Kimning xirmoni baland? Yoki 2018 yilning eng serdaromad futbolchilari...
Baho:
+0; -0
Yakunlangan yil qaysi futbolchilarga moddiy tomondan barakali keldi? Aslida bu savolning javobi ancha oddiy: «Lionel Messi yoki Krishtianu Ronaldu moddiyat masalasida ham ilg‘or-da, baribir».
Xuddi shunday, lekin 2018 yili qay birining ulushi ko‘proq bo‘ldi? 10 nafar eng serdaromad futbolchi ro‘yxatiga qarasak, «Yuventus»ning yangi yetakchisi bu masalada argentinalik raqibidan ortda qoldi.
Unga hattoki, «Instagram» tarmog‘idagi rekord ortidan kelayotgan ulush ham Messini ortda qoldirish imkonini bergani yo‘q. Endi sport24.ru sayti ma’lumotlari asosida reytingga nazar solamiz...
10-o‘rin:Kilian MBAPPE
Klubi: «PSJ»
Terma jamoasi: Fransiya
Yillik ish haqi: 20 million dollar
Homiylik shartnomalari tushumi: 1,5 million dollar
Jami daromadi: 21,5 million dollar
Bosh homiysi: Nike
Serdaromadlar reytingining yangi vakili. Bu atigi boshlanishi. Mbappe 19 yoshidayoq o‘z klubi va terma jamoasida yetakchilar qatoriga qo‘shilishga, jahon chempioni bo‘lishga ulgurdi. Fransiyalik tezkor yigitcha yaqin yillarda jahon futbolining bosh yulduzi maqomini olishiga ko‘pchilik shubhalanmayapti. Shuningdek, Kilianning eng serdaromad o‘yinchiga aylanishi ehtimoli ham ancha baland.
9-o‘rin: Anxel di MARIYa
Klubi: «PSJ»
Terma jamoasi: Argentina
Yillik ish haqi: 20,6 million dollar
Homiylik shartnomalari tushumi: 2 million dollar
Jami daromadi: 22,6 million dollar
Bosh homiysi: Adidas
«PSJ»da ham, Argentina termasida ham yirik brendlar e’tiborini tortadigan yulduzlar ko‘p. Lekin di Mariyaning asosiy daromad manbai - bu maosh. U 2015 yili «MYu»dan voz kechib, juda yaxshi shartlar asosida Parij klubi safiga qo‘shilgandi. Argentinalik yarim himoyachi shundan buyon eng serdaromad futbolchilar reytingining yuqori pog‘onalaridan tushayotgani yo‘q, aynan katta maoshi hisobiga, albatta.
8-o‘rin: Serxio AGUERO
Klubi: «Manchester Siti»
Terma jamoasi: Argentina
Yillik ish haqi: 17 million dollar
Homiylik shartnomalari tushumi: 6,5 million dollar
Jami daromadi: 23,5 million dollar
Bosh homiysi: Puma
Argentina futbolining yana bir yorqin vakili. 7 yildan buyon «Manchester Siti» sharafini himoya qilayotgan Serxio hozirga kelib, klub tarixidagi bosh to‘purar va APLning o‘ziga xos razmlaridan biriga aylandi. Shunday ekan, bejiz million hisobida maosh olayotgani yo‘q.
7-o‘rin: Luis SUARES
Klubi: «Barselona»
Terma jamoasi: Urugvay
Yillik ish haqi: 19,9 million dollar
Homiylik shartnomalari tushumi: 7 million dollar
Jami daromadi: 26,9 million dollar
Boshhomiylari: Puma, Pro Evolution Soccer, Gatorade
Urugvaylik goleador boshqa klubda balki yanada ko‘proq maosh olarmidi? «Barselona»da esa faqat bir kishiga mislsiz darajada katta haq to‘lashadi. Shunday bo‘lsada, Suares hozircha klubni almashtirish haqida o‘ylayotgani yo‘q, faqat butsa ta’minotchisini yangiladi. Aniqrog‘i, futbolchi 2018 yili Puma bilan shartnoma tuzdi. Suares bunga qadar 10 yil davomida Adidas ekipirovkalaridan foydalangandi.
6-o‘rin: OSKAR
Klubi: «Shanxay SIPG»
Terma jamoasi: Braziliya
Yillik ish haqi: 25,9 million dollar
Homiylik shartnomalari tushumi: 1,5 million dollar
Jami daromadi: 27,4 million dollar
Bosh homiysi: Adidas
Braziliyalik yarim himoyachi ayni kuchga to‘lgan payti «Chelsi»ni Xitoy ligasi bilan almashtirib, butun futbol olamini «shok»ka tushirgandi. Braziliyaning o‘zida ham bu qadamni tushunishmadi, chog‘i, Oskarni terma jamoaga chaqirmay qo‘yishdi. 27 yoshli futbolchi esa mutlaqo xotirjam. Har holda, jonini ortiqcha qiynamasdan ham havasga arziydigan miqdorda maosh olmoqda. Diqqatga sazovor tomoni, Oskar o‘z intervyularidan birida oshkora tan olgandi: «Qachondir eslash uchungina jahon chempionatida o‘ynaganimdan ko‘ra, oilam istiqboliga millionlar to‘plashim yaxshiroq».
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
