Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Lekin Madridning «Atletiko»sida qiziq an’ana bor: mazkur jamoa hujum chizig‘i doim yulduzlarga boy bo‘lgan va bu atrofdagilarning hasadini keltirgan.
Soccer.ru hech kimni befarq qoldirmaydigan mana shunday to‘purarlarga to‘xtaladi.
Luis Aragones (Ispaniya; 1964-1974) - 368ta o‘yin, 172ta gol
«Atletiko»ning taniqli forvardlari ro‘yxatini futbolda butunlay boshqa rolni o‘ynagan va anchayin katta yoshdaligida yodimizda qolgan inson ochib beradi:
Evro-2008da Xose Luis Aragones rahbarligidagi Ispaniya termasi g‘olib bo‘ldi va aynan shu davrdan boshlab «qizil furiya»ning jahon hamda Yevropa arenalaridagi uzoq davom etgan g‘olibona yurishi boshlandi.
Ammo yana shuni ham unutmaslik kerakki, Aragones murabbiylikda mashhurlikka erishgunga qadar ham maydonda muvaffaqiyatli to‘p surgan futbolchi edi va uning oltin yillari aynan «Atletiko»da o‘ynagan paytlarga to‘g‘ri keladi.
Luis «Real»ga kerak bo‘lmagandir, ammo «matraschilar» safida to‘purarlik salohiyatini namoyon qildi - Ispaniya chempionatida 3 bor g‘olib chiqdi, Chempionlar Kubogi finaligacha yetib bordi.
Aragones Pako Kampos, Adrian Eskudero, Joze Jankosa singari nomdor futbolchilarning natijalarini ortda qoldirgan holda hamon haqli ravishda «matraschilar» tarixidan bosh forvard sifatida o‘rin olib kelmoqda.
Ugo Sanches (Meksika; 1981-1985) - 162ta o‘yin, 82ta gol
Meksikalik buyuk futbolchini hozir «Real»da 200dan ortiq gol muallifiga aylangan forvard sifatida eslashadi. Lekin Ugoning hujumchilik qobiliyati «Atletiko» tarkibida maydonga tushgan paytlari yuzaga chiqqandi.
Primera tarixidagi eng yaxshi to‘purarlardan biriga aylangan futbolchini mazkur klub okean osha Ispaniyaga olib kelgandi. Hozir u Lionel Messi, Krishtianu Ronaldu va Telmo Sarradan keyin primera snayperlari ro‘yxati 4-o‘rinni egallab turibdi.
Xulio Salinas (Ispaniya; 1986-1988) - 89ta o‘yin, 36ta gol
O‘tgan asrning 90-yillari ikkinchi yarmidagi bosh forvard Bilbaoda tug‘ildi va futboldagi dastlabki qadamlarini mahalliy «Atletik» tarkibida qo‘ydi.
Keyinchalik poytaxtga yo‘l olib, «hindular» safida anchayin o‘sishga erishdi. Aytish mumkinki, «Atletiko» tarkibida ikki mavsum maydonga tushish uning uchun o‘ziga xos tramplin vazifasini o‘tadi, chunki aynan shundan keyin Salinas «Barselona» safiga o‘tib, 100ga yaqin gol muallifiga aylandi.
Shuningdek, Xulio Ispaniya termasi safida 50ga yaqin uchrashuvda maydonga tushib, har ikkinchi o‘yinda to‘p kiritdi. Bu futbolchi ham «Visente Kalderon»da o‘zini ko‘rsata bilgan yetakchi hujumchilar safidan munosib o‘rin egalladi.
Lyuboslav Penev (Bolgariya; 1995-1996) - 43ta o‘yin, 25ta gol
Bolgariya futboli tarixidagi eng kuchli avlod vakillaridan biri. Lekin bolgarlar uchun ancha omadli kelgan JCH-1994ni Penev jarohatlar sabab o‘tkazib yuborishga majbur bo‘ldi.
100dan ortiq gol bilan «Valensiya» tarkibida La-liga yulduziga aylandi, «Atletiko» uchun esa bir mavsum to‘p surdi, ammo qanday mavsum bo‘lgandi-ya! «Matraschilar» chempionlikni qo‘lga kiritishdi, Qirol kubogi egasiga aylanishdi.
