Futbol olamida klublar o‘rtasidagi eng nufuzli va serdaromad turnir - Yevropa CHLning ilk «pley-off» raundiga qur’a tashlangach, Soccer.ru sayti ijodkorlari darhol juftliklarda qaysi jamoa favorit ekanligini taxmin qilishga tushishdi. Ular bu jarayonda ko‘plab jihatlarni e’tiborga olishdi.
MANCHESTER SITI» - «MONAKO»
Klublarning UYEFA reytingidagi o‘rni: 12 - 37.
Klublar tarkibining umumiy bahosi (transfermarkt.de portali ma’lumoti bo‘yicha): 524 mln. yevro - 177 mln. yevro.
Klublarning CHL «pley-off» raundidagi tajribasi: oxirgi mavsum yarim finalchisi - o‘ynamagan.
Klublarning yetakchi futbolchilari: Aguero, de Bryuyne, Gyundogan, David Silva, Otamendi - Falkao, Fa-binyo, Sidibe, Lemar, Bruno Silva, Glik.
Klublarning o‘yin bobidagi ustun taraflari: qisqa «pas» bilan o‘ynash, qarshi hujum, qanotlar orqali yurish, futbolchilar mahorati - samaradorlik, qanotlar orqali hujum, serharakat hujumchilar, xavfli vaziyatlar yaratishda qiynalmaslik.
Umumiy hisob: 4:0 - «Manchester Siti» foydasiga.
«Shaharliklar» barcha jihatlarda muayyan ustunlikka egalar. «Monako» garchi UYEFA klublar reytingining ancha pastki qismida bo‘lsada, o‘yin saviyasi bo‘yicha kuchli jamoalar qatoriga kiradi. Leonardu Jardimning o‘z usuli bor, «Monako» uning qo‘l ostida himoyaviy «quti»dan hujumkor mashinaga aylandi. Radamel Falkao ayni payt yosh sheriklari bilan har qanday raqibga qiyinchilik tug‘dirishga qodir. Shunday ekan, «Manchester Siti»ning taltayib ketishiga asos yo‘q. Axir u «PSJ»ning inglizcha varianti. Ya’ni klub uchun APLda yana bir marta birinchi bo‘lishdan ko‘ra, CHLda o‘ynash va loaqal finalga chiqib, arab shayxlarini xursand etish muhimroq sanaladi. Xosep Gvardiola ixtiyorida qiyin o‘yinlarda o‘z so‘zini aytadigan va himoyadagi muammolarni bilintirmaydigan Lionel Messi yo‘q. Biroq uning mavsum startida «Barselona»dan uchralgan mag‘lubiyatga qanday javob berganini esda tutish kerak. Ha, «shaharliklar» ancha kuchli ko‘rinmoqdalar.
Taxmin: «Manchester Siti» keyingi bosqichga o‘tadi. To‘g‘ri, «Monako» ham yaxshi, biroq fransuz klubi o‘zining eng yuqori cho‘qqisiga chiqib ulgurdi. Gvardiolada esa o‘yinni yanada kuchaytirish imkoniyati bor.
«REAL» - «NAPOLI»
Klublarning UYEFA reytingidagi o‘rni: 1 - 15.
Klublar tarkibining umumiy bahosi (transfermarkt.de portali ma’lumoti bo‘yicha): 776 mln. yevro - 319 mln. yevro.
Klublarning CHL «pley-off» raundidagi tajribasi: oxirgi 3ta mavsumda 2ta g‘alaba - oxirgi mavsumda YEL «pley-off» raundlarida o‘ynadi.
Klublarning o‘yin bobidagi ustun taraflari: g‘alabaga nisbatan kuchli iroda, individual mahorat, effektli hujum, qarshi hujum, futbolchilar saviyasi hisobiga vaziyatlar yaratish, standart holatlar - qanotlar orqali hujum, pozision himoya, uzoq masofadan beriladigan zarba, qisqa va o‘rtacha «pas» bilan o‘ynash, markaz bo‘ylab yurish, taktik hiyla.
Umumiy hisob: 4:0 - «Real» foydasiga.
«Napoli» uchun teng raqiblar - «Benfika», Kiyev «Dinamo»si va «Beshiktosh» joy olgan guruhda g‘alaba qozonish ko‘p narsani anglatadi. Italyan jamoasi CHL «pley-off» raundlari o‘yinlari uchun zarur uyushqoqlikni ko‘rsata oldi. Maurisio Sarri bunday darajada ilk marta ishlayapti, lekin Neapol katta o‘yinlarga tayyor. Xullas, Chempionlar kubogining ikki karra g‘olibi - xavfli raqib. «Real» esa hozirdan yana bir final orzusida yashamoqda va bahorda «Volfsburg» maydonida kuzatilgan xatolikni qaytarmaslikka urinishi tayin. Biroq CHL tarixida biror jamoa hali ketma-ket 2 marta zafar quchmaganini inobatga olsak, «Madrid»ni oldinda murakkab to‘siqlar kutib turibdi. Ha, Zayniddin Zidan jamoasi ayni payt ajoyib holatda, mag‘lubiyatsiz seriya bo‘yicha bejiz rekord o‘rnatmadi. Xullas, ushbu juftlikda «Real»ning favorit ekanligiga shubha yo‘q.
Taxmin: «Real» g‘alaba qozonadi, ammo «Napoli»dan har qanday «syurpriz» kutish mumkin. Ayniqsa, Neapoldagi bahsda.
«BENFIKA» - «BORUSSIYa» D.
Klublarning UYEFA reytingidagi o‘rni: 8 -7
Klublar tarkibining umumiy bahosi (transfermarkt.de portali ma’lumoti bo‘yicha): 202 mln. yevro - 351 mln. yevro.
Klublarning CHL «pley-off» raundidagi tajribasi: chorak final - o‘ynamagan, bahorda YEL yarim finaliga chiqdi.
Klublarning o‘yin bobidagi ustun taraflari: effektli hujum, qarshi hujum, pozision yurish, vaziyatlar yaratishdagi yengil harakat - to‘p nazorati, tartibli uzatma, samarali hujum, qanotlar orqali o‘ynash, to‘p bilan tezkor ishlash.
Umumiy hisob: 3:1 - «Borussiya» foydasiga.
UYEFA reytingi bo‘yicha gapirsak, bu jamoalar kuchi teng 7-8-o‘rinlar ularga tegishli. Lekin tushunarliki, «Benfika» bir qarashda, juftlik autsayderidek ko‘rinadi, garchi o‘yin darajasi chakki bo‘lmasada.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
