23-tur ramziy terma jamoasi
Oliy liganing navbatdagi turida «Paxtakor»ning Namangandan ochkosiz qaytishi «Lokomotiv», «Nasaf» va «Bunyodkor» uchun ayni muddao bo‘ldi. Peshqadam biroz yengil tin oldi, qolganlar esa YECHL yo‘llanmasi yo‘lida yanada faollashdilar. «InterFutbol» an’anaga muvofiq, 23-turda qahramonlik ko‘rsatganlardan iborat ramziy terma tuzdi.
- Elfi FERNSHILD: «Maktabimiz murabbilari bolalarni sevishadi»
Evropa futboli har doim ilg‘or bo‘lib kelgan. Qit’aning eng oldi futbol maktablari esa Germaniyada faoliyat yuritadi. Olmon o‘lkasida bajarilgan ishlar ko‘lami oxirgi jahon chempionatidagi g‘alaba bilan o‘lchanadi. Bugungi kunda nemis futbol maktabi qay darajada nufuzli ekanini butun dunyo tan olib bo‘lgan. Yaqinda Toshkentda ham nemis futboli andozalariga mos ish olib boradigan JFL in Tashkent maktabi ish boshladi. Ushbu ta’lim maskani Germaniyadagi JFL in Schlotheim o‘quv markazi filiali hisoblanadi.
Biz aynan shu markaz rahbari Elfi Fernshild xonim bilan suhbatlashib, JFL futbol maktabi tizimi va o‘zbek futboli haqidagi savollarimizga javob oldik.
- G‘alabali seriya sururi
«InterFUTBOL» gazetasining sentyabr oyi laureatlari haqida
- Faoliyatni yangi bosqchi
Madaniyat va sport sohasidagi boshqaruv tizimini takomillashtirish, mazkur sohada O‘zbekiston xalqining boy va o‘ziga xos madaniyati, san’ati va ijodiyotini yanada rivojlantirishni ta’minlashga yo‘naltirilgan davlat siyosatini amalga oshirish samaradorligini tubdan yuksaltirish, aholi keng qatlamlari orasida ma’naviy-axloqiy kamolot va sog‘lom turmush tarziga intilishni kuchaytirish maqsadida O‘zbekiston Respublikasi Prezidentining 2017 yil 15 fevraldagi «Madaniyat va sport sohasida boshqaruv tizimini yanada takomillashtirish to‘g‘risida»gi PF-4956-son Farmoni qabul qilindi...
- Ro‘yxatdan o‘tmasangiz…
O‘zbekiston futbol federasiyasi va O‘zbekiston professional futbol ligasi tomonidan o‘tgan haftada juda ma’qul bir ishga qo‘l urildi...
- Huvillagan «Kamp-Nou»
«UIK-END»NING MUHIM VOQEALARI
- Xosep Mariya Bartomeu: «Katalonlar ovoz berishga haqlilar»
1 oktyabr kuni Ispaniyaning avtonom viloyati hisoblangan Kataloniyada referendum o‘tkazildi. Hukumat tan olmagan mazkur referendum natijalariga ko‘ra, provinsiyaning 90 foiz aholisi mustaqil bo‘lish uchun ovoz berdi...
- Jerrardga o‘rinbosar
YOXUD «LIVERPUL» 48 MLN.GA KIMNI SOTIB OLDI?
- Uch terma safida uchta mundial
Natijalar turlicha bo‘ladi: ijobiy yoki salbiy, munosib yoki haminqadar, muhim yoki arzimas. Gap futbol haqida ketganda esa, eng avvalo, professional darajada erishilgan muvaffaqiyatlar hisobga olinadi: «Eng yaxshi o‘yinchi», «Eng yaxshi jamoa» kabi...
- Ro‘yobga chiqqan orzu
Football.ua «rossoneri»ning yosh hujumchisi Patrik Kutronening hayot yo‘liga nazar tashlaydi.
- Bugunning ertasi
«Jenoa»ning 16 yoshli forvardi Pyetro Pellegri «Lasio»ga qarshi kechgan bahsda «dubl» qayd etib, uchrashuv qahramonlaridan biriga aylandi. Ushbu voqeadan ruhlangan Soccer.ru ijodkorlari hali o‘smir bo‘lishiga qaramay, kattalar futboliga kirishga ulgurgan, kelajakda katta natijalarni qo‘lga kiritishi mumkin bo‘lgan futbolchilar nomiga murojaat etishdi. Mazkur ro‘yxatdan kimlar o‘rin olganini bilishni xohlaysizmi?
- Frenk Lempard: «Terriga darvozada turish yangilik bo‘lmagan»
«Chelsi»ning sobiq o‘yinchisi Frenk Lempard klubning afsonalaridan biri hisoblanadi. Yaqinda u angliyalik jurnalistlar bilan bo‘lgan suhbatda «aristokratlar» safidagi jamoadoshlari haqida gapirib berdi.
-« Kloppning «egizagi»
2015 yili «Xaddersfild» sport direktori lavozimiga tayinlangan Styuart Uebber klubdagi «pillapoya»ni to‘liq yangilash lozimligini tushundi...
- O‘ng qanotga «Yangi motor»
«Barselona»ning Nelson Semeduni xarid qilishi «Arsenal» muxlislari tomonidan mamnuniyat bilan qarshi olingandi. Zero ular Belyerinning Londondan Kataloniyaga ko‘chib o‘tishi mumkinligidan xavotirda edilar. Hozirga kelib esa «Barsa» muxlislarini muhim bir savol qiynay boshladi: «Semedu Belyerin va Sidibedan ko‘ra mahoratliroqmi?
Hamisha birga bo‘laylik, azizlar!!!
Kiritilgan sana: 05.10.2017 09:45. O'kildi: 7144 marta.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