Lyuboslav esa har ikki turnirda jamoasining eng yaxshi to‘purari bo‘ldi.
Kristian Vyeri (Italiya; 1997-1998) - 32ta o‘yin, 29ta gol
Hozirgi hisob-kitoblarga ko‘ra, u «matraschilar»ga qariyb 18 mln. yevroga tushgandi, lekin Ispaniyadagi samarali o‘yinlari sabab «Lasio» Kristianni «A» seriyaga qaytarish uchun bu raqamni 1,5 baravar oshirdi.
Turli jamoalar safida ko‘plab gollarni urgan va «Skuadra Adzurra»ning yulduz futbolchisiga aylangan Vyerining Madriddagi faoliyati uzoqqa cho‘zilmadi, ammo yorqinligi bilan esda qoldi.
Jimmi Floyd Xasselbaynk (Gollandiya; 1999-2000) - 43ta o‘yin, 33ta gol
Xasselbaynkni ingliz futboli ixlosmandlari yaxshi tanishadi va hurmat qilishadi. Ayniqsa, «Chelsi» muxlislari, zero aynan shu klubda Jimmi 4ta omadli mavsumni o‘tkazdi.
Biroq gollandiyalik La-ligada o‘zini yanada yaxshiroq ko‘rsata bildi. Xasselbaynk xuddi Vyeri singari «Atletiko»da bir mavsum o‘ynadi, xolos.
Lekin «matraschilar»ga nafaqat kiritgan to‘plari bilan, balki moliyaviy tomondan ham foyda keltirdi: madridliklar bu futbolchining oldi-sotdisidan mo‘maygina daromad ishlab olishdi.
Fernando Torres (Ispaniya; 2001-2007, 2015 yildan hozirga qadar) - 359ta o‘yin, 119ta gol
«Atletiko»dagi o‘ta kuchli forvardlar oqimining 21-asrdagi vakillaridan yana biri. Shunisi diqqatga sazovorki, u klub tarbiyalanuvchisi va jamoa tarixida 19 yasharligida sardorlik bog‘ichini taqqan eng yosh futbolchi.
Torres «matraschilar» libosida segundadayoq maydonga tushdi, qadrdon jamoasining primeraga qaytishiga ko‘maklashdi va «Atletiko» «Liverpul»dan 38 mln. yevrolik taklifni qabul qilguniga qadar samaradorlikni oshirib bordi.
Qariyb 3 yil davom etgan omadsizliklardan so‘ng, yana Madridga qaytdi va Diyego Simeonening shogirdi sifatida maydonga tushdi.
Serxio Aguero (Argentina; 2006-2011) - 234ta o‘yin, 101ta gol
Torres bilan xayrlashishga astoydil hozirlik ko‘rgan «Atletiko» «Independyente»dan yosh hujumchi Agueroni xarid qildi va bu futbolchi o‘zi uchun sarflangan salkam 22 mln. yevrolik mablag‘ni oqladi, hisob. 100dan ortiq gol va 5 yildan so‘ng «Manchester Siti»ga salkam ikki baravar ko‘proq mablag‘ga o‘tishi yuqoridagi fikrimiz isbotidir.
Argentinalik - zamonamizning eng kuchli forvardlaridan biri ekanligiga shak-shubha yo‘q, ammo uning iqtidori aynan «Atletiko»da kashf qilinganini ham unutmaslik darkor.
Diyego Forlan (Urugvay; 2007-2011) - 198ta o‘yin, 96ta gol
Aguerodan farqli ravishda, Forlan «Atletiko»da oq-qoraning farqini anglagan bir paytda paydo bo‘ldi va faoliyatidagi eng yorqin damlarni «Visente Kalderon»da o‘tkazdi.
Kike Sanches Flores rahbarligida Diyego va Serxio «matraschilar» tarkibida 2010 yili Yevropa Ligasida g‘olib chiqishdi va bu murabbiylikka Diyego Simeone kelguniga qadar klubning eng katta yutug‘i bo‘lib qolmoqda.
Diyego Kosta (Braziliya|Ispaniya; 2007-2009, 2010-2014 yillar va 2018 yildan) - 135ta o‘yin, 64ta gol
